Ibru 8:10 - Nupela Testamen long tokples Kandas

¹⁰ A Labino i watungi lena: Iri a kunubus ra an pami tomo nama taro Israel, una kum bung numur. An ubek tar anung a kum warkurai una nuknukin det, ma an tumus tari unin balandet. Ma iau a God anundet, ma det anung a taro.

Ibru 8:10 Σταυροειδείς Αναφορές

Matiu 22:32

‘Iau a God anun o Abaram, a God anun o Aisak ma a God anun o Jekop.’ Kis 3:6 O God awu sur a God anun a kum minat, i a God anundet ra det laun.”

A Pas anun o Pol torom a taro Rom 11:27

Ra iri a kunubus ra an pami tomo nam det, an lakro ru anundet a kum sakino petutna.” Ais 59:20-21; 27:9

1 Korin 6:16

Pepetlai, ka mot tasmani lena osi ra i upitapo i nama pamuk na ino, der ara pininder mukut nama pamuk na ino? Elar nami ra a Buk Tabu i watungi lena, “Aru der in takai mukut.” Stat 2:24

2 Korin 3:3

I talapor lena, mot a pas ra o Karisito i tumusi, kibino una numet a pinapam torom mot. Awu sur i tumusi namin nepen, i tumusi ut nama Nion o God ra i laun. Ke tumusi una du wat, i tumusi ut una balan a taro.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 11:16

Ikut, anundet a nemnem ut sur a tamon sapat netes una langit, a tamon ra i wakak taun a tamon ra det sa wan pas gusuni. I mo ra o God ke maimai sur det in watungi lena, i anundet a God, uni i sa waninar tar a tamon sur det.

Jems 1:18

Una nun a nemnem ut, o God i usus matok dat nam anun a lingmulus na wasiso. I pilok pas dat gusun a kum utna na ukukis rop, sur dat in elar nama kum mugano wino duwai ra di ser etabor nami torom o God.

Jems 1:21

I mo ra mot in mana gusun a kum dur na petutna, ma a kum sakino, ra kuri i bukus una rakrakon bual. Ra mot in unatino pas mot, ma mot in mur a wasiso ra di sa marut tari una balbala mot, a wasiso anun o God ra in ulaun mot.

1 Pita 1:23

Uni anumot a matok na nilaun ke kibino un taio taginin upiso, uni taio taginin upiso in rop kut. Di usus matok mot nama utna ra ken rop. Ma a utna ra, a wasiso anun o God, ra i laun ma in tur tukum.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.