Ibru 1:3 - Nupela Testamen long tokples Kandas

³ O Nutunu i talapor doko nama minamar anun o God, ma i elar mulus ut nam o God. I pam ukai a kum utna rop nama nun a dekdek na wasiso sur det in papam tomo wakak. I pitar tar anun a nilaun, sur in rus talapor dat gusun a kum sakino petutna rop. Ra i sa pam rop tar a pinapam ra, i kis una papor sot na laman a labino King sakit, sapat netes una langit.

Ibru 1:3 Σταυροειδείς Αναφορές

Matiu 22:24

“Tene Ususer, o Moses i watungi lena, ra tu musano in mat pas gusun anun a ino, ma katu nutunder, o tisinolik in ben pasi ra in nolin nami, sur in ulabo tar lako kum nat una risan o tisino ra i sa mat.

A Wakak na Wasiso un o Iesu Karisito o Mak i tumusi 16:19

Ra a Labino o Iesu i sa wasiso taru tandet, o God i ben toto pasi usapat una langit, ma o Iesu i kis una papor sot na laman o God.

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

A Wakak na Wasiso un o Iesu Karisito o Jon i tumusi 1:29

Ara bung numur, o Jon i tama o Iesu i wan nanan toromi, ra i watungi uni lena, “Mot tama i, a Barman na Sipsip anun o God, ra in lakro ru a sakino petutna anun a rakrakon bual.

A Wakak na Wasiso un o Iesu Karisito o Jon i tumusi 1:4

A nilaun i kis uni, ma a nilaun ra, i a talapor anun a taro rop.

Aposel 2:33

Di ulabo pasi ma di ukis tari una sot na laman o God, ma o God o Tamano i pitar a Tokodos na Nion toromi, elar nami ra i uliliman tari nami. Ra uniri o Iesu i sa pitar pirso a utna ri, ra mot tama i, ma mot longoro i.

Aposel 7:56

Ra i watungi lena, “Tama i! A tama a langit i papos, ma a Nutun a Musano kura i tur taru una papor sot na laman o God.”

A Pas anun o Pol torom a taro Rom 1:16

Ka maimai una Wakak na Wasiso, uni i a dekdekin o God sur in ulaun pas a taro rop ra det nurnur. Torom met a taro Juda mugu, ma uniri torom mot kai, ra awu sur a taro Juda.

A Pas anun o Pol torom a taro Rom 8:34

Osi ra in watungi lena, din pitar a warkurai na minabalu torom dat? Katutaio. Uni o Karisito Iesu i sa mat sur dat. Awu sur i kut ra, o God i sa ukatutur melet pasi kai gusun a minat, ma uniri kusapat mo i kis una papor sot na laman o God, ma i ser wararing sur dat.

2 Korin 4:4

O Satan, a god taginin una rakrakon bual, i sa upulu pas a nuknukin a taro ra ka det nurnur, sur ka det in tama a talapor ina Wakak na Wasiso ra i upuaso a minamar anun o Karisito, i ra a malalarin o God.

Kolosi 3:1

O God i sa ukatutur tomo pas mot nam o Karisito gusun a minat, i mo ra, i wakak sur mot in ubek a kudulano nuknuki mot una kum utna sapat una langit, ra o Karisito i kis iai, una papor sot na laman o God.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 1:13

O God awu sur i watungi kai torom tu ensel lenri, “Un kis una papor sot na lamang, tuk ra an winim pas anum a kum ebar sur det in kis utuntudu in anum a warkurai.” Sng 110:1

Ibru 10:12

Ikut o Karisito, anundat a mugumugu na tene etabor i pitar tari ut sur a etabor torom o God una kum sakino petutna anun a taro. Ara dino kut i pami. Anun a pinapam ra in tur tukum, ma ken pam meleti mo. Ra i sa pam tari, i kis taru una papor sot na laman o God.

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 4:14

Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God.

Ibru 7:27

Ke elar nama kum mugumugu na tene etabor, ra det ser tun etabor una kum bung rop, una nundet a kum sakino petutna mugu, ra numur anun a taro kai. O Iesu ke pami lenra. I pitar tari kut ara etabor una sakino petutna anun a taro. I etabor nami ut. I pam tari ara dino kut, ma ken pam meleti mo, uni a etabor ra in kis tukum.

Ibru 8:1

Iri a labino utna ra met sa wasiso pas uni: Anundat a mugumugu na tene etabor torom o God i sa kis una papor sot na laman a kiskis anun o God, a labino King sakit sapat netes una langit.

Ibru 9:16

Ra taio i nemi sur in inanos puaso un osi ra in rakon pas anun a kum ututna ra in mat, in tumus tari un tu dono pepa. Ikut a dono pepa ra, ken gas un tu utna, tuk ra din upuaso i lena a musano ra i sa mat.

Ibru 9:26

Ra gunuk o Karisito in pitar tari ut sur i a etabor torom o God una kum kilalo rop, in iru a susut na dino, turpasi ut una turturkibin ina rakrakon bual. Ikut una kum ururop na bung i wanpat ara dino kut. I pitar tari ut sur i a etabor torom o God sur in kamar ru a kum sakino petutna, ma ken pam meleti mo.

1 Pita 1:21

Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.

1 Pita 3:22

I ra i wan tito usapat una langit, ra uniri i kis una papor sot na laman o God. Ma a kum ensel, ma a kum nion ra det utur ukai a warkurai, ma a kum nion kai ra det utur ukai a dekdek, det kis utuntudu ino.

2 Pita 1:16

Ra met inanos mot una dekdek in anundat a Labino o Iesu Karisito, ma anun a inawan pat melet, awu sur met saksakutna oros kut nama kum saksakutna ra met nuk pas det kut, awu. Met ut met sa tama tar anun a minamar nama matmata met.

2 Pita 1:17

O God o Tamano i ulabo pas a risano ma i pitar a minamar tano, ra i wasiso namin walngano tagisapat una nun a labino minamar. I watungi lenri, “Iri a Nutunglik, a nat na wakak, a gas doko nami.”

1 Jon 1:7

Ra dat laun una talapor, elar nam o God i kis una talapor, dat lason etetalai torom dat, ma a gapin o Iesu, a Nutunu, i rus talapor dat gusun a kum sakino petutna rop.

1 Jon 3:5

Ma mot tasmani lena o Karisito i wanpat sur in los ru anundat a kum sakino petutna, ma i ut, katu sakino petutna uni.

A Pas anun o Jud 1:25

I ara sot kut anundat a God, ra i ulaun pas dat una minatin o Iesu Karisito anundat a Labino. Anunu ut a minamar, a kinkinis na king, a dekdek ma a warkurai, tagun numnumugu utmakai, uniri, ma ken rop. Amen.

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.

Tamtama 4:11

“Anumet a Labino ma anumet a God, i tokodos sakit sur din ulabo pas ui ma din ru ui, ma i tokodos sakit sur un utur ukai a dekdek. Uni ui, u ukis a kum utna rop. U ukis det una num a nemnem ut, ma det laun kut tagun ui.”