A Wakak na Wasiso un o Iesu Karisito o Jon i tumusi 1:16 - Nupela Testamen long tokples Kandas

¹⁶ I bukus nama marmaris, ma gusun anun a labino marmaris i udan dat nama susut na wakak na utna ra i wanan pat torom dat.

A Wakak na Wasiso un o Iesu Karisito o Jon i tumusi 1:16 Σταυροειδείς Αναφορές

Matiu 13:12

Uni osi ra i pam ukai a mananos uni, din tabor meleti nama labino, ma in mananos bing. Ma osi ra ke pam ukai tu mananos uni, din rakon ru i utkai asau lik ra kura i pam ukai i.

Matiu 3:11

Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.

Matiu 3:14

O Jon i nem na turbati, ra i watungi tano lena, “Ilai ra u wan torom iau sur an baptaiso ui? In wakak sur ui un baptaiso iau.”

Luk 21:15

Uni iau ut, an unuk tar a wasiso ma a mananos kai una nuknuki mot, ra anumot a kum ebar rop, ka det in balu lar pasi, ma ka det in ipul ru i.

A Wakak na Wasiso un o Iesu Karisito o Jon i tumusi 3:34

I ra o God i tulu ru i, i wasiso nama wasiso anun o God, uni o God i pitar rop tar a Tokodos na Nion toromi.

A Pas anun o Pol torom a taro Rom 5:17

Ma una petutna na lakai warkurai anun ara musano kut, a taro rop det kis utuntudu ina dekdekin a minat. Ikut, i lingmulus sakit, a taro ra det los pas a marmaris anun o God ra i bukus ma i pulpulas, ma det los pasi kai anun a etabor ra i watung det a kum tene tokodos, det in laun tukum ma det in warkurai elar nama kum king, kibino un ara musano kut, o Iesu Karisito.

A Pas anun o Pol torom a taro Rom 5:2

Ra dat nurnur un o Karisito, i mugu dat ma i uruk dat una marmaris anun o God. Ra uniri, dat sa laun uni. Ma dat gas, ra dat kis langlang nama nurnur sur a minamar anun o God, ra kura numur dat in kis uni.

A Pas anun o Pol torom a taro Rom 5:20

Ra o God i pitar tar a kum Warkurai, a sakino petutna anun a taro i lubung. Ikut ra a sakino petutna i lubung, a marmaris kai anun o God i labo tauni.

A Pas anun o Pol torom a taro Rom 8:9

Ikut mot, ka mot kis mo utuntudu ina sakino nemnem ina pinimot. Awu! Mot kis utuntudu ina Tokodos na Nion, uni a Nion o God i laun un mot. Ikut, ra taio, a Nion o Karisito ke laun uni, i awu sur anun o Karisito.

Epeses 1:23

Ma a taro na lotu det a pinin o Karisito. Ma o Karisito i bukus un det, ma i ubukus a kum utna rop kai una wur ngas na kisapi rop.

Epeses 3:19

A wararing sur mot in tasman a marmaris anun o Karisito, ra i labo taun a mananos anun a taro, sur mot in bukus nama kudulano nilaun anun o God.

Kolosi 1:19

Uni o God i gas sur anun a kudulano nilaun rop in bukus un o Nutunu.

Kolosi 2:3

A mananos rop, ma a wakak na ninunuk rop, det elar nama kum wakak na ululeng, ra det kis eno un o Karisito.

1 Pita 1:11

A Nion o Karisito i kis un det, ma i inanos mugu tar det una kum ngunungut ra o Karisito in taramo i, ma una nun a minamar numur. Det tiktikin sur nangisin mulus, ma osi ra a kum utna ri in nanpat uni.

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.