Ibru 7:19 - Nupela Testamen long tokples Kandas

¹⁹ Uni a warkurai ra, ke utokodos pas a taro sur det in nan milau o God, awu. Ikut o God i sa pam tar a kisapi sur dat in nan milau i. A kisapi ra i wakak sakit taun a Warkurai. Ra uniri dat pet lar pasi sur dat in kis langlang nama nurnur suri.

Ibru 7:19 Σταυροειδείς Αναφορές

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

Aposel 13:39

Ikut, det rop ra det nurnur un o Iesu, din watung det a kum tene tokodos.

A Pas anun o Pol torom a taro Rom 5:2

Ra dat nurnur un o Karisito, i mugu dat ma i uruk dat una marmaris anun o God. Ra uniri, dat sa laun uni. Ma dat gas, ra dat kis langlang nama nurnur sur a minamar anun o God, ra kura numur dat in kis uni.

A Pas anun o Pol torom a taro Rom 7:7

I mo ra asau mo dat in watungi? Pepetlai, a kum Warkurai a sakino petutna? Awu ut! Ra katu Warkurai, kan tasmani kai a sakino petutna. Lenri, ra o God ken watung tari una kum Warkurai lena, “Gong u nuknuk laulau sur a utna anun taio,” kan tasmani kai lena, a nuknuk laulau sur a utna anun taio i a sakino petutna.

A Pas anun o Pol torom a taro Rom 8:3

A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai. Ikut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna.

Galesia 2:16

Ikut, dat tasmani lena o God ke watung taio a tene tokodos uni i mur a kum Warkurai anun o Moses. Awu! O God in watung taio a tene tokodos uni i nurnur kut un o Iesu Karisito. Lenkutkai ra torom dat, dat nurnur un o Karisito Iesu, sur dat in tokodos umatan o God. Dat tokodos uni dat nurnur un o Karisito, ma awu sur i kibino uni dat mur a kum Warkurai. Uni o God ken watung taio a tene tokodos ra i mur a kum Warkurai.

Galesia 3:21

Pepetlai, a Warkurai ma a liliman anun o God der ebar etalai? Awu! Gunuk a Warkurai in pitar a nilaun tan a taro, det in tokodos umatan o God uni det mur a Warkurai.

Galesia 3:24

A Warkurai i elar kut nama tene tamtamabat torom dat, sur in ben dat torom o Karisito, sur dat in nurnur uni, ra o God in watung dat lena dat tokodos.

Epeses 3:12

Dat langolango sur dat in nan torom o God ma ka dat in ngara, uni dat tagun o Karisito ma dat nurnur uni.

Kolosi 1:27

O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.

1 Timoti 1:1

Iau o Pol, a aposel anun o Karisito Iesu, una itula anun o God, anundat a Tene Ulaun, ma o Karisito Iesu, o naro ra dat kis langlang suri nama nurnur.

Ibru 10:1

A Warkurai anun o Moses i elar kut nama malalarin a kum wakak na utna ra numur in nanpat, awu sur det a kum utna mulus. I mo ra, a Warkurai anun o Moses ra i watungi lena det in ser etabor una kum kilalo rop, ken utokodos lar pas a taro ra det wan milau o God sur det in lotu toromi.

Ibru 11:40

uni o God i sa waninar tar ara kisapi sur dat rop, ra i wakak sakit taun a kisapi numugu. Ke nemi sur in utokodos mugu pas det kut sur det in tokodos sakit, awu. I nemi sur in utokodos tomo pas det ma dat.

Ibru 11:6

Ra taio ke nurnur, o God ken gas lar pas nami. Uni taio ra i nem na wan torom o God, in nurnur lena o God i kis, ma in nurnur kai lena, o God in pitar a ikul tandet ra det sisio mulus suri.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Ibru 4:16

I mo ra dat in nan torom o God, anundat a King, a tene marmaris, ma gong dat ngara. Dat in nan toromi sur dat in utur ukai anun a marmaris, ra in warut dat una nundat a kum mamaut.

Ibru 6:18

Aru utna ri, a liliman, ma a risano ra i udekdek anun a liliman nami, ka din keles lar pasi, ma o God ken toro lar pas nami. O God i pami lenra sur in uragot dat, ra dat sa kalabor bakit taru uni, sur dat in tur dekdek una nundat a kinkinis langlang nama nurnur sur a liliman anun o God, ra kura numur in nanpat.

Ibru 7:11

A pinapam anun a kum tene etabor torom o God, ra a kum tumtubun o Liwai, det ser pami, i ra a kibin a Warkurai anun o Moses ra o God i pitar tari torom a taro Israel. Ra gunuk a pinapam anundet in pet lari sur in unus ru a sakino petutna anun a taro, ka din sibo melet mo sur tu ngas na tene etabor gisen, elar nam o Melkisedek, ra awu sur i elar nam o Aron.

Ibru 7:20

Ra o God i pitar tar a pinapam na tene etabor torom o Iesu, i uliliman tari ma i udekdek anun a liliman nama risano. Ikut ke pami lenra torom a kabotaro Liwai ra i pitar tar a pinapam na tene etabor torom det.

Ibru 7:25

I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

Ibru 8:6

Ikut o Iesu i sa los pas a pinapam na tene etabor ra i labo sakit taun a pinapam na etabor anun a kum tene etabor. Lenkutkai ra a kunubus ra o Iesu i sa pam sot pasi sur in dat tomo a taro nam o God, i labo sakit taun a mugano kunubus. A kibin a matok na kunubus i a kum liliman, ra det wakak sakit taun a kum mugano liliman.

Ibru 9:9

Iri a malalar sur a kum kilalo ri. I kukuraino lena a kum etabor ra ka di tuni ma a kum etabor kai ra di ser tuni, ra di etabor torom o God nami, ka det in gos lar pas in balan taio ra i etabor nami sur in talapor umatan o God.

Jems 4:8

Mot in nan milau o God, ra o God in nan milau mot. Ma mot a kum tene sakino, mot in gos a kum lamamot, ma mot ra aru nuknuki mot, mot in utalapor a balbala mot.