Ibru 13:21 - Nupela Testamen long tokples Kandas

²¹ A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.

Ibru 13:21 Σταυροειδείς Αναφορές

Matiu 12:50

Uni osi ra i ser mur a nemnem anun o Tita ra i kis sapat una langit, i ra o tising a musano, ma o tising a ino, ma o nang.”

Matiu 21:31

Osi na pasander ra i mur a wasiso anun a tamander?” Det balu i lena, “A mugano.” O Iesu i watungi tandet lena, “A inanos mot nama lingmulus, a kum tene los takis ma a kum pamuk na ino, kuri det ruk mugu nanan tamot, una matanitu anun o God.

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

Matiu 6:13

Gong u ben met una ululam. Un ulaun met gusun a Tene Sakino.’

Matiu 7:21

“Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu.

A Wakak na Wasiso un o Iesu Karisito o Jon i tumusi 17:23

Iau kura un det, ma ui kai kuri un iau, sur det ara mukut, sur a taro nin una rakrakon bual det in tasmani lena, u tulu ru iau urin, ma det in tasmani kai lena, u nem det elar nami ra u nem iau.

A Wakak na Wasiso un o Iesu Karisito o Jon i tumusi 7:17

Osi ra i nem na mur a nemnem anun o God, in tasmani lena anung a kum etowo i wan tagai. I wan tagisapat tan o God, o a nuknuking kut.

A Pas anun o Pol torom a taro Rom 11:36

Uni i ut i ukis a kum utna rop, ma i ut i kibin a kum utna rop, ma anunu ut a kum utna rop. Dat in watung ulabo pas o God, ken rop ma ken rop. Amen.

A Pas anun o Pol torom a taro Rom 16:27

Dat in watung ulabo pas o God, i ra ara God kut, ra a tene mananos. Dat in watung ulabo pasi kibino un o Iesu Karisito, uniri ma numur ma ken rop. Amen.

2 Korin 9:8

O God i pet lar pasi sur in tabor mot nama kum utna rop ra mot sibo suri, ma in tabor mot nama utna ra i susut taun a utna ra mot sibo suri. Ma una kum bung rop, mot in utur ukai a kum utna kai, sur mot in pam a kum wakak na pinapam nami.

Galesia 1:5

Dat in ulabo pasi ma ken rop. Amen.

Epeses 2:10

Dat a sap na laman o God. Dat tagun o Karisito Iesu, ma o God i ukis dat sur dat in pam a kum wakak na pinapam, ra o God i sa waninar tari sur dat in pami.

Epeses 2:18

O Karisito i papos a kisapi anundat rop torom a Tamandat, un ara Tokodos na Nion kut.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Pilipai 2:11

ma det rop det in watung puaso i lena, o Iesu Karisito i a Labino, sur det in ulabo pas o God a Tamandat.

Pilipai 2:13

Uni o God ut i papam un mot sur mot in nem asau ra i elar nama nun a nemnem, ma i pitar a dekdek torom mot sur mot in pami lenra.

Pilipai 4:13

A pet lar pas a kum utna rop kibino un o Karisito ra i udekdek iau.

Pilipai 4:18

A sa los pas a kum utna rop ra mot tula i. I labo sakit, ma i labo taun anung a sibo. Ka sibo mo sur tu utna, uni a kum utna ra mot tula i, a sa los pasi tan o Epaproditus. I elar nama etabor torom o God, ra i sangnain wakak, ra o God i gas nami, ma i tokodos toromi.

Kolosi 3:17

Una kum utna rop ra mot pami ma mot watungi, mot in pami ut nama risan a Labino o Iesu, ma mot in watung wakak torom o God a Tamandat, kibino una pinapam ra o Karisito i pami un mot.

Kolosi 3:20

A kum nat liklik, mot in ser mur a wasiso anun a kum tamtama mot ma a kum nanamot una kum utna rop, uni a Labino i gas ra mot ser pami lenra.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

1 Tesalonaika 4:3

O God i nemi sur anumot a nilaun gong i dur umatano, ra mot in nan gisen gusun a kum pamuk na petutna.

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

2 Tesalonaika 2:17

in uragot mot ma in udekdek mot una numot a kum wakak na pinapam ma a kum wakak na wasiso kai.

1 Timoti 1:17

Dat in pitar a urur ma a wasiso na ululabo torom a King ra i laun tukum, ma ken mat, i ra ka dat tama i, ra i sot kut a God. A wasiso na ululabo toromi ken rop ma ken rop. Amen.

1 Timoti 5:10

ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gos ru a kubus gusun a kikin a taro anun o God, i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.

1 Timoti 6:16

I sot kut i laun tukum, ra i kis una labino talapor ra kataio in nan milau nisano. Kataio utmakai i tama tari ma ka din tama lar pasi. Din pitar tar a labino urur toromi, ma i utur ukai a labino dekdek ra ken rop ma ken rop. Amen.

2 Timoti 3:17

A Buk Tabu i waninar a taro anun o God sur det in pam a kum ngas na wakak na pinapam rop.

2 Timoti 4:18

A Labino in ulaun iau gusun a kum sakino utna rop ra det nem na pami un iau, ma in ukis iau una nun a matanitu sapat una langit. Dat in watung ulabo pasi, ken rop ma ken rop. Amen.

Ibru 10:36

Gong a pinimot i ngoro, mot in tur dekdek sur mot in mur a nemnem anun o God, ma numur mot in los pas a kum utna ra i sa uliliman taru uni.

Ibru 12:23

Mot sa wanpat una kinkinis tomo anun a kum mugano nutnutun o God, det ra di sa tumus tar a kum risandet sapat netes una langit. Mot sa wanpat torom o God, i ra a Tene Warkurai anun a taro rop, ma torom a nion a kum tene tokodos, ra o God i sa utokodos sakit pas det,

Ibru 12:28

Dat in watung wakak torom o God, uni dat sa utur ukai a matanitu ra ken tugunu. Dat in lotu torom o God nama urur ma a nginara ra i elar nam anun a nemnem,

Ibru 13:16

Gong mot dumano i sur mot in pam a kum wakak na pinapam ma mot in tabor a taro. Uni a pinapam ra, i elar nama etabor torom o God ra in gas uni.

1 Pita 2:5

Ra mot kai, mot elar nama kum watat ra det laun, ma o God i pam mot sur mot, a rumu anun a Tokodos na Nion. Mot in nanpat a kum tene tuntun etabor anun o God, sur mot in pitar a kum etabor ra i nion, ra i wakak umatano, i kibino un o Iesu Karisito.

1 Pita 4:2

Ra ke pitar tari mo anun a nilaun una kum laulau na nemnem. I pitar tari mukut sur in mur a nemnem anun o God.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.

1 Jon 2:17

A rakrakon bual ma a kum laulau na nemnem ra det wanpat taguni, det in rop kut, ikut osi ra i mur a nemnem anun o God, in laun tukum.

1 Jon 3:22

Ma asau rop ra dat saringi suri, in pitari ut tandat, uni dat mur anun a kum warkurai, ma dat pam asau ra i ugasgasi.

A Pas anun o Jud 1:25

I ara sot kut anundat a God, ra i ulaun pas dat una minatin o Iesu Karisito anundat a Labino. Anunu ut a minamar, a kinkinis na king, a dekdek ma a warkurai, tagun numnumugu utmakai, uniri, ma ken rop. Amen.

Tamtama 4:6

Tiro kai sa numugu nisan a kiskis na king, ara utna i tamtama elar nama tasi ra di pami nama galas, ma i talapor doko. Tiro epotor na kiskis na king, a wat na utna ra det laun, det tur talilis a kiskis na king, a pinpinin det i bukus nama kum kiok na matandet, sa numugu ma nago numur tandet.

Tamtama 5:13

Ma a longoro a kum walngan a kum ukukis rop sapat netes una langit, ma una rakrakon bual, ma nago ubalan a piso ma nago ubalan a tasi, ma a kum utna rop ra kura ubalandet, det kelekele lenri, “Torom o naro ra i kis una kiskis na king, ma torom a Barman na Sipsip, din watung ulabo pas der ma din ru der. Ma der utur ukai a minamar ma dekdek, ken rop ma ken rop.”

Tamtama 5:9

Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.