Ibru 11:13 - Nupela Testamen long tokples Kandas

¹³ A taro rop ri det nurnur tuk ra det mat. Ra det laun nin upiso, ka det utur ukai a kum utna ra o God i sa uliliman tar det nami. Det tama i kut tagitiro bakbak, ma det gas pasi. Ma det watungi un det ut lena, det kis na usiro kut, ma det in laun lilik pas kut nin upiso.

Ibru 11:13 Σταυροειδείς Αναφορές

Matiu 13:17

A inanos mot nama lingmulus, numugu a susut na poropet ma a susut na tene tokodos det kalkal doko sur det in tama a kum utna ri a pami umatamot, ikut ka det tama i. Ma det kalkal doko kai sur det in longoro a kum utna ri mot longoro i, ikut ka det longoro i.

A Wakak na Wasiso un o Iesu Karisito o Jon i tumusi 12:41

O Aisaia i watungi lenri uni i sa tama mugu a minamar anun o Iesu, ra i wasiso uni.

A Wakak na Wasiso un o Iesu Karisito o Jon i tumusi 8:56

A tamamot o Abaram i gas sur in tama anung a inawan pat. I tama i, ra i gas doko uni.”

A Pas anun o Pol torom a taro Rom 4:21

Ma una nun a nurnur i tasmani ut lena, o God i pet lari sur in pam sot pasi ut anun a liliman.

A Pas anun o Pol torom a taro Rom 8:24

O God i sa ulaun pas dat, ma uniri dat kis langlang nama nurnur sur a ngas na nilaun ra in pitari torom dat numur. Ra taio in kis langlang sur tu utna, ikut ra i sa los pasi, ken kis langlang melet mo suri. Osi melet mo in kis langlang sur tu utna ra i sa los pasi?

2 Korin 4:18

Ka met nuk a kum utna ra di tama i, met nuki kut a kum utna ra ka di tama i. Uni a kum utna ra di tama i, ka det in kis suano i, ikut a kum utna ra ka di tama i, det in kis tukum.

2 Korin 5:6

I mo ra ka met tusako ma met tasmani ut lena, ra met laun nama pinimet ri, kabaut met kis tomo nama Labino.

Epeses 2:19

I mo ra, mot awu melet mo sur a kum usiro, awu. Uniri mot takai mukut nama taro anun o God, ma mot a kabotaro mulus anun o God.

Ibru 11:14

Ra a taro det watungi lenri, i talapor lena, det sisio sur anundet tu tamon.

Ibru 11:17

Una nun a nurnur, o Abaram i pitar tar o nutunu, o Aisak torom o God elar nama etabor, una du bung ra o God i lari. A lingmulus, o God i sa uliliman tari lena, “A kum tumtubum det in nanpat tagun o Aisak.” Stat 21:12 Ikut, ra o God i inanosi sur in um doko o nutunu, i ara sot kut, elar nama etabor, o Abaram i mulaot ma i waninar sur in pam soti.

Ibru 11:27

Una nun a nurnur, o Moses i katutur tagitong o Ijip, ma ke ngaran a kankan anun a king. I tur dekdek, uni i tama tar o God, i ra ka di tama tari.

Ibru 11:39

Det rop ri, o God i gas nam det ra i wasiso puaso un det lena det wakak, kibino una nundet a nurnur. Ikut, ka det utur ukai asau ra o God i sa uliliman tar det nami,

1 Pita 1:1

Iau o Pita, a aposel anun o Iesu Karisito, a tumtumus torom mot ra o God i sa pilok pas mot, ma mot kis sarara elar nama kum usiro una kum papor Pontus, Galesia, Kapadosia, Asia ma o Bitinia.

1 Pita 1:17

Ra mot ser wararing, mot watung o God, a Tamamot. I wakak ra mot in laun nama nginara umatano, una anumot a kinkinis na usiro nin una rakrakon bual, uni i ra, in warkurai a taro rop nama tokodos na warkurai, una kum utna rop ra det sa pam tari.

1 Pita 2:11

A kum wakak na paspasang, mot kis na usiro nin una rakrakon bual, awu sur anumot a tamon ri. I mo ra a saring mot, sur gong mot mur a kum sakino nemnem ina pinimot, ra det inaim nama niomot.

1 Jon 3:19

Ra dat in marmaris lenra, dat in tasmani lena, dat tagun a lingmulusino, ma dat in balano molmol umatan o God.