Ibru 13:13 - Nupela Testamen long tokples Kandas

¹³ I wakak sur dat in nan toromi kunago upiso utamon, ma dat in taramo a maimai tomo nami.

Ibru 13:13 Σταυροειδείς Αναφορές

Matiu 16:24

Ra o Iesu i watungi tan anun a kum nat na ususer lena, “Ra taio i nemi sur in mur iau, gong i mur a nuknukino. In los pas anun in nanai kutus ma in mur iau.

Matiu 27:32

Det pirso ra det barato pas ara te Sairini, a risano o Saimon, ma det ungongos tari sur in los in nanai kutus anun o Iesu.

Matiu 5:11

“Mot dan ra di watung laulau mot, ma di ban laulau mot, ma di watung a kum torotoro na wasiso un mot lena mot pam a kum sakino petutna, uni mot tagun iau.

Luk 6:22

Mot dan ra a taro det nget mot, o det pilok ru mot ma det watung laulau mot, ma det ban laulau a risamot, uni mot tagun a Nutun a Musano.

Luk 9:23

Ra i watungi tandet rop lena, “Ra taio i nemi sur in mur iau, gong i mur a nuknukino. In los pas anun in nanai kutus una kum bung rop ma in mur iau.

Aposel 5:41

Ra a kum aposel det pirso gusun a kiwung, ma det gas, uni o God i tama det lena det wakak sur det in los a maimai una risan o Iesu.

2 Korin 12:10

I mo ra a gas doko ra kalako dekdeking, ma di watung laulau iau, ma a taramo a kum mamaut, ma a taro det ukadik iau, ma a taramo a dekdek na tupunuk, uni a nurnur un o Karisito. A gas, uni a tasmani lena, ra kalako dekdeking an dekdek.

Ibru 11:26

I nuki lena, a maimai ra in taramo i una risan o Karisito, i wakak doko taun a kum ululeng tong o Ijip, ra a matano i ka doko, uni i tamtama sur anun a ikul numur.

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 12:3

Mot in nuk pas o Iesu, i ra i taramo a kum mamaut, ra a kum tene sakino det pami uni, sur gong a pinimot i ngoro ma gong mot tusako.

Ibru 12:4

Mot waim tomo nama kum sakino petutna, ikut ka di um doko mot utmakai.

1 Pita 4:4

Ra uniri, a kum paspasa mot det kisin doko, ra ka mot nemi melet mo sur mot in pam a kum laulau na petutna ra, tomo nam det, ra det watung laulau mot.