Jems 3:1 - Nupela Testamen long tokples Kandas

¹ A kum tistising, gong lako susut tagun mot det wanpat a kum tene ususer tagun a lotu, uni mot tasmani lena, a warkurai anun o God torom met, a kum tene ususer, in dekdek sakit tan a warkurai torom a taro gisen.

Jems 3:1 Σταυροειδείς Αναφορές

Matiu 10:24

“A nat na ususer ke labo taun anun a tene ususer, ma a tultul kai, ke labo taun anun a labino.

Matiu 23:13

O Iesu i watungi lena, “In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot tagar bat a taro sur gong det ruk una matanitu tagisapat una langit. Ma mot ut, ka mot ruk uni, ma ka mot mulaot a taro ra det nem na ruk, sur det in ruk.

Matiu 9:11

Ra a kum Parisi det tama i, det ting anun a kum nat na ususer lena, “Sur asau ra anumot a tene ususer i wangon tomo nama kum tene los takis ma a kum tene sakino?”

Luk 16:2

I kabo pasi, ma i tingi lena, ‘Asau ra a longoro i un ui? Un tumus a wasiso talapor una num a pinapam na tamtamabat ma un pitari tang, uni kon tene tamtamabat melet mo anungi.’

Luk 6:37

“Gong mot takun tar taio, sako o God in takun mot. Gong mot kuro tar taio sur in los a warkurai na minabalu, sako o God in kuro mot ra mot in los a warkurai na minabalu. Mot in dumano ru a kum sakino petutna ra a taro det pami un mot, ma o God in unus ru anumot a kum sakino petutna.

A Wakak na Wasiso un o Iesu Karisito o Jon i tumusi 3:10

O Iesu i balu i lena, “Ui a labino tene ususer anun a taro Israel, ma ilai ra ko tasman a kum utna ri?

Aposel 13:1

Tiro o Antiok, a kum poropet ma a kum tene ususer kai, kura epotor tan a taro na lotu. Iri a kum risandet: o Banabas, o Simion ara risano kai o Niger, o Lusius a te Sairini, o Sol ma o Manaen, i ra di ugu tomo der nam o Erod, a mugumugu.

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

2 Korin 5:10

Uni dat rop dat in tur sa numugu tan a kiskis na warkurai anun o Karisito. Dat taktakai, dat in los a ikul una kum utna ra dat sa pam tari una nilaun nin upiso, a wakakino, o a laulau ino.

Epeses 4:11

I ut ra i tabor anun a taro nama kum aposel, a kum poropet, a kum tene wasiso talapor nama Wakak na Wasiso, ma a kum pasta, ma a kum tene ususer,

1 Timoti 1:7

Det nemi sur det in ususer a taro una kum Warkurai anun o God, ra det nuki lena det tasman wakaki, ikut ka det tasman mulus asau ra det wasiso uni.

1 Timoti 2:7

Iri a kibino ra o God i pilok pas iau, sur an aposel ma an warawai nama Wakak na Wasiso, ma an ususer a taro ra awu sur a taro Juda nama nurnur mulus. A watung a lingmulus, awu sur a toro.

2 Timoti 1:11

O God i sa pilok pas iau sur an tene warawai nama Wakak na Wasiso, an aposel ma an tene ususer kai uni.

Ibru 13:17

Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.

Jems 1:16

A kum wakak na tistising, gong mot madek tar taio sur in toro pas mot.

Jems 1:19

A kum wakak na tistising, mot in tasman a utna ri: I wakak ra mot rop, mot in longoro lakit, ikut gong mot wasiso lakit, ma gong mot kankan lakit.

Jems 3:10

A wasiso na watung ulabo a Labino, ma a wasiso ra i ban laulau taio, der rop, der ser pirso kut gusun a wandat. A kum tistising, ke tokodos lenra.

1 Pita 5:3

Gong mot ulabo pas mot, ma mot warkurai dekdek det, ra di sa pitar tar det una numot a tamtamabat. A magiramot in wakak sur a kum sipsip det in tama i ma det in muri.