Ibru 13:17 - Nupela Testamen long tokples Kandas

¹⁷ Mot in mur a wasiso anun anumot a kum mugumugu, ma mot in kis utuntudu ina anundet a warkurai, uni det tamtamabat mot, ma numur det in wasiso talapor umatan o God una nundet a kum pinapam torom mot. Ra mot in mur anundet a wasiso, det in gas una nundet a kum pinapam. Ikut, ra awu, det in papam nama tupunuk, ra ken warut mot.

Ibru 13:17 Σταυροειδείς Αναφορές

Luk 16:2

I kabo pasi, ma i tingi lena, ‘Asau ra a longoro i un ui? Un tumus a wasiso talapor una num a pinapam na tamtamabat ma un pitari tang, uni kon tene tamtamabat melet mo anungi.’

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

A Pas anun o Pol torom a taro Rom 14:12

Lenra, numur dat rop taktakai dat in wasiso puaso torom o God una kum utna rop ra dat sa pam tari.

1 Korin 16:16

sur mot in unatino pas mot torom a ngas na taro lenra, ma torom det ra det papam tomo nam det, ma det dekdek una pinapam ra.

Epeses 5:21

Mot in unatino pas mot torom mot etetalai, uni mot urur torom o Karisito.

Pilipai 1:4

Ma una nung a kum niaring rop sur mot rop, a ser wararing nama gasgas,

Pilipai 2:12

A kum wakak na paspasang, mot ser mur anung a wasiso una kum bung ra a kis tomo nam mot. I mo ra uniri, ra ka kis tomo nam mot, i wakak sur mot in muri ma mot in dekdek uni, sur mot in ser ese i una numot a nilaun lena, o God i sa ulaun pas mot. Mot in dekdek ma mot in neder ma mot in ngara sur mot in ese i lena o God i sa ulaun pas mot.

Pilipai 2:29

Mot in gas pasi una risan a Labino nama labino gasgas, ma mot in urur torom a ngas na taro lenra,

Pilipai 3:18

Uni a susut na dino a sa inanos tar mot lena, a susut, det laun elar nama kum ebar anun in nanai kutus anun o Karisito. Ra uniri a inanos melet mot, ma a lurlur na matang i puku.

Pilipai 4:1

I mo ra a kum tistising, mot in tur dekdek una Labino, lenutra a sa inanos tar mot nami. A nem doko mot, ma a nem doko i sur an tama mot, uni mot anung a gasgas ma mot elar nama ikul una nung a pinapam.

2 Tesalonaika 3:14

Ra taio ke mur anumetul a wasiso una pas ri, mot in nuk ukai i. Gong mot lason tomo nami, sur in maimai una magirano.

1 Timoti 5:17

I wakak sur din pitar a urur ma a wakak na ikul torom a kum mugumugu na lotu ra det pam wakak a pinapam. Din pami lenra torom det ra det papam dekdek una warawai ma a etowo.

Ibru 13:24

Mot in pitar anumet a marmaris torom anumot a kum mugumugu rop, ma torom a taro rop anun o God. Det kai tagitong o Itali det pitar anundet a marmaris torom mot.

Ibru 13:7

Mot in nuk pas anumot a kum mugumugu, ra numugu det sa ususer tar mot una wasiso anun o God. Mot in nuk pas anundet a ngas na nilaun, ma mot in mur anundet a nurnur.

Jems 4:7

Mot in unatino pas mot, ma mot in mur o God. Mot in turbat ru o Satan, sur in nan gusun mot.

1 Pita 5:5

Lenkutkai ra, mot a kum barman ma a kum toraro, mot rop mot in ser unatino pas mot torom det a kum mugano tamot. Mot in unatino pas mot epotor tamot etetalai, i ra anumot a wakak na ememar. Uni a Buk Tabu i watungi lena, “O God i nget det ra det ser ulabo pas det, ikut i maris det ra det ser unatino pas det.” Snd 3:34