Ibru 3:1 - Nupela Testamen long tokples Kandas

¹ I mo ra a kum tistising ra o God i sa pilok pas mot sur mot anun a taro, a nuknuki mot in kis dekdek un o Iesu. I ra a Aposel ma a mugumugu na tene etabor torom o God, ra dat nurnur uni ma dat wasiso puaso uni.

Ibru 3:1 Σταυροειδείς Αναφορές

A Wakak na Wasiso un o Iesu Karisito o Jon i tumusi 17:3

A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin.

A Wakak na Wasiso un o Iesu Karisito o Jon i tumusi 20:21

O Iesu i watung meleti tandet lena, “A malmal torom mot. O Tita i tulu ru iau, lenkutkai ra a tulu mot.”

A Wakak na Wasiso un o Iesu Karisito o Jon i tumusi 20:27

Numur i watungi tan o Tomas lena, “Uruk in kaskas na lamam nin, ma un tama aru lamang. Tulsu a lamam urin, ma un uruki una paporing. Ra gong mo u wur nuknuk, un nurnur kut.”

Aposel 1:15

Un ara bung epotor tan a kum bung ra, a kum tene nurnur det kis tomo. Det elar nam ara mar ma ru noino det. O Pita i tur ma i watungi lena,

A Pas anun o Pol torom a taro Rom 11:17

A taro Israel det elar namin nanai na oliw mulus, ma mot a taro gisen mot elar namin lomlom nin nanai na oliw. O God i pak ru a ramano kum kano gusun in nanai na oliw mulus. I los pas a ramano kum kano lomlom na oliw, ma i pam a bading tomo namin nanai na oliw mulus. Ra uniri, mot laun tagun a polo ra i wan gusun a wakakor nin nanai na oliw mulus.

A Pas anun o Pol torom a taro Rom 15:27

Det gas sur det in pami lenra. Ma i tokodos kai ra det in pam a petutna na minabalu torom a taro Juda, uni a taro Juda det sa warut tar det ra awu sur a taro Juda, sur det kai det in rakon a kum utna na nion ra o God i udan det nami, ra numugu anun a taro Juda kut. Ma i wakak sur det bulung det in warut a taro Juda nama mani.

A Pas anun o Pol torom a taro Rom 15:8

A watungi tamot lena, o Karisito i wanpat elar nama tultul anun a taro Juda, sur in pam sot pas a kum liliman anun o God ra i sa pam tari torom a kum tumtubun det. Ra i pami lenra, i ese i lena a wasiso anun o God i lingmulus.

A Pas anun o Pol torom a taro Rom 9:24

Osi det? Dat ut, ra i sa kabo pas dat. Awu sur a taro Juda kut, a taro gisen kai.

1 Korin 1:2

torom mot a taro na lotu anun o God ra mot kis tiro o Korin. Mot ra o Karisito Iesu i gos talapor pas anumot a nilaun, ma i kabo pas mot sur mot a taro anun o God. Mot a taro anun o God tomo nama taro rop una kum tamon rop ra det lotu una risan anundat a Labino o Iesu Karisito, i ra a Labino anundet ma anundat kai.

1 Korin 10:17

Teken beret kut. Dat susut, ikut, dat ara pinindat uni dat wangon tagun in teken beret kut.

1 Korin 9:23

A kum utna ri a pami sur a Wakak na Wasiso in lubung, sur in udan iau tomo nam det.

2 Korin 1:7

Met nurnur mulus un mot lena, mot in tur dekdek ut, uni met tasmani lena, mot taramo a ngunungut tomo nam met. Lenkutkai ra, mot in taramo a umumarom anun o God tomo nam met.

2 Korin 9:13

A pinapam ri mot pami, i upuaso a wakak na magiramot. Ma a susut na taro det in watung ulabo pas o God, uni anumot a nurnur una Wakak na Wasiso un o Karisito, i pam pati kai a petutna na mur wasiso. Ma det in watung ulabo pas o God, una numot a wakak na petutna ra mot tabor det, ma a taro gisen kai.

Epeses 3:6

Iri a utna ra numugu i kis eno: Det ra awu sur a taro Juda, ra det in mur a Wakak na Wasiso, det in rarakon tomo nama taro Juda, una kum utna ra o God i udan a kum nutnutunu nami. Ma det rop, ara musano mukut. Ma det ra tagun o Karisito Iesu, a kum liliman anun o God anundet utkai.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Epeses 4:4

Dat ara pinin o Karisito, ma ara Tokodos na Nion kut i kis un dat rop. Ma o God i kabo pas dat sur dat in takai kut una kinkinis langlang nama nurnur sur a kum wakak na utna ra in udan dat nami.

Pilipai 3:14

A kalabor usa numugu sur a ururopino sur an los pas anung a ikul. A ikul, i a kakabo anun o God torom iau sur a nilaun sapat una langit, kibino un o Karisito Iesu.

Kolosi 1:12

ra mot in watung wakak torom a Tamandat, ra i warut mot sur mot in pet lari sur mot in rakon a kum utna tomo nam anun a taro. A kum utna ra i sa uliliman tari torom det, ra det kis una talapor.

Kolosi 1:22

Ikut uniri, o God i sa dat pas mot toromi, sur mot pasano melet. I pam a pinapam ri, nama pinin o Karisito ra i mat, sur in ben pas mot umatan o God, ma mot anun a taro, ra katu niraro kura un mot, ma katu etakun in los mot.

Kolosi 3:12

Mot a talapor na taro anun o God, ra i maris doko mot, ma i pilok pas mot. I mo ra, i wakak sur mot in emar nama kum petutna ri: mot in warut a taro, mot in pam a wakakino torom det, mot in unatino pas mot, mot in kis na malmal ma mot in ese a wowowon na magiramot.

1 Tesalonaika 2:12

Metul udekdek mot, metul wasiso na emarom torom mot, ma metul inanos mot sur mot in laun nama ngas na nilaun ra i ugasgas o God, i ra i kabo pas mot sur anun a matanitu ma anun a minamar.

1 Tesalonaika 5:27

A saring mot nama risan a Labino sur mot in luk a pas ri torom a kum tistisin dat rop.

2 Tesalonaika 1:11

I mo ra metul ser wararing sur mot torom anundat a God, sur in watung mot lena mot tokodos sur a ngas na nilaun ra i kabo pas mot suri. Ma una dekdekino in warut mot, sur mot in pam sot pas a kum wakak na pinapam ra mot nem na pami, ma a kum petutna rop ra anumot a nurnur i pam pati.

2 Tesalonaika 2:14

Una Wakak na Wasiso ra metul warawai nami, o God i kabo pas mot sur in ulaun mot, sur mot in los a tinibo kai tagun a minamar anun anundat a Labino o Iesu Karisito.

1 Timoti 6:12

Un tur dekdek una nurnur elar nama wakak na tene inaim. Ma un pam ukai a nilaun tukum. A nilaun ra o God i kabo pas ui suri, ra u wasiso talapor uni umatan a susut na taro.

1 Timoti 6:2

Ma det ra anundet a mugumugu a tene nurnur, gong det rosumur gusuni, uni det tasmani lena det tar tistisino una nurnur. Det in ser mur wakak anun a wasiso, uni anundet a pinapam in warut a tene nurnur, ra det ser nemi. Timoti, un ususer det ma un udekdek det nama kum etowo ri.

2 Timoti 1:9

I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat.

2 Timoti 2:7

Un ser nuk ukai a kum wasiso ri a tumusi torom ui, uni a Labino ut in utalapor a kukuraino torom ui.

Ibru 10:19

A kum tistising, o God i sa unus ru anundat a kum sakino petutna, ra dat langolango, ma ka dat in ngara sur dat in ruk una nubual ra i Tabu Sakit, kibino una gapin o Iesu.

Ibru 10:21

O Iesu anundat a labino tene etabor torom o God ra i tamtamabat a taro anun o God.

Ibru 10:23

Dat in tur dekdek una nundat a kinkinis langlang nama nurnur sur asau ra o God in pami, ra dat ser wasiso puaso uni. Dat in tur dekdek, ma gong dat wan gisen gusuni, uni o God in pam soti ut asau ra i sa uliliman taru uni.

Ibru 13:22

A kum tistising, a saring pas mot sur mot in longoro wakak a wasiso na warut ri, uni a pas ri a tumusi torom mot awu sur i walos.

Ibru 2:11

O Iesu tomo nama taro ra i rus talapor pas det gusun anundet a kum sakino petutna, det ara Tamandet kut. Iri a kibino ra o Iesu ke maimai sur in watung det, a kum tistisino.

Ibru 2:17

Iri a kibino ra o Iesu i wanpat elar ut nama kum tistisino una kum utna rop, sur in mugumugu na tene etabor torom o God ma una nun a pinapam ra torom o God, in ese a marmaris torom a taro, ma a lingmulus na petutna. In pitar anun a nilaun sur in mat, ma o God in unus ru a kum sakino petutna anun a taro, ma in urop ru anun a kankan ma ken kankan melet mo torom det.

Ibru 3:12

A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

Ibru 6:20

O Iesu i sa ruk mugu taru una nubual ra, sur in warut dat. I anundat a mugumugu na tene etabor torom o God, elar nam o Melkisedek, ma anun a pinapam ra in tur tukum.

Ibru 7:26

O Iesu i a mugumugu na tene etabor, ra i sot sur in warut dat. Uni i tasur umatan o God, ma ka din takun lar pasi un tu sakino petutna, ma katu dur umatan o God. O God i ulabo gisen pasi sapat netes una langit, gusun a sakino taro.

Ibru 7:28

A kum mugumugu na tene etabor torom o God, ra di ubek tar det elar nama Warkurai anun o Moses, kalako dekdekin det. Ikut, numur tan a Warkurai anun o Moses, o God i liliman, ra i ubek tar o Nutunu sur in mugumugu na tene etabor, ra i tokodos sakit ma in kis tukum.

Ibru 9:11

Ikut o Karisito i sa wanpat. I a mugumugu na tene etabor torom o God ra i warkurai sur a kum wakak na utna ra kuri det mo. I ruk una rumu na sel ra i wakak sakit taun a mugano rumu na sel. Awu sur a taro det pami, ra i talapor lena awu sur tagun a kum ukukis ri una rakrakon bual.

Ibru 9:15

I mo ra o Karisito i tur epotor tan o God ma a taro, ra i pam tar a matok na kunubus, sur in dat tomo tar det. I pami sur det, ra o God i sa kabo pas det, det in dan tukum elar nam anun a liliman. O Karisito i mat ra i kul pas det nama gapino. Anun a minat i ulangolango pas det gusun anundet a kum sakino petutna ra det ser pami utuntudu ina mugano kunubus.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.

1 Pita 3:5

A kum wardain tagun numugu, ra det tokodos ma det nurnur un o God, det ser emar lenri. Det ser unatino pas det torom anundet a kum musano,

1 Pita 5:1

Uniri an wasiso torom mot a kum mugumugu na lotu, uni iau kai a mugumugu elar kut nam mot. Ra o Karisito i taramo a kum ngunungut, a tama tari, ma numur ra in nanpat, an rarakon una nun a minamar.

1 Pita 5:10

Ikut o God, i a God na marmaris, ma un o Karisito i kabo pas mot sur mot in kis tomo nami una nun a minamar ra ken rop. Ra mot sa taramo tar a ngunungut un tu nat na du bung kut, numur i ut in uwakak pas mot melet, in udekdek mot ma in warut mot sur mot in tur dekdek.

1 Jon 1:3

Met inanos mot un o naro ra met sa tama tari ma met sa longoro tari, sur dat in lason tomo, elar nam met, met lason tomo nama Tamandat, ma o Nutunu o Iesu Karisito.

A Pas anun o Jud 1:1

Iau o Jud, a tultul anun o Iesu Karisito ma a tisin o Jems. A tumus a pas ri torom mot ra o God a Tamandat i sa kabo pas mot, ma i maris mot, ma mot kis una tamtamabat anun o Iesu Karisito.

Tamtama 17:14

Det in waim nama Barman na Sipsip, ma a Barman na Sipsip in winim pas det, uni i a Labino anun a kum lamlabino, ma a King anun a kum king. Ma det ra i sa pilok pas det, ma i kabo pas det, ma det nurnur mulus uni, det in win tomo nami.”

Tamtama 18:20

Mot sapat una langit, mot in gas uni! A taro anun o God ma a kum aposel ma a kum poropet, mot in gas! O God i sa pitar tar a warkurai na minabalu toromi una kum petutna ra i pam tari un mot.’”