A Wakak na Wasiso un o Iesu Karisito o Jon i tumusi 11:42 - Nupela Testamen long tokples Kandas

⁴² A tasmani lena u ser longoro iau, ikut a wasiso lenri, kibino una taro ri, sur det in nurnur lena ui u tulu ru iau.”

A Wakak na Wasiso un o Iesu Karisito o Jon i tumusi 11:42 Σταυροειδείς Αναφορές

Matiu 26:53

Pepetlai, u nuki lena, in ngangitin sur an saring o Tita sur lako susut na arip na ensel, ra uniutri in tulu ru det torom iau?

A Wakak na Wasiso un o Iesu Karisito o Jon i tumusi 11:22

Ikut a tasmani lena, ra uniri un saring o God sur tu utna, in pitari kut tam.”

A Wakak na Wasiso un o Iesu Karisito o Jon i tumusi 11:31

A kum te Juda ra det kis tomo nam o Maria tiro urumu sur det in umaromi, det tama i ra i pirso lakit pas gusun det unago utamon, ra det muri. Uni det nuki lena in nan sur a kulam na minat sur in domos iai.

A Wakak na Wasiso un o Iesu Karisito o Jon i tumusi 11:43

I sa watung tari lenri, ra i kakabo namin labino walngano lena, “Lasarus, un pirso!”

A Wakak na Wasiso un o Iesu Karisito o Jon i tumusi 12:11

Uni a susut na te Juda det wan gusun det ma det nurnur un o Iesu, i kibino un o Lasarus.

A Wakak na Wasiso un o Iesu Karisito o Jon i tumusi 12:17

A susut na taro ra det tur tomo nam o Iesu una bung ra i kabo pirso pas o Lasarus tagun a kulam na minat ma i ulaun pasi, det inanos nanan nami.

A Wakak na Wasiso un o Iesu Karisito o Jon i tumusi 17:21

Tita, a wararing lena det rop ra det nurnur un iau, det in takai kut, elar nam ui kuri un iau ma iau kura un ui. A nemi sur det in laun un dar, sur a taro una rakrakon bual det in nurnur lena ui u tulu ru iau urin.

A Wakak na Wasiso un o Iesu Karisito o Jon i tumusi 17:25

Tita, ui u tokodos, a taro nin una rakrakon bual ka det tasman ui. Ikut iau, a tasman ui, ma anung a taro na ususer kai, det tasmani lena ui, u tulu ru iau urin.

A Wakak na Wasiso un o Iesu Karisito o Jon i tumusi 17:8

A sa inanos tar det nama kum wasiso ra u pitar tari tang, ma det sa muri. Ma det tasman mulusi lena a wan ut tagisapat tam, ma det sa nurnur lena ui ut u tulu ru iau urin.

A Wakak na Wasiso un o Iesu Karisito o Jon i tumusi 20:31

Ikut di tumus ukai pas a ramano kum utna ri, sur mot in nurnur lena o Iesu i a Karisito, a Nutun o God. Ra mot in nurnur uni, mot in laun nama risano.

A Wakak na Wasiso un o Iesu Karisito o Jon i tumusi 3:17

O God ke tulu tar o Nutunu urin una rakrakon bual sur in pitar a warkurai na minabalu torom a rakrakon bual. I tulu tari kut sur in ulaun a rakrakon bual.

A Wakak na Wasiso un o Iesu Karisito o Jon i tumusi 8:16

Ikut ra an warkurai taio, anung a warkurai i lingmulus, uni, awu sur iau kut a pami, mir ut nam o Tita, i ra i tulu ru iau urin.

A Wakak na Wasiso un o Iesu Karisito o Jon i tumusi 8:29

I ra i tulu ru iau, i kis tomo nam iau, ma ke ser wan gusun iau, uni a ser pam a kum utna ra i gas nami.”

A Wakak na Wasiso un o Iesu Karisito o Jon i tumusi 8:42

O Iesu i watungi tandet lena, “Ra gunuk mot tamano mulus nam o God, mot in nem iau, uni a wan tagisapat tan o God, ra uniri a kis nin. Ka wanpat urin una nung a nemnem, i ut i tulu ru iau.

A Pas anun o Pol torom a taro Rom 8:3

A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai. Ikut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna.

Galesia 4:4

Ra a kilalo i sot, o God i tulu ru o Nutunulik urin. A ino i usus pasi, ma i kis utuntudu ina Warkurai.

Ibru 5:7

Ra o Iesu i laun nin una rakrakon bual, i kukukuk nam anun a kum niaring nama lurlur na matano torom o God, i ra i pet lar pasi sur in ulaun pasi gusun a minat. Ma o God i longoro i, uni i unatino pasi utuntudu ino.

Ibru 7:25

I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

1 Jon 4:14

O Tamano i pitar ru o Nutunu sur in Tene Ulaun anun a rakrakon bual, ra met, met sa tama tari, ma met wasiso talapor uni.