A Wakak na Wasiso un o Iesu Karisito o Jon i tumusi 11:4 - Nupela Testamen long tokples Kandas

⁴ O Iesu i longoro i, ra i watungi lena, “Awu sur o Lasarus in mat una misait ri. I misait kut, sur din tama a minamar anun o God, ma sur din mari kai a Nutun o God nami.”

A Wakak na Wasiso un o Iesu Karisito o Jon i tumusi 11:4 Σταυροειδείς Αναφορές

A Wakak na Wasiso un o Iesu Karisito o Jon i tumusi 10:38

Uniri a pami ut anun a kum pinapam. Ikut ra ka mot nurnur una nung a wasiso, mot in nurnur un iau kibino una kum pinapam a pami, sur mot in tasmani lena o Tita kuri un iau, ma iau kura un o Tita.”

A Wakak na Wasiso un o Iesu Karisito o Jon i tumusi 11:40

O Iesu i watungi tano lena, “Pepetlai, ka watung tari tam lena, ra un nurnur un tama a minamar anun o God?”

A Wakak na Wasiso un o Iesu Karisito o Jon i tumusi 12:28

Tita, un ulabo pas a risam!” Numur in nalngan ara tagisapat una langit i watungi lena, “A sa ulabo tari, ma an ulabo meleti ut.”

A Wakak na Wasiso un o Iesu Karisito o Jon i tumusi 17:1

Ra o Iesu i sa watung rop tar a kum wasiso ri, i tamtama tito usapat una langit, ra i watungi lena, “Tita, a du bung i sa wanpat, un pitar a minamar torom o Nutum, sur o Nutum in pitar a minamar torom ui.

A Wakak na Wasiso un o Iesu Karisito o Jon i tumusi 17:10

Det rop ra anung, anum utkai, ma det rop ra anum, anung utkai. Ma anung a minamar din tama i un det.

A Wakak na Wasiso un o Iesu Karisito o Jon i tumusi 17:5

Tita, uniri, ra an kis tomo melet nam ui, un pitar a minamar tang. A minamar ra numugu a kis uni tomo nam ui, ra ka di ukisi utmakai a rakrakon bual.

A Wakak na Wasiso un o Iesu Karisito o Jon i tumusi 2:11

Iri a mugano ukinalong ra o Iesu i pami. I pami tong o Kana una papor Galili. A ukinalong ra, i ese puaso anun a minamar, ma anun a kum nat na ususer det nurnur uni.

A Wakak na Wasiso un o Iesu Karisito o Jon i tumusi 5:23

sur a taro rop det in ru o Nutunu elar nami ra det ru o Tamano. Osi ra ke ru o Nutunu ke ru i kai o Tamano, i ra i tulu ru i urin.

A Wakak na Wasiso un o Iesu Karisito o Jon i tumusi 8:54

O Iesu i balu det lena, “Ra an ulabo melet pas iau ut, anung a wasiso na ulabo ri ke gas un tu utna. Ikut o Tita ut i ulabo pas iau, i ra mot watungi lena i anumot a God.

A Wakak na Wasiso un o Iesu Karisito o Jon i tumusi 9:24

Det ben melet pas a musano ra di usus pasi, i sa pulu, ma det watungi tano lena, “Un liliman umatan o God ra anum a wasiso i lingmulus ut! Met tasmani lena a musano ra i utamtama pas ui, a tene sakino.”

A Wakak na Wasiso un o Iesu Karisito o Jon i tumusi 9:3

O Iesu i balu det lena, “A musano ri ke pam tar tu sakino petutna, o tamano ma o nano kai awu. I pulu kut sur a taro det in tama a dekdekin o God uni.

A Pas anun o Pol torom a taro Rom 11:11

I mo ra a iting melet lena, pepetlai, ra a taro Israel det puku, det puku tukum? Awu! Ikut, o God i ulaun pas a taro gisen, kibino una sakino petutna anun a taro Israel, sur in ukatutur a nuknukin a taro Israel, sur det kai det in nemnem sur o God in ulaun pas det.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Pilipai 1:20

A nurnur lena, kan pam tu utna ra an maimai uni. An tur dekdek ma kan ngara, sur an ulabo pas o Karisito una nung a kum petutna rop elar nami ra numugu a ser pami. Sako an laun o an mat, an ulabo pasi ut.

1 Pita 1:21

Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.

1 Pita 4:11

Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.

1 Pita 4:14

Ra di watung laulau mot uni mot tagun o Karisito, mot dan. Uni a Nion o God, a Nion na minamar, i kis tomo nam mot.