Ibru 11:4 - Nupela Testamen long tokples Kandas

⁴ Una nun a nurnur, o Abel i pitar tar a etabor torom o God ra i wakak sakit taun a etabor anun o Kain. Kibino una nun a nurnur, o God i nem anun a etabor, ra i wasiso puaso un o Abel lena i a tene tokodos. A lingmulus o Abel i sa mat, ikut, kibino una nun a nurnur, kuri utmakai i wasiso torom dat.

Ibru 11:4 Σταυροειδείς Αναφορές

Matiu 23:35

Din pitar a warkurai na minabalu torom mot, una gapin a kum tene tokodos rop, ra di sa um doko tar det. Turpasi ra di um doko o Abel, a tene tokodos, ma i wan tuk ra di um doko o Sekaraia, a nutun o Berekia, i ra mot um doko i epotor nisan a kabulu na tuntun etabor ma a rumu na etabor.

Luk 11:51

Turpasi ra di um doko o Abel ma i wan tuk ra di um doko o Sekaraia, i ra i iru epotor nisan a kabulu na tuntun etabor ma a rumu na etabor. A watungi tamot, din pitar a warkurai na minabalu torom a taro tagun uniri una kum utna rop ri.

Taitus 1:16

Det watungi lena, det tasman o God, ikut anundet a kum pinapam ut i upuaso i lena, ka det tasmani. Det a kum sakino taro doko, a kum tene pitarngat, ma ka det in pam lar pas tu wakak na pinapam.

Ibru 11:2

A kum lamlabino tagun numugu det nurnur lenra, ra o God i gas nam det ra i wasiso puaso un det lena det wakak, kibino una nundet a nurnur.

Ibru 12:1

A susut na tene nurnur tagun numugu det tur talilis pas dat ma det upuaso a petutna na nurnur. I mo ra, i wakak sur dat in lakro ru a kum sau rop ra i ser turbat dat una nundat a inawan, ma a kum sakino petutna kai ra i ser ker ukai dat. Ma dat in kalabor, ma gong a pinindat i ngoro una kalkalabor una nundat a kinalabor, ra o God i sa waninar tari sur dat.

Ibru 12:24

ma torom o Iesu, i ra i tur epotor tan o God ma a taro, ra i pam tar a matok na kunubus, sur i dat tomo tar det. Mot sa wanpat torom a gapino, ra di sa lamlamir taru nami. A gap ri i wasiso puaso una kum utna ra i wakak sakit taun asau ra a gapin o Abel i wasiso uni.

Ibru 5:1

A kum mugumugu na tene etabor rop torom o God, o God i pilok pas det tagun a taro, ma i ubek tar det sur det in tur ukinalong a taro umatano. Det in pitar a kum etabor ma det in tun a kum wewegua sur o God in unus ru a kum sakino petutna anun a taro.

Ibru 9:22

A lingmulus, a Warkurai anun o Moses i watungi lena, milau a kum utna rop, din gos talapori nama gap. Ra a gap ken tilingis, o God ken unus ru a kum sakino petutna.

2 Pita 2:8

A tene tokodos ri, i kis epotor tan a laulau na taro ra. Ma una kum bung rop, i taramo a labino maut una nundet a kum petutna na lakai warkurai, ra i tama i ma i longoro i.

A Pas anun o Jud 1:11

In laulau doko torom det! Det mur a petutna anun o Kain. Ma det raro elar nam o Balam, uni det pam a kum laulau na utna sur det in los a mani uni. Det in iru elar nam o Kora, ra i mugu pas a taro ra det rosumur gusun o God, ra det iru rop.