Ibru 8:5 - Nupela Testamen long tokples Kandas

⁵ A pinapam na etabor det ser pami una rumu na etabor, ra i elar kut nama malalar ina rumu kusapat una langit. Iri a kibino ra o God i utumarong o Moses, ra i waninar sur in pam a rumu na sel sur det in ser tun etabor uni. I watungi tano lena, “Tamtama wakak taru ut! Un pam a kum utna rop, elar ut nama malalar ina rumu ra a sa ese tar ui uni sapat netes una tangai.” Kis 25:40

Ibru 8:5 Σταυροειδείς Αναφορές

Matiu 2:12

O God i sa utumarong tar det una ririon, sur gong det milet taru sur o Erod. Ra det milet sur anundet a tamon una se kisapi mukut.

Aposel 7:44

“A kum tumtubun dat tagun numugu det los nanan a rumu na sel una nubual kalako taro uni. A rumu na sel ra, i upuaso i lena o God i kis tomo nam det. Ra di sa pam tari murmur a wasiso anun o God torom o Moses, elar nama malalar ra i tama tari.

Kolosi 2:17

A kum warkurai ri, det elar kut nama malalar ina utna ra in nanpat numur. Ikut, a utna mulus, i o Karisito.

Ibru 10:1

A Warkurai anun o Moses i elar kut nama malalarin a kum wakak na utna ra numur in nanpat, awu sur det a kum utna mulus. I mo ra, a Warkurai anun o Moses ra i watungi lena det in ser etabor una kum kilalo rop, ken utokodos lar pas a taro ra det wan milau o God sur det in lotu toromi.

Ibru 11:7

O Noa i longoro a utumarong anun o God toromi una kum utna ra in nanpat ra ka di tama i utmakai. Ra una nun a nurnur, i ru pas o God ma i mur anun a wasiso, ma i pam a sip, ra i ulaun pas det tamtamano uni. A nurnur anun o Noa i upuaso a kum sakino petutna anun a taro una rakrakon bual, ra o God i kuro det uni. Ma o God i watung o Noa a tene tokodos, kibino una nun a nurnur.

Ibru 12:25

Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Ibru 13:10

Ikut anundat a kabulu na tuntun etabor i kis, ma ka di mulaot a kum tene etabor torom o God ra kura det papam tiro na rumu na sel, sur det in nangon taguni.

Ibru 9:9

Iri a malalar sur a kum kilalo ri. I kukuraino lena a kum etabor ra ka di tuni ma a kum etabor kai ra di ser tuni, ra di etabor torom o God nami, ka det in gos lar pas in balan taio ra i etabor nami sur in talapor umatan o God.

Tamtama 15:5

Numur a tamtama, ra a tama pas a rumu na etabor sapat una langit i sa papos taru. A rumu ra, i a rumu na sel ra i upuaso i lena o God i kis tomo nam anun a taro.