Ibru 3:7 - Nupela Testamen long tokples Kandas

⁷ I mo ra dat a taro anun o God, dat in mur a wasiso anun a Tokodos na Nion ra i watungi lena, “Uniri, ra mot longoro in nalngano,

Ibru 3:7 Σταυροειδείς Αναφορές

Matiu 17:5

Ra i wasiso utmakai, a du bakut ra i talapor doko i pulus bat pas det. Ma in nalngan ara tagisapat una du bakut ra, i watungi lena, “Iri a Nutunglik, a nat na wakak, a gas doko nami. Mot in longoro i.”

Matiu 22:43

O Iesu i watungi tandet lena, “Ra i lenra, ilai ra a Tokodos na Nion i mugu o Dewid ra i watung a Karisito lena ‘anung a Labino’? Uni o Dewid i watungi lena,

A Wakak na Wasiso un o Iesu Karisito o Mak i tumusi 12:36

A Tokodos na Nion i mugu o Dewid ra i watungi lena, ‘A Labino i watungi torom anung a Labino lena, “Un kis una papor sot na lamang, tuk ra an winim pas anum a kum ebar sur det in kis utuntudu in anum a warkurai.” ’ Sng 110:1

A Wakak na Wasiso un o Iesu Karisito o Jon i tumusi 10:16

Anung a ramano kum sipsip kai, ka det kis unin noworo na sipsip ri. An ben pas det utkai, ma det in longoro in nalngang, sur det rop det in kis kut unin teken noworo, ma ara sot kut in tene tamtamabat anundet.

A Wakak na Wasiso un o Iesu Karisito o Jon i tumusi 10:27

Anung a kum sipsip det ser longoro in nalngang. A tasman det, ma det ser mur iau.

A Wakak na Wasiso un o Iesu Karisito o Jon i tumusi 10:3

A tene tamtamabat ina matansako in papos saro tari sur in ruk. A kum sipsip det longoro lele in nalngano. I ser kabo det nama kum risandet ma i ser ben pirso det.

A Wakak na Wasiso un o Iesu Karisito o Jon i tumusi 5:25

A inanos mot nama lingmulus, a du bung in nanpat, ma iri i sa wanpat, ra a kum minat det in longoro in nalngan a Nutun o God, ma det ra det longoro i det in laun.

Aposel 1:16

“A kum tistising, a wasiso anun a Tokodos na Nion, ra o Dewid i wasiso taru uni numugu utmakai una Buk Tabu, uniri di sa pam sot pasi. I wasiso un o Judas, i ra i mugu det ra det pam pas o Iesu.

Aposel 28:25

Det engaras epotor tandet ra det katutur na inawan. Ikut numugu ra ka det wan utmakai, o Pol i watung a ururop na wasiso tandet lena, “A lingmulus ut ra a Tokodos na Nion i wasiso una wan a poropet Aisaia, torom a tumtubu mot tagun numugu lena,

Aposel 8:29

Ra a Tokodos na Nion i watungi tan o Pilip lena, “Un nan milau a karis, ma un nan tomo nami.”

Ibru 10:15

Ma a Tokodos na Nion kai i wasiso talapor taru uni torom dat. Anun a mugano wasiso i lena,

Ibru 3:13

Mot in uragot etetalai mot una kum bung rop, ra di watungi utmakai lena “uniri.” Mot in pami lenra, sako a sakino petutna in toro pas taio tagun mot, ma in udekdek bat in balano.

Ibru 3:15

Elar nami ra di sa watung tari una Buk Tabu lena, “Uniri ra mot longoro in nalngano, gong mot udekdek bat a balamot, elar nama kum tumtubu mot numugu det pami, ra ka det mur anung a wasiso.” Sng 95:7-8

Ibru 4:7

I talapor lenri, uni a susut na kilalo numur tandet ra ka det mur a wasiso anun o God, o God i wasiso utmakai una nun a tamon na mana. I wasiso una wan o Dewid lena, “Uniri, ra mot longoro in nalngano, gong mot udekdek bat a balamot.” Sng 95:7-8 Ra o God i watungi lena “uniri,” i kukuraino lena i sa kubus tar ara bung melet sur a taro det in ruk una nun a tamon na mana.

Ibru 9:8

Una kum utna ri a Tokodos na Nion i upuaso i lena, ra a mugano rumu na sel i tur utmakai, a kisapi na rukruk una nubual ra i Tabu Sakit ke papos utmakai.

2 Pita 1:21

Uni katu wasiso na poropet i wanpat kut tagun a nuknukin tu musano, awu. A Tokodos na Nion ut, i mugu a taro ra det wasiso nama wasiso tan o God.

Tamtama 3:20

Tama i, a tur nisan a matansako ma a pinpidik. Ra taio in longoro in nalngang ma in papos a matansako, an ruk toromi, ma an nangon tomo nami, ma i, in nangon tomo nam iau.