Jems 2:8 - Nupela Testamen long tokples Kandas

⁸ Mot in pam sot pas a warkurai ra i labo sakit una Buk Tabu. I lenri, “Un nem o pasam elar nami ra u nem ui ut.” Wkp 19:18 Ra mot pami lenra, mot pam a tokodos na petutna.

Jems 2:8 Σταυροειδείς Αναφορές

Matiu 22:39

Ma iri i a manru na warkurai, ra i ling na elar nami, ‘Un nem o pasam elar nami ra u nem ui ut.’ Wkp 19:18

Matiu 25:21

Anun a labino i balu i lena, ‘Wakak sakit, ui a wakak na tultul, u lingmulus una num a pinapam. An ubek tar ui sur un tamtamabat lako susut na utna, uni u lingmulus una kum nat na utna ri. Ra uniri dar in nan ma dar in gas tomo.’

Matiu 25:23

Anun a labino i balu i lena, ‘Wakak sakit, ui a wakak na tultul, u lingmulus una num a pinapam. An ubek tar ui sur un tamtamabat lako susut na utna, uni u lingmulus una nat na utna ri. Ra uniri dar in nan ma dar in gas tomo.’

Matiu 7:12

A kibin a wasiso na Warkurai anun o Moses, ma a kum etowo anun a kum poropet i lenri: A kum utna rop ra mot nemi sur a taro det in pami torom mot, mot kai, mot in ser pami torom det.

A Pas anun o Pol torom a taro Rom 13:10

Osi ra i nem a pasano, ken pam tu sakino toromi. I mo ra osi ra i pami lenra, i pam sot rop pas a kum Warkurai.

Galesia 5:14

A kum Warkurai rop anun o God di ubek tomo pas det sur ara warkurai mukut, i lenri: “Un nem o pasam elar nami ra u nem ui ut.” Wkp 19:18

Galesia 6:2

Mot in warut etetalai mot una numot a kum mamaut. Ra mot pami lenri, mot pam sot pas a warkurai anun o Karisito.

Pilipai 4:14

Ikut i wakak ra mot tur tomo nam iau una kum mamaut ra a taramo i.

1 Tesalonaika 4:9

Ka metul in tumtumus melet mo torom mot una numot a marmaris torom a kum tistisi mot, uni, o God i sa ususer tar mot sur mot in nem etetalai mot.

Jems 1:25

Ikut, ra taio in longoro wakak a tokodos na warkurai anun o God, ma in ser muri, ma ke dumano i, a musano ra, in dan una nun a kum pinapam. A warkurai ri, ra in longoro i, i ser ulangolango a taro.

Jems 2:12

Mot in wasiso ma mot in papam elar nam det ra o God in kuro det nama warkurai ra i ser ulangolango pas a taro nami.

Jems 2:19

U nurnur lena o God i ara kut. I wakak. A kum laulau na nion kai det nurnur lenra, ma det ngara suri, ra det neneder.

Jems 4:11

A kum tistising, gong mot mang etalai mot. Osi ra i mang tu tisino, o i kuro i, i watung laulau a Warkurai anun o God ma i kuro a Warkurai ra. Ma ra un kuro a Warkurai, awu sur u muri, u nuki kut lena ui ut u labo tauni.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.