Ibru 11:17 - Nupela Testamen long tokples Kandas

^17-18 Una nun a nurnur, o Abaram i pitar tar o nutunu, o Aisak torom o God elar nama etabor, una du bung ra o God i lari. A lingmulus, o God i sa uliliman tari lena, “A kum tumtubum det in nanpat tagun o Aisak.” Stat 21:12 Ikut, ra o God i inanosi sur in um doko o nutunu, i ara sot kut, elar nama etabor, o Abaram i mulaot ma i waninar sur in pam soti.

Ibru 11:17 Σταυροειδείς Αναφορές

A Wakak na Wasiso un o Iesu Karisito o Jon i tumusi 3:16

“O God i maris a rakrakon bual, ra i pitar tar o Nutunu ara sot kut, sur osi ra in nurnur uni, in laun tukum ma ken iru.

2 Korin 8:12

Ra mot gasgas sur mot in etabor, o God in gas uni. O God i nemi sur mot in etabor tagun a utna ra mot utur ukai i, awu sur tagun a utna ra ka mot utur ukai i.

Ibru 11:13

A taro rop ri det nurnur tuk ra det mat. Ra det laun nin upiso, ka det utur ukai a kum utna ra o God i sa uliliman tar det nami. Det tama i kut tagitiro bakbak, ma det gas pasi. Ma det watungi un det ut lena, det kis na usiro kut, ma det in laun lilik pas kut nin upiso.

Ibru 7:6

O Melkisedek, awu sur i tagun a kabotaro Liwai, ikut i los pas in tektekene tagun a nonoino tagun a kum utna rop anun o Abaram. I udan o Abaram, i ra o God i sa pitar tar a kum liliman tano.

Jems 5:11

Tama i, ara taro tagun numugu det etorom a kum mamaut, ikut det tur dekdek una nurnur. Dat watung det lena det dan. Mot tasman a nilaun anun o Jop, i etorom a kum mamaut, ikut i tur dekdek una nurnur. Ra numur, a Labino i udan meleti. A Labino i bukus nama marmaris ma i a tene warut.

1 Pita 4:12

A kum wakak na paspasang, gong mot kisin ra di lar mot nama kum dekdek na maut, elar nama sungun i tun mot, ma gong mot nuki lena tu matok na utna i wanpat torom mot.

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.