Jems 1:25 - Nupela Testamen long tokples Kandas

²⁵ Ikut, ra taio in longoro wakak a tokodos na warkurai anun o God, ma in ser muri, ma ke dumano i, a musano ra, in dan una nun a kum pinapam. A warkurai ri, ra in longoro i, i ser ulangolango a taro.

Jems 1:25 Σταυροειδείς Αναφορές

Luk 11:28

O Iesu i balu i lena, “Ikut det ra det longoro a wasiso anun o God ma det muri, det dan sakit.”

A Wakak na Wasiso un o Iesu Karisito o Jon i tumusi 13:17

Ra mot tasman a kum utna ri, ma mot pami, mot in dan.

A Wakak na Wasiso un o Iesu Karisito o Jon i tumusi 8:36

Ra a Nutun o God in ulangolango mot, mot in langolango mulus.

Aposel 13:43

Ra a taro det wan susuaro gusun a rumu na lotu, a susut na te Juda ma det kai a taro gisen ra det ruk una lotu Juda ma det lotu nama lingmulus, det mur o Pol ma o Banabas. Der wasiso torom det, ma der uragot det, sur det in tur dekdek una marmaris anun o God.

Aposel 2:42

Ma det pitar tar anundet a nilaun una etowo anun a kum aposel, una kinkinis tomo nama marmaris, ma una inangon tomo, ma una niaring.

Aposel 26:22

Ikut, tuk uniri, o God i warut iau, ra a tur nin umatam ra a wasiso talapor torom a taro oros kut, ma a kum lamlabino kai. Ka watung tu matok na utna, a wasiso kut una utna ra o Moses ma a kum poropet det sa watung tari ra in nanpat.

A Pas anun o Pol torom a taro Rom 11:22

I mo ra mot in tama a marmaris ma a kankan anun o God. I ese anun a kankan torom det ra det wan gisen gusuni, ma i ese anun a marmaris torom mot, ra mot tur dekdek una nun a marmaris, ma ka mot mana gusuni. Ikut, ra awu, in pak ru mot kai.

A Pas anun o Pol torom a taro Rom 2:13

Uni, awu sur det rop ra det longoro a Warkurai det tokodos umatan o God, awu. Det kut ra det mur rop a Warkurai, din watung det a kum tene tokodos.

A Pas anun o Pol torom a taro Rom 7:12

I mo ra dat tasmani lena, a Warkurai katu dur uni, ma a kum du wasiso na Warkurai rop katu dur un det, det tokodos, ma det wakak.

A Pas anun o Pol torom a taro Rom 8:15

Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, “Aba, Tita.”

A Pas anun o Pol torom a taro Rom 8:2

Uni, ra iau tagun o Karisito Iesu, a dekdekin a Tokodos na Nion, ra i ser pitar a nilaun, i ulangolango pas iau gusun a dekdekin a sakino petutna, ra i pitar a minat tang.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

2 Korin 13:5

Mot in tama wakak anumot a nilaun, ra anumot a nurnur i lingmulus o awu. Mot tasmani lena, o Karisito Iesu i kis un mot, niko? Ra awu, anumot a nurnur ke lingmulus.

Galesia 2:4

Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda.

Galesia 5:1

O Karisito ut i sa ulangolango pas dat, sur dat in langolango mulus. Mot in tur dekdek, ma gong mot madek tar taio sur in ker ukai mot sur mot in elar nama kum tene ititula melet.

Galesia 6:2

Mot in warut etetalai mot una numot a kum mamaut. Ra mot pami lenri, mot pam sot pas a warkurai anun o Karisito.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

1 Timoti 2:15

Din ulaun a wardain kibino una usus. Din ulaun det ra det ser tur dekdek una nurnur, ma una marmaris. Det ra, det ser mur a petutna ra o God i nemi, ma a petutna ra i sot sur a wardain det in muri.

1 Timoti 4:16

Un tumarong anum a nilaun ma anum a etowo. Un tur dekdek un der, uni, ra un pami lenra, un ulaun pas ui ut, ma det kai ra det longoro ui.

Ibru 12:15

Mot in tumarong, sako taio ken los a marmaris anun o God. Ma mot in tumarong, sako taio in elar namin mapak na wakakor na duwai ra in lubung pat ma in pitar a mamaut torom mot, ma in ban udur pas lako susut.

Jems 2:12

Mot in wasiso ma mot in papam elar nam det ra o God in kuro det nama warkurai ra i ser ulangolango pas a taro nami.

1 Pita 2:16

Mot sa langolango, ikut gong mot langolango sur mot in pam a sakino. Mot in laun elar nami ra mot a kum tultul anun o God.

1 Jon 2:24

I wakak ra a kum etowo rop ra mot sa longoro tari numugu in laun un mot. Ra in laun un mot, mot kai mot in laun un o Nutunu ma o Tamano.

Tamtama 14:13

Numur a longoro in nalngan ara tagisapat una langit i watungi lena, “Un tumus a wasiso ri: Det ra det mat nama nurnur una Labino, turpasi uniri ma tuk numur, det dan.” A Tokodos na Nion i watungi lena, “Lingmulus, det in mana gusun anundet a kum pinapam, uni anundet a kum pinapam ra det sa pam tari in nan tomo nam det.”

Tamtama 22:14

“Det ra det gos anundet a kum malu, det dan, ma i tokodos sur det in nangon tagun in nanai na nilaun, ma det in ruk una matansako ina in noworo ina tamon ra.