Jems 1:21 - Nupela Testamen long tokples Kandas

²¹ I mo ra mot in mana gusun a kum dur na petutna, ma a kum sakino, ra kuri i bukus una rakrakon bual. Ra mot in unatino pas mot, ma mot in mur a wasiso ra di sa marut tari una balbala mot, a wasiso anun o God ra in ulaun mot.

Jems 1:21 Σταυροειδείς Αναφορές

Matiu 5:5

Det ra det unatino pas det, det dan, uni det in los pas a rakrakon bual sur anundet.

A Wakak na Wasiso un o Iesu Karisito o Jon i tumusi 6:63

A Nion, i ra i pitar a nilaun. A dekdekin a pinin a musano, katu utna i gas uni. A kum wasiso ra a watungi tamot, i a nion ma i pitar a nilaun.

A Wakak na Wasiso un o Iesu Karisito o Jon i tumusi 6:68

O Saimon Pita i balu i lena, “Labino, met in nan mo torom osi? Uni anumi kut, a kum wasiso na nilaun tukum.

Aposel 10:33

“Uniutra, a itula mut sur ui. I wakak sakit ra u wan urin. Ra kuri met rop met kis umatan o God, sur met in longoro a kum wasiso rop ra a Labino i sa watung tari tam sur un inanos met nami.”

Aposel 13:26

“A kum tistising, a kabotaro anun o Abaram, ma mot a taro gisen kai ra mot lotu torom o God, di sa pitar tar a wasiso torom dat lena o God i sa ulaun pas a taro.

A Pas anun o Pol torom a taro Rom 1:16

Ka maimai una Wakak na Wasiso, uni i a dekdekin o God sur in ulaun pas a taro rop ra det nurnur. Torom met a taro Juda mugu, ma uniri torom mot kai, ra awu sur a taro Juda.

A Pas anun o Pol torom a taro Rom 11:17

A taro Israel det elar namin nanai na oliw mulus, ma mot a taro gisen mot elar namin lomlom nin nanai na oliw. O God i pak ru a ramano kum kano gusun in nanai na oliw mulus. I los pas a ramano kum kano lomlom na oliw, ma i pam a bading tomo namin nanai na oliw mulus. Ra uniri, mot laun tagun a polo ra i wan gusun a wakakor nin nanai na oliw mulus.

A Pas anun o Pol torom a taro Rom 6:17

A watung wakak torom o God, uni numugu mot a kum tene ititula anun a sakino petutna, ikut uniri mot mur a kum etowo nama balamot rop. A kum etowo ra di pitar tari tamot.

1 Korin 15:2

Ra mot pam ukai dekdek a wasiso ra a sa warawai taru nami torom mot, o God in ulaun pas mot nama Wakak na Wasiso ri. Ra awu, mot nurnur oros kut.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

Epeses 1:13

Ma mot kai tagun o Karisito, uni mot longoro a lingmulus na wasiso ri, a Wakak na Wasiso lena o God in ulaun pas mot. Ra mot nurnur un o Karisito, o God i ubek tar anun a ukinalong un mot, a Tokodos na Nion, ra i sa uliliman mugu taru uni.

Epeses 4:22

Di ususer mot sur mot in nan gusun a ngas na nilaun ra mot muri numugu. Mot in palos ru i elar namin turai na malu, uni i laulau ma i toro dat sur dat in mur a kum sakino nemnem.

Epeses 4:25

I mo ra mot in woro ru a torotoro, ma mot in watung a lingmulusino torom a kum paspasa mot, uni dat rop dat a kum du pinin o Karisito.

Epeses 5:4

Gong mot watung tu laulau na wasiso, o tu longlong na wasiso, ma gong mot urongon laulau nama kum sakino urongon. A kum wasiso ri ke wakak sur mot in watungi, ikut mot in watung wakak torom o God.

1 Tesalonaika 1:5

uni a Wakak na Wasiso ra metul upuaso i, awu sur i wanpat torom mot elar nama wasiso kut, awu. I wanpat tomo nama dekdek ma a Tokodos na Nion, ma mot longoro lele i ra mot pam ukai i una balamot. Ra metul laun nisamot, mot tasman wakak a magirametul, ra metul ser upuaso i sur in uwakak mot.

1 Tesalonaika 2:13

Ara kibino kai ra metul ser watung wakak torom o God i lenri: Ra mot rakon ukai a wasiso anun o God, ra mot longoro i ta metul, mot mulaot pasi. Awu sur mot mulaot pasi elar nama wasiso kut anun a taro, awu, mot mulaot pasi uni a wasiso ra, i a wasiso ut anun o God. A wasiso ra, kura i papam una nilaun anumot ra mot sa nurnur.

Taitus 2:11

Uni a marmaris anun o God i sa wanpat puaso. Una marmaris ra, o God i papos a kisapi sur in ulaun pas a taro rop.

Ibru 12:1

A susut na tene nurnur tagun numugu det tur talilis pas dat ma det upuaso a petutna na nurnur. I mo ra, i wakak sur dat in lakro ru a kum sau rop ra i ser turbat dat una nundat a inawan, ma a kum sakino petutna kai ra i ser ker ukai dat. Ma dat in kalabor, ma gong a pinindat i ngoro una kalkalabor una nundat a kinalabor, ra o God i sa waninar tari sur dat.

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.

Ibru 4:2

Uni dat kai dat sa longoro tar a Wakak na Wasiso elar nama kum tumtubun dat tagun numugu. Det longoro tari ut, ikut ke warut det, uni ka det nurnur uni.

Jems 4:8

Mot in nan milau o God, ra o God in nan milau mot. Ma mot a kum tene sakino, mot in gos a kum lamamot, ma mot ra aru nuknuki mot, mot in utalapor a balbala mot.

Jems 5:20

A watungi tamot, ra taio in ben pukus pas a tene sakino gusun anun a kum niraro, i sa ulaun pas a nion a musano ra gusun a minat, ra a Labino in unus ru anun a susut na sakino petutna.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

1 Pita 1:9

Uni o God i sa ulaun pas a niomot, i a ikul una numot a nurnur.

1 Pita 2:1

I mo ra mot in lakro ru a kum sakino petutna rop, a wasiso torotoro ma a nilaun na torotoro, a nuknuk laulau sur a utna anun taio, ma a wur ngas na wasiso laulau un taio.

1 Pita 2:11

A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot.