Ibru 12:3 - Nupela Testamen long tokples Kandas

³ Mot in nuk pas o Iesu, i ra i taramo a kum mamaut, ra a kum tene sakino det pami uni, sur gong a pinimot i ngoro ma gong mot tusako.

Ibru 12:3 Σταυροειδείς Αναφορές

Matiu 11:19

A Nutun a Musano i wanpat, i wangon ma i inum, ra det watungi uni lena, ‘Tama i, a musano ri a tene inangon ma a tene ininum, a pasan a kum tene los takis ma a kum tene sakino.’ Ikut a kum pinapam anun o God i upuaso i lena, anun a mananos i a mananos mulus.”

Matiu 12:24

Ikut a kum Parisi det longoro i ra det watungi lena, “A musano ri, i ser lakro ru a kum laulau na nion nama dekdekin o Belsebul, a labino anun a kum laulau na nion.”

Matiu 15:2

“Ilai sur anum a kum nat na ususer ka det ser mur a kum etowo anun anundat a taro tagun numugu? Ra det wangon, ka det ser gos mugu pas a lamandet.”

Matiu 21:23

O Iesu i ruk ubalan in noworo ina rumu na etabor, ma i ususer a taro. A kum lamlabino tene etabor torom o God ma a kum mugumugu anun a taro det wan toromi. Ra det tingi lena, “Asi na ngas na dekdek ra u pam a kum utna ri nami? Osi ra i pitar tar a dekdek ri tam?”

Matiu 21:46

Ra det sisio sur tu kisapi sur det in pam ukai pasi, ikut det ngaran a kunur na taro, uni a taro det nurnur uni lena i a poropet.

Matiu 22:15

Numur a kum Parisi det wan tomo taru, ra det epak pas lena det in lar o Iesu sur tu wasiso anunu, sur det in takuni nami.

Luk 14:1

Un ara Bung na Sabat, o Iesu i ruk sur in nangon una rumu anun ara mugumugu anun a kum Parisi, ra a taro det tama sursuri kut sur tu utna ra in pam raro i.

Luk 15:2

Ikut a kum Parisi ma a kum tene ususer tagun a Warkurai det ururai un o Iesu lena, “A musano ri, i lason kut tomo nama kum tene sakino, ma i wangon tomo nam det.”

Luk 16:14

A kum Parisi det longoro a kum wasiso ri, ra det urongon laulau kut un o Iesu, uni det nem doko a mani.

Luk 2:34

O Simion i watung udan detul, ra i watungi tan o Maria, o nan o Iesu, lena, “Tama i, a nat ri, o God i pilok pasi sur a susut na te Israel det in iru uni, ma a susut kai det in laun uni, ma sur a ukinalong ra a susut na taro det in rosumur gusuni.

Luk 5:21

A kum tene ususer tagun a Warkurai ma a kum Parisi, det nuknuk doko lena, “Osi na ngas na musano ri? I watung laulau o God uni i wasiso lar i o God. Osi i elar sur in unus ru a kum sakino petutna? O God sot kut.”

A Wakak na Wasiso un o Iesu Karisito o Jon i tumusi 10:20

A susut tagun det, det watungi lena, “A laulau na nion kura uni, ma i sa toboroboro. Asau ra mot longoro i suri?”

A Wakak na Wasiso un o Iesu Karisito o Jon i tumusi 18:22

Ra o Iesu i sa watung len tari ra, ara tagun a kum tene tamtamabat i pasor in masarino, ma i watungi tano lena, “Sur asau ra u balu a wasiso anun a mugumugu na tene etabor lenra?”

A Wakak na Wasiso un o Iesu Karisito o Jon i tumusi 5:16

Ra uniri, a kum te Juda det turpasi sur det in pam a kum sakino petutna torom o Iesu, uni i pam a kum utna ri una Bung na Sabat.

A Wakak na Wasiso un o Iesu Karisito o Jon i tumusi 7:12

A susut na taro det wasiso eno un o Iesu. Ara taro det watungi uni lena, “I ara wakak na musano,” ma ara taro kai det watungi lena, “Awu, i ben raro a taro.”

A Wakak na Wasiso un o Iesu Karisito o Jon i tumusi 8:13

A kum Parisi det watungi tano lena, “Anum a wasiso talapor ke maut, uni ui ut, u wasiso talapor melet un ui.”

A Wakak na Wasiso un o Iesu Karisito o Jon i tumusi 8:52

A ramano kum te Juda det watungi tano lena, “Uniri met tasman mulus ui lena a laulau na nion kura un ui! O Abaram i sa mat, ma a kum poropet kai det sa mat, ikut ui, u watungi lena osi ra i mur anum a wasiso ken mat.

A Wakak na Wasiso un o Iesu Karisito o Jon i tumusi 8:59

Ra det los watat pas sur det in dukuduku o Iesu nami, ikut i parau ra i wan gusun in noworo ina rumu na etabor.

A Wakak na Wasiso un o Iesu Karisito o Jon i tumusi 9:40

A ramano kum Parisi ra det tur tomo nami, det longoro a wasiso ri, ra det tingi lena, “Pepetlai, met kai met pulu?”

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

2 Korin 4:1

O God i maris met ra i pitar tar a pinapam ri tamet. Iri a kibino ra ka met tusako.

2 Korin 4:16

Iri a kibino ra ka met tusako. I kis pirso nanan a pinimet, ikut di umatok a niomet una kum bung rop.

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

2 Tesalonaika 3:13

Ma torom mot, a kum tistisi metul, gong a pinimot i ngoro nama pam a kum tokodos na petutna.

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 12:5

Mot sa dumano ru a kum wasiso na ururagot ra o God i watung tari torom mot a kum nutnutunu lena, “Nutunglik, ra a Labino i ukodos ui, gong u nuki lena a utna oros kut, ma gong u tusako, ra i watung puaso anum a kum sakino petutna torom ui.

Ibru 3:1

I mo ra a kum tistising ra o God i sa pilok pas mot sur mot anun a taro, a nuknuki mot in kis dekdek un o Iesu. I ra a Aposel ma a mugumugu na tene etabor torom o God, ra dat nurnur uni ma dat wasiso puaso uni.

1 Pita 2:23

Ra a taro det watung laulau i, ke balu det. Ra det ukadiki, ke kankan ma ke watung tari lena, in ban laulau det, awu. I madek tari ut una laman o God, i ra i ser warkurai nama tokodos na warkurai.

Tamtama 2:3

Mot sa taramo a ngunungut, uni mot mur iau, ma a pinimot ke ngoro, mot tur dekdek ut.