Ibru 10:29 - Nupela Testamen long tokples Kandas

²⁹ Ikut a warkurai na minabalu in dekdek sakit taun a minabalu ra, torom taio ra in pas tataun a Nutun o God, ma i nuki lena a gapin a kunubus, ra di sa rus talapor tari nami, i a utna oros kut, ma i watung laulau a Tokodos na Nion ra i pitar a marmaris.

Ibru 10:29 Σταυροειδείς Αναφορές

Matiu 26:28

Iri a gaping, a kunubus ra i dat tomo tar a taro nam o God. A gaping ri, i tilingis sur in unus ru a kum sakino petutna anun a susut na taro.

Matiu 7:6

“Gong mot tabor a kum pap nama utna anun o God, sako det in tupukus ma det in karot ginogino mot. Ma gong mot woro anumot a dusaro tan a kum boro, sako det in pas ginogino i kut nama kum kikindet.

A Wakak na Wasiso un o Iesu Karisito o Mak i tumusi 7:2

Det tama a ramano kum nat na ususer anunu ra det wangon kut nama dur na lamandet, ma ka det gos mugu pas a kum lamandet.

Luk 12:10

Det ra det in watung tar tu sakino wasiso una Nutun a Musano, din unus ru i kut, ikut osi ra in wasiso laulau una Tokodos na Nion, ka din unus lar pasi.

A Wakak na Wasiso un o Iesu Karisito o Jon i tumusi 10:36

Ma iau, o Tita ut i pilok pas iau, ma i tulu ru iau urin una rakrakon bual. Ra ilai ra mot takun iau lena a watung laulau o God uni a watungi lena, iau a Nutun o God?

A Wakak na Wasiso un o Iesu Karisito o Jon i tumusi 17:19

A pitar tar iau ut torom ui, sur det kai, det anum a taro mulus una num a lingmulus na wasiso.

Aposel 7:51

Ra o Stiwen i watungi tan a taro na kiwung lena, “Mot a kum tene pitarngat mot, a balamot i bakbak gusun o God ma a talngamot i kutkut. Mot turbat liklik a Tokodos na Nion, elar nama kum tumtubu mot tagun numugu det ser pami.

A Pas anun o Pol torom a taro Rom 16:20

Ma o God, i ra a kibin a malmal, milau mo in pas ginogino o Satan utuntudu ina kum kikimot. A marmaris anun anundat a Labino o Iesu in kis tomo nam mot.

1 Korin 11:27

I mo ra osi ra in nan a beret anun a Labino, ma in inum tagun anun a kap, ma ke pami nama urur, i pam a sakino una pinin a Labino ma a gapino, ma din warkurai i uni.

1 Korin 11:29

Ra taio i wangon ma i inum, ma ke tama lele pas a pinin a Labino, i sa wangon pas ma i sa inum pas ana warkurai na minabalu.

1 Korin 15:25

Uni o Karisito in kis na king tuk ra in winim pas anun a kum ebar rop sur det in kis utuntudu ino.

1 Korin 15:27

Uni di sa tumus tari una Buk Tabu lenri, “O God i sa ubek tar a kum utna rop utuntudu ino.” Sng 8:6 Ikut, ra a Buk Tabu i watungi lena “a kum utna rop”, i talapor lena ke wasiso un o God, uni o God ke kis utuntudu in o Karisito, awu. O God ut i sa ubek tar a kum utna rop utuntudu in o Karisito.

1 Korin 6:11

Ara taro tagun mot, numugu mot ser pam a kum ngasino ri. Ikut, una risan a Labino o Iesu Karisito, ma una Nion o God anundat, o God i sa gos talapor pas mot gusun anumot a kum sakino petutna, sur mot anun a taro, ma i sa watung mot lena mot tokodos umatano.

Epeses 4:30

Ma gong mot utupunuk a Tokodos na Nion o God, ra o God i sa ukinalong tar mot nami lena mot anunu. Ma a ukinalong ra, i ese i lena a bung in nanpat ra o God in ulangolango mot.

Epeses 5:26

sur det anun a taro mulus. Ma i rus talapor det nama danim ma anun a wasiso.

Ibru 10:10

O Iesu Karisito i mur sot pas a nemnem anun o God ra i pitar tar a pinino ut, sur a etabor torom o God. I pitar tari ara dino kut ma ken pam meleti mo. Ra anun a etabor ra i gos talapor pas dat umatan o God.

Ibru 12:25

Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.

Ibru 2:11

O Iesu tomo nama taro ra i rus talapor pas det gusun anundet a kum sakino petutna, det ara Tamandet kut. Iri a kibino ra o Iesu ke maimai sur in watung det, a kum tistisino.

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.

Ibru 4:14

Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God.

Ibru 6:4

Katutaio in ben pukus lar pas a taro sur det in nukpukus torom o God ra det sa wan gisen gusuni. Det sa tasman tar a talapor anun o God, det sa wan tama tar a etabor tagisapat una langit, det sa los pas a Tokodos na Nion,

Ibru 6:6

Ra det in rosumur gusun o God, katutaio in ben pukus lar pas det, sur det in nukpukus. Uni i elar nami ra det sak wat melet a Nutun o God unin nanai kutus, ma det ban umaimai i umatan a taro.

Ibru 9:13

Di ser lamir a taro nama gapin a meme ma a bulumakau ma a kubus ina toraro na bulumakau, ra di sa tun tari. Di lamir det ra det dur umatan o God, sur det in talapor. A pinapam ra, i elar nama Warkurai anun o Moses, ikut i utalapor a pinindet kut, ma awu sur anundet a nilaun.

Ibru 9:20

Ma i watungi lena, “Iri a gap, a kunubus ra i dat tomo a taro nam o God, ra o God i kuro tari lena mot in muri.” Kis 24:8

Tamtama 1:5

ma tan o Iesu Karisito, i a lingmulus na tene wasiso talapor un o God, ma a mugano tandet ra det in laun melet gusun a minat, ma a mugumugu anun a kum king una rakrakon bual. I maris dat, ma i ulangolango pas dat gusun anundat a kum sakino petutna nama gapino,