Ibru 12:18 - Nupela Testamen long tokples Kandas

¹⁸ Ka mot wanpat una tangai Sainai elar nama taro Israel. A tangai ra, di pet lari sur din tulani. Tiro iai a sungun i kunkunabor, ma det tama a dumirum ma a mirum na bakut ma a labino wuwu.

Ibru 12:18 Σταυροειδείς Αναφορές

A Pas anun o Pol torom a taro Rom 6:14

Ka mot in kis melet mo utuntudu ina dekdekin a sakino petutna, uni ka mot kis mo utuntudu ina kum Warkurai. Uniri mot sa kis utuntudu ina marmaris anun o God.

A Pas anun o Pol torom a taro Rom 8:15

Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, “Aba, Tita.”

2 Korin 3:7

A kum Warkurai ra o God i pitar tar det torom o Moses, ra di tumus tar det una ru wat, det wanpat tomo nama minamar anun o God. Ra o Moses i losi torom a taro Israel, ka det pet lar pasi sur det in tama in masarino, uni in masarino i talapor doko nama minamar anun o God. Ikut numur, a talapor ina minamar ra, i rop nanan gusuni. A kum Warkurai ra det upuaso a minat, det wanpat nama minamar lenra.

2 Korin 3:9

A kum Warkurai anun o Moses det wanpat nama labino minamar, ikut a pinapam na mur Warkurai i pitari kut a minat. Ikut a pinapam ina matok na kunubus i utokodos a taro umatan o God, ma a minamarino i labo sakit.

2 Timoti 1:7

Uni o God ke tabor dat nama nion na nginara, awu. I tabor dat nama Tokodos na Nion ra i pitar a dekdek torom dat, ma a marmaris ma a petutna ra ara taktakai in tamtamabat wakak anun a nilaun.