Ibru 1:9 - Nupela Testamen long tokples Kandas

⁹ U nem doko a tokodos na petutna, ma u nget a sakino petutna. I mo ra o God, anum a God, i pilok pas ui, ma i pitar tar a gasgas ma a urur tam, ra i labo sakit taun a gasgas ma a urur ra i pitari torom a kum paspasam.” Sng 45:6-7

Ibru 1:9 Σταυροειδείς Αναφορές

Luk 4:18

“A Nion a Labino i kis un iau, uni i sa pilok pas iau sur an warawai nama wakak na wasiso torom a kum sibo na taro. I tulu ru iau sur an warawai lenri, din palos ru det ra di sa ker ukai tar det, din utamtama melet a kum pulu, din ulangolango ru det ra det taramo a mamaut ra di sa pam tari un det,

A Wakak na Wasiso un o Iesu Karisito o Jon i tumusi 1:41

A mugano utna ra o Endru i pami, i sio pas o Saimon a tisinolik, ra i inanosi lena, “Met sa sio pas a Mesaia!” (a kukuraino a Karisito).

A Wakak na Wasiso un o Iesu Karisito o Jon i tumusi 10:17

“O Tita i nem mulus iau, uni iau ut a pitar anung a nilaun, sur numur an los melet pasi.

A Wakak na Wasiso un o Iesu Karisito o Jon i tumusi 20:17

O Iesu i watungi tano, “Gong u pam a pining, uni ka wan toto utmakai torom o Tita. Ikut un nan torom a kum tistising, ra un inanos det lena, an nan usapat netes torom o Tita, i ra a Tamamot kai, torom anung a God, i ra anumot a God kai.”

A Wakak na Wasiso un o Iesu Karisito o Jon i tumusi 3:34

I ra o God i tulu ru i, i wasiso nama wasiso anun o God, uni o God i pitar rop tar a Tokodos na Nion toromi.

Aposel 10:38

Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Aposel 4:26

A kum king taginin una rakrakon bual det tur na inaim, ma a kum mugumugu det wan tomo, sur det in ban laulau a Labino ma anun a Mesaia, i ra i sa pilok pasi.’ Sng 2:1-2

Aposel 4:27

A lingmulus ra o Erod ma o Pontias Pailat, ma a taro ra awu sur a taro Israel, ma a taro Israel kai, det wan tomo una tamon ri sur det in ban laulau o Iesu, anum a Tasur na Tultul, ra u sa pilok pasi.

A Pas anun o Pol torom a taro Rom 12:9

In wakak ra anumot a marmaris torom a taro in lingmulus. Mot in nget a sakino, ma mot in pam ukai a kum petutna ra i wakak.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

1 Korin 1:9

Ma a utna ri ra o God i watungi in pami ut. Ra i kabo pas mot sur mot in lason tomo nam o Nutunu o Iesu Karisito anundat a Labino.

2 Korin 11:31

O God, i ra a God anun a Labino o Iesu ma i o Tamano, ra a wasiso na ululabo toromi ken rop ma ken rop, i tasmani ut lena, ka toro.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Epeses 1:3

Dat in watung ulabo pas o God, a Taman anundat a Labino o Iesu Karisito. I udan dat nama kum utna na nion rop tagisapat una langit, ra dat tagun o Karisito.

Pilipai 2:9

I mo ra o God i ulabo pas o Karisito una kinkinis ra i labo sakit, ma i pitar tar a rising tano ra i labo taun a kum rising rop,

Ibru 2:11

O Iesu tomo nama taro ra i rus talapor pas det gusun anundet a kum sakino petutna, det ara Tamandet kut. Iri a kibino ra o Iesu ke maimai sur in watung det, a kum tistisino.

Ibru 2:9

Ikut dat tama o Iesu, i ra o God i unatino pasi sur in natino tan a kum ensel, a nat na du bung kut, sur in mat sur a taro rop. I mat uni o God i maris det. Ikut uniri, dat tama i lena o God i sa ukukup tari nama minamar ma a urur, uni i taramo a ngunungut ma i mat.

Ibru 7:26

O Iesu i a mugumugu na tene etabor, ra i sot sur in warut dat. Uni i tasur umatan o God, ma ka din takun lar pasi un tu sakino petutna, ma katu dur umatan o God. O God i ulabo gisen pasi sapat netes una langit, gusun a sakino taro.

1 Pita 1:3

Dat in watung ulabo pas o God, a Taman anundat a Labino o Iesu Karisito. Una nun a labino marmaris, i sa usus matok tar dat. I mo ra uniri, dat kis langlang nama nurnur sur a nilaun tukum, uni o Iesu Karisito i katutur melet gusun a minat,

1 Jon 1:3

Met inanos mot un o naro ra met sa tama tari ma met sa longoro tari, sur dat in lason tomo, elar nam met, met lason tomo nama Tamandat, ma o Nutunu o Iesu Karisito.

Tamtama 2:15

Lenutkai ra ara taro tagun mot det sa mur a etowo anun o Nikolas.