Ibru 3:5 - Nupela Testamen long tokples Kandas

⁵ O Moses, i a tultul anun o God, ma i lingmulus una nun a pinapam una rumu anun o God. I wasiso mugu taru una kum utna ra o God in wasiso puaso uni numur.

Ibru 3:5 Σταυροειδείς Αναφορές

Matiu 24:45

“A tultul ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul una nun a rumu, sur in ser tabor det nama andet a utna na inangon una kum du bung na inangon.

Matiu 25:21

Anun a labino i balu i lena, ‘Wakak sakit, ui a wakak na tultul, u lingmulus una num a pinapam. An ubek tar ui sur un tamtamabat lako susut na utna, uni u lingmulus una kum nat na utna ri. Ra uniri dar in nan ma dar in gas tomo.’

Luk 12:42

A Labino i balu i lena, “A tene tamtamabat ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul, sur in ser tabor det nama andet a utna na inangon una kum du bung na inangon.

Luk 24:27

Turpasi una kum buk anun o Moses ma a kum poropet rop, o Iesu i papalos torom der una kum utna, ra di sa tumus tari uni ut, una Buk Tabu.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

A Wakak na Wasiso un o Iesu Karisito o Jon i tumusi 5:39

Mot ser luki ut a Buk Tabu, uni mot nuki lena mot in los a nilaun tukum uni. Ikut a Buk Tabu kai i wasiso ut un iau!

Aposel 28:23

Det nam o Pol det kubus pas ara bung sur det in wasiso. A susut na taro det wanpat toromi, una rumu ra i kis uni. I turpas a wasiso una kobot ma i tuk una lirop. I papalos torom det una matanitu anun o God. Ma i papalos utkai una Warkurai anun o Moses ma a kum tumtumus anun a kum poropet, sur in ukatutur a nuknukin det sur det in nurnur un o Iesu.

Aposel 7:37

O Moses ut i watung tari tan a taro Israel lena, ‘O God in tulu ru tu poropet elar nam iau tagun a kum tumtubu mot ut.’ Lo 18:15

A Pas anun o Pol torom a taro Rom 3:21

Ikut uniri, o God i sa pam tar a kisapi sur a taro det in tokodos umatano, ma awu sur uni det mur a kum Warkurai. A kisapi ri, a Buk na Warkurai ma a wasiso anun a kum poropet det sa wasiso puaso taru uni.

1 Korin 4:2

Det ra di sa pitar tar lako kum pinapam tandet, det in lingmulus uni.

1 Timoti 1:12

A watung wakak torom o Karisito Iesu anundat a Labino, ra i pitar tar a dekdek tang. A watung wakak toromi uni i nurnur un iau, ma i ubek tar iau sur an papam toromi.

Ibru 1:1

Numugu utmakai o God i wasiso torom a kum tumtubun dat nama wan a kum poropet. I wasiso una susut na dino ma una wur ngas na kisapi.

Ibru 3:2

I lingmulus una pinapam ri, ra o God i sa pilok tari suri, elar kutkai nam o Moses ra i lingmulus una nun a pinapam ra i mugu a taro rop anun o God.

Ibru 3:4

A kum rumu rop taktakai, arara musano i pami, ikut o God i pam a kum utna rop.

Ibru 8:5

A pinapam na etabor det ser pami una rumu na etabor, ra i elar kut nama malalar ina rumu kusapat una langit. Iri a kibino ra o God i utumarong o Moses, ra i waninar sur in pam a rumu na sel sur det in ser tun etabor uni. I watungi tano lena, “Tamtama wakak taru ut! Un pam a kum utna rop, elar ut nama malalar ina rumu ra a sa ese tar ui uni sapat netes una tangai.” Kis 25:40

Ibru 9:24

Uni o Karisito ke ruk una nubual ra i Tabu Sakit, ra a taro det pami, awu. A nubual ra, a malalar kut tagun a nubual mulus ra i Tabu Sakit. I ruk usapat ut una langit ma uniri i ser tur umatan o God sur in warut dat.

Tamtama 15:3

Det kele a kelekele anun o Moses, a tultul anun o God, ma a kelekele anun a Barman na Sipsip lena, “Labino o God u dekdek sakit, anum a kum pinapam det labo ma di kisin doko un det. Ui a King anun a taro tagun a kum gapman rop, anum a kum petutna det tokodos ma det lingmulus.