Ibru 12:14 - Nupela Testamen long tokples Kandas

¹⁴ Mot in dekdek sur mot in kis na malmal tomo nama taro rop, ma mot in madek o God sur in gos talapor anumot a nilaun. Ra o God ke gos talapor a nilaun anun taio, ken tama a Labino.

Ibru 12:14 Σταυροειδείς Αναφορές

A Wakak na Wasiso un o Iesu Karisito o Mak i tumusi 9:50

A sol i wakak, ikut ra a makasmanino i sa rop, mot in umakasman meleti mo pepetlai? Ken elar! I wakak ra a sol in kis un mot, ma mot in kis na emarom tomo.”

Luk 1:75

Dat in papam toromi nama petutna ra i talapor ma i tokodos umatano, una nundat a kum bung na nilaun rop.

A Pas anun o Pol torom a taro Rom 12:18

Ra i topas mot, mot in dekdek sur mot in kis na malmal nama taro rop.

A Pas anun o Pol torom a taro Rom 14:19

I mo ra dat in dekdek sur dat in pam a petutna na malmal, ma sur dat in udekdek a nurnur anundat etetalai.

A Pas anun o Pol torom a taro Rom 6:22

Ikut uniri di sa ulangolango pas mot gusun a sakino petutna, ma mot tene ititula mukut anun o God. A win a ngas na nilaun ra, i ben mot sur mot in talapor, ma katu dur un mot, ra o God in pitar a nilaun tukum torom mot.

1 Korin 1:10

A kum tistising, a saring mot nama risan anundat a Labino o Iesu Karisito, sur mot rop mot in tur tomo, ma gong mot taptapagol. Ma in takai kut a nuknuki mot, ma anumot a nemnem kai.

1 Korin 13:12

Uniri anundat a tamtama un o God ke talapor, i elar nami ra dat tama a niondat una galas, ra i gawul kut. Ikut numur, dat in tama o God nama matmatan dat. Uniri anung a mananos ke kudul, ikut numur anung a mananos in kudulano, elar nam o God i tasman rop iau.

2 Korin 6:17

Ma a Labino i watungi kai lena, “Mot in pirso gusun det, ma mot in kis gisen gusun det. Ma gong mot patop una kum dur na petutna, ra iau an gas pas mot.” Ais 52:11

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

Galesia 3:21

Pepetlai, a Warkurai ma a liliman anun o God der ebar etalai? Awu! Gunuk a Warkurai in pitar a nilaun tan a taro, det in tokodos umatan o God uni det mur a Warkurai.

Epeses 5:5

Mot in tasman a utna ri: Det ra det pam a pamuk na petutna, o a kum dur na petutna, o det nem doko a susut na ululeng, ka det in rakon a matanitu anun o Karisito ma anun o God. Uni det ra det nem doko a susut na ululeng, det a kum tene lotu torom a kum torotoro na god, uni a kum ululeng anundet a god.

Pilipai 3:12

Awu sur a nuki lena, a sa utur ukai a kum utna rop ra, ma ka tokodos mulus utmakai. Ikut a dekdek utmakai sur an utur ukai a utna ra o Karisito Iesu i kabo pas iau suri.

1 Tesalonaika 3:13

Ma metul wararing kai sur in udekdek mot sur mot in tokodos, ma katu etakun in los mot, ra mot in tur umatan o God a Tamandat, una bung ra anundat a Labino o Iesu in nanpat, tomo nam anun a tokodos na taro rop.

1 Tesalonaika 4:7

Uni, o God ke kabo pas dat sur a dur na petutna, i kabo pas dat sur dat in mur a tokodos na nilaun.

1 Tesalonaika 5:15

Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.

1 Timoti 6:11

Ikut ui, Timoti, ui a musano anun o God, un nan gisen gusun a kum utna ri. Un dekdek sur un mur a tokodos na petutna, ma a petutna ra i wakak umatan o God, a nurnur mulus, a marmaris, a tuntunur dekdek, ma a wowowon na petutna.

2 Timoti 2:22

Un nan gisen gusun a kum nuknuk na barman, ma un mur a tokodos na petutna, ma a nurnur, ma a marmaris ma a malmal, tomo nam det ra det ser wararing torom a Labino nama tokodos na nuknukin det.

Ibru 12:10

A kum tamtaman dat taginin upiso det ukodos dat a nat na du bung kut, elar nama kisapi ra det nuki lena i wakak. Ikut, o God i ukodos dat sur dat in wakak, sur dat in talapor elar nami.

Ibru 9:28

Lenkutkai ra o Karisito i pitar tari ut sur i a etabor torom o God ara dino kut, sur in los gisen ru a kum sakino petutna anun a susut na taro. Ma in nanpat melet a manru na dino. Awu mo sur in los gisen ru a kum sakino petutna, awu. In nanpat sur in ulaun pas det ra det kis langlang suri.

1 Pita 3:11

In tupukus gusun a sakino ma in pam a wakak na petutna. In sisio sur a kisapi na malmal ma in dekdek pasi sur in muri.

1 Pita 3:13

Ra mot dekdek sur mot in pam a utna ra i wakak, osi ra in ban laulau mot?

2 Pita 3:11

Ra a kum utna rop ri det in laulau lenri, osi na ngas na nilaun ra mot in muri? I wakak ra anumot a nilaun in tokodos, ma mot in pam a petutna ra i wakak umatan o God.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.

3 Jon 1:11

A wakak na pasang, gong u tamtama ususer una sakino petutna, un muri kut a wakakino. Osi ra i pam a wakakino, i anun o God, ma osi ra i pam a sakino, ke tasman o God.