Ibru 1:14 - Nupela Testamen long tokples Kandas

¹⁴ A kum ensel rop det a kum nion, ra det papam torom o God, niko? I tulu ru det sur det in warut a taro, det ra in ulaun det.

Ibru 1:14 Σταυροειδείς Αναφορές

Matiu 1:20

Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion.

Matiu 13:41

A Nutun a Musano in tulu ru anun a kum ensel, ma det in rakon rop ru a kum utna ra i ben raro a taro, ma det kai ra det ser pam a sakino.

Matiu 18:10

“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.

Matiu 2:13

Ra det sa wan taru, a ensel anun a Labino i wanpat torom o Josep una ririon ra i watungi lena, “Un katutur, un ben pas derano, ma motul in kalabor eno utong o Ijip. Ma motul in kis tong iai, tuk una bung ra an inanos melet ui, uni o Erod in sisio sur a natlik sur in um doko i.”

Matiu 24:31

In tuwuru in tangis bing, ra a Nutun a Musano in tulu pirso anun a kum ensel, sur det in ben tomo anun a taro na pipilok tagun a wat na matmatano wuwu, tagun ara papor rakrakon bual tuk tong una ara papor rakrakon bual.

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

Matiu 4:11

Numur o Satan i wan pas gusuni, ra a kum ensel det wanpat toromi, ma det waruti.

A Wakak na Wasiso un o Iesu Karisito o Mak i tumusi 10:17

Ra o Iesu i wan nanan melet, ara musano i kalabor pat toromi, i kis butkeke umatano, ma i tingi lena, “Wakak na Tene Ususer, asau ra an pami sur an rakon a nilaun tukum?”

Luk 1:19

Ra a ensel i balu i lena, “Iau o Gebriel, a ser tur umatan o God. I ut i tulu ru iau sur an inanos ui, ma an los a wakak na wasiso ri torom ui.

Luk 1:23

Ra i sa rop anun a du bung na pinapam, i milet melet sur anun a tamon.

Luk 16:22

“Numur a nat na soi ra i mat, ra a kum ensel det los pasi ma det ukis tari upaporin o Abaram. Ra a tene gongon bulung i mat, ma di por ru i.

Luk 2:13

Uniutra a labino kunur na ensel tagisapat una langit det wanpat torom a ensel ra, ma det watung ulabo pas o God lena,

Luk 2:9

Ma a ensel anun a Labino i wanpat torom det, ma a minamar anun a Labino i sisio talilis det, ra det ngara doko.

Aposel 11:22

A taro na lotu sapat o Jerusalem det longoro a wasiso un asau ra i wanpat, ra det tulu ru o Banabas utong o Antiok.

Aposel 12:23

Uniutra, a ensel anun a Labino i umi, uni i madek a taro det watung ulabo pasi, ikut, i ut ke ulabo pas o God. Ra a kum suisui det wan a pinino, ra i mat.

Aposel 12:7

A ensel anun a Labino i wanpat kisin toromi, ma a talapor i utalapor a balano rumu na karabus. I rapus wangun o Pita una paporino, ra i watungi tano lena, “Un katutur lakit!” Ra aru sen der tapalos gusun aru lamano.

Aposel 13:2

Ara bung ra det lotu torom a Labino ma det wewel, a Tokodos na Nion i watungi lena, “Mot in pilok pas o Banabas ma o Sol sur anung, sur a pinapam ra a kabo pas der suri.”

Aposel 16:26

Kura kut, a labino guri i wanpat, ra i gunu a kum pos ina rumu. Ra uniutra a kum matansako rop det papos, ma a kum sen det tapalos gusun a kum karabus rop.

Aposel 27:23

Iau anun o God, ma a ser muri. Nanganong mirum, ara ensel anunu i wanpat torom iau.

Aposel 5:19

Ra una mirum, ara ensel anun a Labino i papos a kum matansako ina rumu na karabus, ra i ben pirso ru det

A Pas anun o Pol torom a taro Rom 11:14

Una nung a pinapam ri, a nemi sur an ukatutur a nuknukin anung a kabotaro, sur lako taro tagun det, det in nemnem sur a wakakino ra o God i pam tari un mot, ra in ulaun pas det.

A Pas anun o Pol torom a taro Rom 13:6

I mo ra mot ser pitari kai a takis torom a gapman, uni a kum mugumugu tagun a gapman det a kum tultul anun o God, ma det ser pitar anundet a nilaun una pinapam na tamtamabat a taro.

A Pas anun o Pol torom a taro Rom 15:16

sur an tene pinapam anun o Karisito Iesu torom a taro ra awu sur a taro Juda. A elar nama tene etabor torom o God. A warawai nama Wakak na Wasiso anun o God, sur a taro ra awu sur a taro Juda, det anung a etabor torom o God ra in gas nami. Ma a Tokodos na Nion i sa rus talapor tar det.

A Pas anun o Pol torom a taro Rom 15:27

Det gas sur det in pami lenra. Ma i tokodos kai ra det in pam a petutna na minabalu torom a taro Juda, uni a taro Juda det sa warut tar det ra awu sur a taro Juda, sur det kai det in rakon a kum utna na nion ra o God i udan det nami, ra numugu anun a taro Juda kut. Ma i wakak sur det bulung det in warut a taro Juda nama mani.

A Pas anun o Pol torom a taro Rom 8:17

Ra dat a kum nutnutunu, dat in rakon a kum utna anun o God, tomo nam o Karisito. Ra dat in taramo a mamaut tomo nam o Karisito, numur dat in kis tomo nami una nun a minamar.

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

2 Korin 9:12

A pinapam na warut ri mot pami, ke waruti kut a taro anun o God nama utna ra det sibo suri, i pam pati utkai a watung wakak torom o God tan a susut na taro.

Galesia 3:29

Ra mot anun o Karisito, mot a kum nutnutun o Abaram, ma mot in rakon asau ra o God i liliman taru nami toromi.

Galesia 3:7

Mot in tasmani lena det ra det nurnur, det a kum nutnutun o Abaram.

Galesia 3:9

I lenkutkai ra uniri, det ra det nurnur din watung udan det, elar nami ra di sa watung udan tar o Abaram, a tene nurnur.

Epeses 3:6

Iri a utna ra numugu i kis eno: Det ra awu sur a taro Juda, ra det in mur a Wakak na Wasiso, det in rarakon tomo nama taro Juda, una kum utna ra o God i udan a kum nutnutunu nami. Ma det rop, ara musano mukut. Ma det ra tagun o Karisito Iesu, a kum liliman anun o God anundet utkai.

Pilipai 2:17

Anumot a pinapam ra anumot a nurnur i pam pati, i elar nama etabor torom o God. Ra kanapi an mat, a gaping in elar nama etabor ra di lingisi netes una numot a etabor. Ra an gas ma an gas tomo nam mot rop.

Pilipai 2:25

A nuki lena, in wakak ra an tulu melet o Epaproditus, a tisindat torom mot. Mir papam tomo ma i ser tur warut iau una inaim sur a Wakak na Wasiso, ma i a tultul anumot ra mot tulu ru i sur in warut iau, nama kum utna ra a sibo suri.

2 Tesalonaika 1:7

ma in pitar a mana torom mot ra mot taramo a ngunungut, ma lenkutkai ra torom metul. O God in pami lenra, una bung ra a Labino o Iesu in nanpat tagisapat una langit nama kunabor na sungun ma anun a kum dekdek na ensel.

Taitus 3:7

I ulaun dat, sur dat in rakon a nilaun tukum, ra dat kis langlang suri nama nurnur. Ra i ulaun dat, i watung dat lena dat tokodos umatano, kibino una nun a marmaris.

Ibru 10:11

A kum bung rop a kum tene etabor rop det tur ma det pam anundet a pinapam na lotu, ra det ser tun a kum takano etabor kut torom o God. Ikut, a kum etabor ri, ka det unus lar pas a kum sakino petutna.

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.

Ibru 5:9

O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso.

Ibru 6:12

Ka met nemi sur mot in tabalamat, awu. Met nemi sur mot in mur a magirandet ra det nurnur ma det kis langlang ma pinindet ke ngoro, ra det in utur ukai asau ra o God i sa uliliman taru nami.

Ibru 6:17

Ma o God kai, i udekdek anun a liliman nama risano ut, sur in upuaso i torom anun a taro, det ra i uliliman tar det, lena ken pukusi melet a nuknukino.

Ibru 8:6

Ikut o Iesu i sa los pas a pinapam na tene etabor ra i labo sakit taun a pinapam na etabor anun a kum tene etabor. Lenkutkai ra a kunubus ra o Iesu i sa pam sot pasi sur in dat tomo a taro nam o God, i labo sakit taun a mugano kunubus. A kibin a matok na kunubus i a kum liliman, ra det wakak sakit taun a kum mugano liliman.

Ibru 9:28

Lenkutkai ra o Karisito i pitar tari ut sur i a etabor torom o God ara dino kut, sur in los gisen ru a kum sakino petutna anun a susut na taro. Ma in nanpat melet a manru na dino. Awu mo sur in los gisen ru a kum sakino petutna, awu. In nanpat sur in ulaun pas det ra det kis langlang suri.

Jems 2:5

A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.

1 Pita 1:4

ma dat in rakon pas a utna ra o God i sa ubek tari sapat una langit. A utna ra ken mereseng, ken laulau ma ken rorom. O God i sa ubek tari sur mot.

1 Pita 3:7

Lenkutkai ra, mot a kum nolin na musano, mot in nem anumot a kum wardain una numot a kinkinis na nolin. Mot in pitar a urur torom det, uni a dekdekin det ke elar nama dekdeki mot. Det kai det in rakon a nilaun ra o God in pitari tamot. Mot in pami lenra, sur gong tu utna i turbat anumot a kum niaring.

A Pas anun o Jud 1:14

Ma o Enok kai, a wonom mawit na kabotaro tagun o Adam, i sa watung tar a wasiso na poropet un det lena, “Tama i, a Labino in nanpat nam anun a ariparip na tasur na ensel,

Tamtama 5:6

Numur a tama a Barman na Sipsip, i tamtama lari ra di sa um doko tari, i tur nisan a kiskis na king, ma a wat na utna ra det laun, ma a kum mugumugu det tur talilis pasi. A Barman na Sipsip ra, a wonom mawit na komino, ma a wonom mawit nin nikiok na matano. Det a wonom mawit na nion o God, ra di tulu ru det una rakrakon bual rop.