Ibru 1:1 - Nupela Testamen long tokples Kandas

¹ Numugu utmakai o God i wasiso torom a kum tumtubun dat nama wan a kum poropet. I wasiso una susut na dino ma una wur ngas na kisapi.

Ibru 1:1 Σταυροειδείς Αναφορές

Luk 1:55

torom o Abaram ma anun a kabotaro tukum, elar nami ra i sa watung tari torom anundat a kabotaro tagun numugu.”

Luk 1:72

ma sur in maris anundat a kabotaro tagun numugu ma in pam sot pas anun a tokodos na kunubus.

Luk 24:27

Turpasi una kum buk anun o Moses ma a kum poropet rop, o Iesu i papalos torom der una kum utna, ra di sa tumus tari uni ut, una Buk Tabu.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

A Wakak na Wasiso un o Iesu Karisito o Jon i tumusi 16:13

A Tokodos na Nion, ra i ser upuaso a lingmulusino, in nanpat, ma in utalapor mot una kum lingmulusino rop un o God. A kum wasiso ra in watungi awu sur anunu, in watungi kut a kum wasiso ra i longoro i, ma in inanos mot una kum utna ra in nanpat numur.

A Wakak na Wasiso un o Iesu Karisito o Jon i tumusi 7:22

O Moses i pitar tar a warkurai tamot sur mot in tok talilis a kum nat musano. Ikut a warkurai ri, awu sur anun o Moses, a taro ut tagun numugu det turpasi. Ma a ramano kum du bung utkai mot tok talilis a natlik una Bung na Sabat.

A Wakak na Wasiso un o Iesu Karisito o Jon i tumusi 9:29

Met, met tasmani lena o God i wasiso torom o Moses, ikut a musano ra, ka met tasmani ra i wan tagai.”

Aposel 13:32

“Ra met inanos mot una Wakak na Wasiso lenri: A liliman ra o God i sa pitar tari torom a kum tumtubun dat tagun numugu,

Aposel 2:30

Ikut o Dewid a poropet, ra i tasmani lena, o God i sa liliman dekdek taru toromi lena, i ut in ukis tar taio tagun a kabotaro anunu sur in kelesi una nun a kiskis na king.

Aposel 28:23

Det nam o Pol det kubus pas ara bung sur det in wasiso. A susut na taro det wanpat toromi, una rumu ra i kis uni. I turpas a wasiso una kobot ma i tuk una lirop. I papalos torom det una matanitu anun o God. Ma i papalos utkai una Warkurai anun o Moses ma a kum tumtumus anun a kum poropet, sur in ukatutur a nuknukin det sur det in nurnur un o Iesu.

Aposel 3:21

In kis sapat netes una langit, tuk una bung ra o God in umatok melet a kum utna rop, ra i sa watung tari numugu utmakai nama wasiso anun a kum tasur na poropet anunu.

Ibru 11:2

A kum lamlabino tagun numugu det nurnur lenra, ra o God i gas nam det ra i wasiso puaso un det lena det wakak, kibino una nundet a nurnur.

Ibru 12:25

Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Ibru 2:2

A kum wasiso ra numugu a kum ensel det wasiso talapor nami i tur sikot. Ra taio ke muri o i pitarngat kut, din pitar tar a warkurai na minabalu toromi, ra i elar nam anun a pitarngat.

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.

Ibru 3:5

O Moses, i a tultul anun o God, ma i lingmulus una nun a pinapam una rumu anun o God. I wasiso mugu taru una kum utna ra o God in wasiso puaso uni numur.

Ibru 4:8

Ra gunuk o Josua i sa pitar tar a mana torom a kum tumtubun dat, ra det ruk una tamon Kenan, o God ken wasiso melet taru un tu bung gisen sur a taro det in ruk una nun a tamon na mana.

Ibru 5:5

Lenkutkai ra, o Karisito ke ulabo pasi sur in mugumugu na tene etabor torom o God. Ikut o God i watungi toromi lena, “Ui a Nutung, ma uniri a sa wanpat o Tamam.” Sng 2:7

Ibru 9:19

Ra o Moses i sa watung rop tar a kum Warkurai tan a taro rop, i los pas a gapin a kum barman na bulumakau ma a kum meme, ra i ubek tomo pasi nama danim. I los pas a kano duwai lik ra di watungi namin isop, ra di sa ker wat tari nama merek na iwu ina sipsip. I puk pasi una gap, ra i lamir a buk na Warkurai ma a taro rop nami.