Jems 4:1 - Nupela Testamen long tokples Kandas

¹ Asau a kibino ra mot waim ma mot engaras etetalai? I kibino una numot a kum laulau na nemnem ra det waim una numot a nilaun.

Jems 4:1 Σταυροειδείς Αναφορές

Matiu 15:19

Iri a kum utna ra i ser wanpat tagun a nuknukino: a kum sakino nuknuk, a petutna ra di um doko a taro, a petutna ra di pam a sakino nam tu ino anun taio o nam tu musano anun taio, a kum petutna na pamuk, a wolong, a etakun torotoro, ma a petutna ra di mang laulau ara.

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

A Pas anun o Pol torom a taro Rom 7:23

Ikut, una kum du pining a tama i kai ara se ngas na dekdek, ra ke mur a Warkurai anun o God. I waim tomo nama wakak na warkurai kuri una nuknuking, ma i ker ukai iau sur an kis una karabus anun a sakino petutna, ra i ser papam una kum du pining.

A Pas anun o Pol torom a taro Rom 7:5

Numugu anundat a nilaun i kis utuntudu ina dekdekin a sakino nemnem ina pinindat, ra a kum Warkurai i ukatutur pat a kum sakino nemnem sur dat in pam a sakino petutna. Ra a sakino petutna una nundat a nilaun i pitar a minat kut.

A Pas anun o Pol torom a taro Rom 8:7

Osi ra a nuknukino i kis utuntudu ina sakino nemnem ina pinino, der ebar nam o God. Uni osi ra a nuknukino i lenra, ke unatino pasi utuntudu ina kum Warkurai anun o God, ma ken pet lar pasi.

Galesia 5:17

A sakino nemnem ina pinimot i turbat a Tokodos na Nion, ma a nemnem anun a Tokodos na Nion kai i turbat a sakino nemnem ina pinimot. Der waim etetalai, ra ka mot pam lar pas asau ra mot nemi.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

2 Timoti 2:23

Un nan gisen gusun a kum wasiso ororos ra katu kukuraino, uni det in ukatutur a kum wasiso na engaras.

Taitus 3:3

Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.

Taitus 3:9

Un nan gisen gusun a kum tuptup na wasiso, ma a kum utatos, ma a engaras, ma a inaim na wasiso una Warkurai anun o Moses, uni ka det gas un tu utna, ra ken warut ui.

Jems 1:14

A taro rop, taktakai, anundet a kum laulau na nemnem ut i ulam pas det, ma i dat pas det, sur det in pam a sakino.

Jems 4:3

Ra mot wararing, ka mot utur ukai a utna ra mot sasaring suri, uni a nuknuki mot ke tokodos. Mot sasaring kut sur a utna ra in ugasgas mot ut.

1 Pita 1:14

Mot a kum nutnutun o God, ra mot ser mur anun a wasiso, gong mot mur a kum sakino nemnem ra numugu mot ser pami ra ka mot mananos utmakai.

1 Pita 2:11

A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot.

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

2 Pita 3:3

A labino utna sakit, mot in tasmani lena, una kum ururop na bung, a taro na urongon det in nanpat ra det in muri kut a kum sakino nemnem. Det in urongon laulau,