A Wakak na Wasiso un o Iesu Karisito o Jon i tumusi 1:29 - Nupela Testamen long tokples Kandas

²⁹ Ara bung numur, o Jon i tama o Iesu i wan nanan toromi, ra i watungi uni lena, “Mot tama i, a Barman na Sipsip anun o God, ra in lakro ru a sakino petutna anun a rakrakon bual.

A Wakak na Wasiso un o Iesu Karisito o Jon i tumusi 1:29 Σταυροειδείς Αναφορές

Matiu 1:21

In usus pas a nat na musano, ma un pasor a risano nam o Iesu, uni in ulaun pas anun a taro gusun anundet a kum sakino petutna.”

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

A Wakak na Wasiso un o Iesu Karisito o Jon i tumusi 1:35

Ara bung palu melet, o Jon ma aru nat tagun anun a kum nat na ususer detul tur taru melet tiro.

A Wakak na Wasiso un o Iesu Karisito o Jon i tumusi 1:36

I tama pas o Iesu i wan sakit detul, ra i watungi uni lena, “Tama i, a Barman na Sipsip anun o God.”

A Wakak na Wasiso un o Iesu Karisito o Jon i tumusi 1:43

Ara bung palu melet, o Iesu i nem na wan utong o Galili. I sio pas o Pilip, ra i watungi tano lena, “Un mur iau.”

A Wakak na Wasiso un o Iesu Karisito o Jon i tumusi 2:1

Numur tan a ru bung, di pam a lukaro na unolin tong o Kana, una papor Galili. O nan o Iesu i wan una lukaro ra.

A Wakak na Wasiso un o Iesu Karisito o Jon i tumusi 3:16

“O God i maris a rakrakon bual, ra i pitar tar o Nutunu ara sot kut, sur osi ra in nurnur uni, in laun tukum ma ken iru.

A Wakak na Wasiso un o Iesu Karisito o Jon i tumusi 4:42

Det watungi tan a ino ra lena, “Uniri met sa nurnur, awu sur una wasiso kut ra u watungi un o Iesu, awu. Met ut, met sa longoro i, ma met sa tasman mulusi lena, i a Tene Ulaun anun a rakrakon bual.”

A Wakak na Wasiso un o Iesu Karisito o Jon i tumusi 6:51

Iau ut a beret ra i laun, ra i wan pirso tagisapat una langit. Osi ra in nangon tagun a beret ri, in laun tukum. A lingmulus, a beret ra an etabor nami, i a pining. A pitari sur a taro una rakrakon bual det in laun nami.”

Aposel 13:39

Ikut, det rop ra det nurnur un o Iesu, din watung det a kum tene tokodos.

Aposel 8:32

Iri a kum wasiso na Buk Tabu ra i luki: “Di beni elar nama sipsip, sur din um doko i. Ke wasiso, elar nama sipsip ra i tur wowowon torom o naro ra i kumuri.

1 Korin 15:3

Uni a wasiso ra i labo doko, ra a sa los pasi, a sa pitar tari tamot. A wasiso ra i lenri: O Karisito i mat una nundat a kum sakino petutna, elar nami ra di sa tumus tari una Buk Tabu.

2 Korin 5:21

O Karisito ke pam tu sakino petutna, ikut o God i ubek tar anundat a sakino petutna netes uni, sur dat ra tagun o Karisito, dat in rakon a tokodos na petutna anun o God.

Galesia 1:4

O Iesu i ubek ru anun a nilaun una anundat a kum sakino petutna, sur in ulaun dat gusun a kum sakino petutna ra a taro det pami una kum kilalo ri. I elar nama nemnem anun anundat a God a Tamandat.

Galesia 3:13

A kum Warkurai i ubek tar dat una dekdek na kankan anun o God. Ikut o Karisito i kul langolango pas dat gusun a kankan ra. I ut i tur keles dat, ra i rakon pas a dekdek na kankan. I elar nami ra di sa tumus tari una Buk Tabu lena, “Osi ra di ukete i netes unin nanai, a dekdek na kankan anun o God i kis uni.” Lo 21:23

1 Timoti 2:6

i ra i pitar tar anun a nilaun sur in kul langolango pas a taro rop. Una du bung ra o God i sa kubus tari, o Iesu i ulingmulus a nemnem anun o God lena i nem na ulaun a taro rop.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 1:3

O Nutunu i talapor doko nama minamar anun o God, ma i elar mulus ut nam o God. I pam ukai a kum utna rop nama nun a dekdek na wasiso sur det in papam tomo wakak. I pitar tar anun a nilaun, sur in rus talapor dat gusun a kum sakino petutna rop. Ra i sa pam rop tar a pinapam ra, i kis una papor sot na laman a labino King sakit, sapat netes una langit.

Ibru 2:17

Iri a kibino ra o Iesu i wanpat elar ut nama kum tistisino una kum utna rop, sur in mugumugu na tene etabor torom o God ma una nun a pinapam ra torom o God, in ese a marmaris torom a taro, ma a lingmulus na petutna. In pitar anun a nilaun sur in mat, ma o God in unus ru a kum sakino petutna anun a taro, ma in urop ru anun a kankan ma ken kankan melet mo torom det.

Ibru 9:28

Lenkutkai ra o Karisito i pitar tari ut sur i a etabor torom o God ara dino kut, sur in los gisen ru a kum sakino petutna anun a susut na taro. Ma in nanpat melet a manru na dino. Awu mo sur in los gisen ru a kum sakino petutna, awu. In nanpat sur in ulaun pas det ra det kis langlang suri.

1 Pita 1:19

I kul langolango pas mot nama gapin o Karisito ra a matano i ka, i ra i elar nama barman na sipsip, ra kalako dur uni ma katu misait uni.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

1 Jon 2:2

I ut i mat sur in kul langolango pas dat gusun anundat a kum sakino petutna, ma in urop ru a kankan anun o God gusun dat. Ma ke mat sur dat kut, i mat sur a taro rop una rakrakon bual.

1 Jon 3:5

Ma mot tasmani lena o Karisito i wanpat sur in los ru anundat a kum sakino petutna, ma i ut, katu sakino petutna uni.

1 Jon 4:10

A marmaris i lenri: O God ut i maris mugu dat. Awu sur dat, dat maris mugu o God, awu. O God i maris dat, ra i pitar ru o Nutunu sur in mat ra in ulangolango pas dat gusun anundat a kum sakino petutna ma in urop ru a kankan anun o God gusun dat.

Tamtama 1:5

ma tan o Iesu Karisito, i a lingmulus na tene wasiso talapor un o God, ma a mugano tandet ra det in laun melet gusun a minat, ma a mugumugu anun a kum king una rakrakon bual. I maris dat, ma i ulangolango pas dat gusun anundat a kum sakino petutna nama gapino,

Tamtama 12:11

A kum tistisin dat det sa winim pasi nama gapin a Barman na Sipsip, ma nama nundet a wasiso puaso. Ma ka det maris bat anundet a nilaun gusun a minat.

Tamtama 13:8

Ma det rop ra det kis una rakrakon bual, ra a risandet ke kis una buk na nilaun, ra di sa tumus tari numugu ra o God ke ukisi utmakai a rakrakon bual, det in lotu torom a kuabor na wewegua. A buk na nilaun ra, anun a Barman na Sipsip, ra di um doko ru i.

Tamtama 14:1

Numur a tamtama, ra a tama pas a Barman na Sipsip i tur taru una Tangai Saion tomo nam ara mar ma wat na noino ma wat na arip na taro, det ra di sa tumus tar a risan a Barman na Sipsip ma a risan o Tamano kai una kum masarindet.

Tamtama 14:10

i kai in inum tagun a wain na kankan anun o God. A wain ri di sa waninar tari, a inaimino i dekdek doko, ma di lingisi una kap na kankan anun o God. Din ukadiki nama sungun ma a salfa, numugu tan a Barman na Sipsip ma a kum ensel anun o God.

Tamtama 14:4

Det ri, katu dur un det, uni ka det inep tomo nama wardain. Det ser mur a Barman na Sipsip una kum nubual ra i ser wan iai. O God i kul langolango pas det taginin epotor tan a taro una rakrakon bual, sur det in elar nama mugano wino ra di ser tabor o God ma a Barman na Sipsip nami.

Tamtama 15:3

Det kele a kelekele anun o Moses, a tultul anun o God, ma a kelekele anun a Barman na Sipsip lena, “Labino o God u dekdek sakit, anum a kum pinapam det labo ma di kisin doko un det. Ui a King anun a taro tagun a kum gapman rop, anum a kum petutna det tokodos ma det lingmulus.

Tamtama 17:14

Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.”

Tamtama 19:7

Dat in gas, ma dat in watung ulabo pasi! Uni a bung na unolin anun a Barman na Sipsip i sa wanpat, ma nun a ino i sa waninar.

Tamtama 19:9

Numur a ensel i watungi tang lena, “Un tumusi lenri: Det ra di sa inanos tar det sur a lukaro na unolin anun a Barman na Sipsip, det dan!” Ma i watungi kai lena, “A kum wasiso ri a kum lingmulus na wasiso ut anun o God.”

Tamtama 21:14

In kibin noworo ina tamon ra, di pami nama noino ma aru wat. Ma una kum watat ra, di sa tumus tar a risan a noino ma aru aposel anun a Barman na Sipsip.

Tamtama 21:27

Katu dur na utna melet mo in ruk usapat uni, ma kataio ra i ser pam a kum utna na maimai, ma kataio kai ra i ser toro. Det ra di sa tumus tar a risandet una buk na nilaun anun a Barman na Sipsip, det kut det in ruk.

Tamtama 21:9

Ara tagun a wonom mawit na ensel, ra det pam a wonom mawit na dis ra i bukus nama wonom mawit na ururop na ukadik, i wanpat ma i watungi tang lena, “Wan urin, an ese tar ui una matok na nolin, a ino anun a Barman na Sipsip.”

Tamtama 5:6

Numur a tama a Barman na Sipsip, i tamtama lari ra di sa um doko tari, i tur nisan a kiskis na king, ma a wat na utna ra det laun, ma a kum mugumugu det tur talilis pasi. A Barman na Sipsip ra, a wonom mawit na komino, ma a wonom mawit nin nikiok na matano. Det a wonom mawit na nion o God, ra di tulu ru det una rakrakon bual rop.

Tamtama 5:8

Ra i los pas a buk ra, a wat na utna ra det laun ma aru noino ma wat na mugumugu, det puku na urur taru sa numugu tan a Barman na Sipsip. Det rop det pam arara gita ma arara dis ra di pami nama gol. A kum dis ra, det bukus nama paura di watungi nama insens, ra di tuni ra a misino i sangnain wakak. Det ra, a kum niaring anun a taro anun o God.

Tamtama 6:1

A tama i ra a Barman na Sipsip i papok ru a mugano bulit tagun a wonom mawit na bulit kura una buk. A longoro ara tagun a wat na utna ra det laun, i kakabo namin nalngano ra i elar nama pungpugur lena, “Wan urin!”

Tamtama 6:16

Ma det kukukuk torom a kum lamlabino watat ma a kum tangai lena, “Mot in puku sapat netes un met, ma mot in munu met gusun in masarin o naro ra i kis una kiskis na king, ma gusun a kankan anun a Barman na Sipsip!

Tamtama 7:14

A balu i lena, “Labino, ui ut u tasmani.” Ra i watungi tang lena, “Det ri, a taro ra det sa laun sikot tagun a labino ngunungut ra i monong det, ma det sa gos kamkabang pas anundet a kum malu nama gapin a Barman na Sipsip.

Tamtama 7:17

Uni a Barman na Sipsip ra i kis epotor una kiskis na king, i anundet a tene tamtamabat. In mugu det sur a kum matmatano danim na nilaun. Ma o God in wus ru a kum lurlur na matandet rop.”