Ibru 7:8 - Nupela Testamen long tokples Kandas

⁸ A kum tene etabor torom o God, det ra det ser los in tektekene tagun a nonoino tagun a kum utna rop anun a taro Israel, det in mat kut. Ikut a Buk Tabu i watungi lena, o Melkisedek, i ra i los in tektekene tagun a nonoino tagun a kum utna rop anun o Abaram, i laun ut.

Ibru 7:8 Σταυροειδείς Αναφορές

A Wakak na Wasiso un o Iesu Karisito o Jon i tumusi 14:19

“Ken suano i kut, ra a taro tagun a rakrakon bual ka det in tama melet iau mo. Ikut mot, mot in tama iau. Ma mot in laun, uni a laun.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

Ibru 3:16

Osi det ra det longoro in nalngan o God, ikut ka det mur anun a wasiso? Det rop ra o Moses i ben pirso pas det tagitong o Ijip, niko?

Ibru 5:6

Ma un ara dino kura una Buk Tabu, o God i watungi kai lena, “Ui a tene etabor torom o God, elar nam o Melkisedek, ma anum a pinapam in tur tukum.” Sng 110:4

Ibru 6:20

O Iesu i sa ruk mugu taru una nubual ra, sur in warut dat. I anundat a mugumugu na tene etabor torom o God, elar nam o Melkisedek, ma anun a pinapam ra in tur tukum.

Ibru 7:23

A susut na tene etabor, uni a minat i turbat det sur gong det papam tukum.

Ibru 7:7

I talapor lena, osi ra i labo in udan o naro ra i natino tano.

Ibru 7:9

Lingmulus, a kum tumtubun o Liwai det ser los in tektekene tagun a nonoino tagun a kum utna rop anun a taro Israel. Ikut dat in watungi lena, o Liwai kai i pitar in tektekene tagun a nonoino torom o Melkisedek, una bung ra o Abaram i etabor, uni o Liwai a tubun o Abaram.

Ibru 9:27

A taro rop det in mat ara dino kut, ra numur det in tur una warkurai anun o God.

Tamtama 1:18

Iau a laun. A sa mat pas, tama i, a sa laun tukum ma a pam ukai a kum ki ina minat ma ina tamon Edes, a tamon anundet ra det mat.