Ibru 4:13 - Nupela Testamen long tokples Kandas

¹³ Ra katu utna ra o God i sa ukis tari i parau umatano. A kum utna rop i tur talapor umatano ma katu utna i bakit. Ma numur dat in tur umatano ma dat in watung puaso a kum utna rop ra dat sa pam tatari.

Ibru 4:13 Σταυροειδείς Αναφορές

Matiu 6:4

Ra u pami lenra, o Tamam ra i tama a utna ra u pam eno i, in pitar a ikul tam.

A Wakak na Wasiso un o Iesu Karisito o Jon i tumusi 2:24

Ikut o Iesu ke nurnur un taio, uni i tasman a taro rop.

A Wakak na Wasiso un o Iesu Karisito o Jon i tumusi 21:17

Ra o Iesu i mantul u watungi tano lena, “Saimon, nutun o Jon, pepetlai, u nem iau?” O Pita i tupunuk, uni o Iesu i tingi a tulu dino lena, “U nem iau?” I watungi tano lena, “Labino, u tasman a kum utna rop. U tasmani lena a nem ui.” Ma o Iesu i watungi tano lena, “Un tabor anung a kum sipsip.

A Wakak na Wasiso un o Iesu Karisito o Jon i tumusi 4:16

Ra o Iesu i watungi tano lena, “Un nan ma un ben pas anum a musano, ra mur in milet melet urin.”

Aposel 17:31

Uni i sa kubus tar a bung, sur in warkurai a rakrakon bual nama tokodos na warkurai. Ma i sa pilok tar a musano ra in pam a warkurai ra. I ukatutur melet pas a musano ra gusun a minat. Una nun a pinapam ra, i ulingmulus pas anun a pipilok torom a taro rop.”

A Pas anun o Pol torom a taro Rom 2:16

Una bung na warkurai, o God in pitar tar a warkurai torom o Iesu Karisito, sur in warkurai det, una kum utna i kis eno una nuknukin det. Ra a ser warawai nama Wakak na Wasiso, a ser warawai una kum utna ri.

1 Korin 4:5

I mo ra gong mot warkurai taio numugu tan a bung na warkurai. Mot in kis langlang tuk ra a Labino in nanpat. Ra i ut in utalapor a kum utna ra i parau una dumirum, ra in upuaso a nuknukin a taro. Ma una bung ra, o God in watung ulabo pas a taro, elar ut nama nundet a kum pinapam taktakai.

2 Korin 5:10

Uni dat rop dat in tur sa numugu tan a kiskis na warkurai anun o Karisito. Dat taktakai, dat in los a ikul una kum utna ra dat sa pam tari una nilaun nin upiso, a wakakino, o a laulau ino.

Tamtama 2:23

Ma an um doko a kum nutnutun o Jesabel, sur a taro na lotu rop det in tasmani lena, a tasman a balan a taro ma a nuknukin det rop, ma an balu i torom mot taktakai elar ut nam anumot a kum pinapam.