Ibru 8:13 - Nupela Testamen long tokples Kandas

¹³ Ra o God i watung a kunubus ri “a matok na kunubus,” i talapor lena a mugano kunubus i sa turai. Ma asau ra i turai ma i sa suano i, milau sur in rorom.

Ibru 8:13 Σταυροειδείς Αναφορές

Matiu 24:35

A langit ma a rakrakon bual der in rop, ikut anung a kum wasiso ken rop.

Luk 22:20

Lenkutkai ra, numur tan a inangon, i los pas a kap ma i watungi lena, “A kap ri, a matok na kunubus tagun a gaping ra i tilingis sur mot, ra i dat tomo tar a taro nam o God.

1 Korin 13:8

A marmaris ken rop lar pas. Ikut a kum wasiso na poropet det in rop kut, a wur ngas na wasiso det in rop kut, ma a mananos kai in rop kut.

2 Korin 3:6

I ut i ukis tar met sur met a kum tene pinapam una matok na kunubus, ma i pitar tar a dekdek tamet sur met in papam nami. A matok na kunubus ri, awu sur tagun a kum wasiso na Warkurai ra di sa tumus tari, i kibino pas ut una Tokodos na Nion. A wasiso na Warkurai i pitar pati kut a minat, ikut a Tokodos na Nion i pitar a nilaun.

2 Korin 5:17

Ra taio tagun o Karisito, i a matok na ukukis. Anun a petutna tagun numugu i sa rop. Tama i, a matok na nilaun i sa wanpat.

Ibru 1:11

Der in rop kut, ikut ui un kis tukum. Der in turai elar namin namalu.

Ibru 12:24

ma torom o Iesu, i ra i tur epotor tan o God ma a taro, ra i pam tar a matok na kunubus, sur i dat tomo tar det. Mot sa wanpat torom a gapino, ra di sa lamlamir taru nami. A gap ri i wasiso puaso una kum utna ra i wakak sakit taun asau ra a gapin o Abel i wasiso uni.

Ibru 7:22

I mo ra, o Iesu i ulingmulus a kunubus ra i wakak taun a kunubus ra o God i pitar tari torom o Moses.

Ibru 8:6

Ikut o Iesu i sa los pas a pinapam na tene etabor ra i labo sakit taun a pinapam na etabor anun a kum tene etabor. Lenkutkai ra a kunubus ra o Iesu i sa pam sot pasi sur in dat tomo a taro nam o God, i labo sakit taun a mugano kunubus. A kibin a matok na kunubus i a kum liliman, ra det wakak sakit taun a kum mugano liliman.

Ibru 8:8

Ikut o God i upuaso a niraro anun a taro ra i watungi lena, “A Labino i watungi lena: Tama i, a kum bung in nanpat, ra an pam a matok na kunubus tomo nama taro Israel ma a taro Juda.

Ibru 9:15

I mo ra o Karisito i tur epotor tan o God ma a taro, ra i pam tar a matok na kunubus, sur in dat tomo tar det. I pami sur det, ra o God i sa kabo pas det, det in dan tukum elar nam anun a liliman. O Karisito i mat ra i kul pas det nama gapino. Anun a minat i ulangolango pas det gusun anundet a kum sakino petutna ra det ser pami utuntudu ina mugano kunubus.