Galesia 5:11 - Nupela Testamen long tokples Kandas

¹¹ A kum tistising, ka ususer meleti mo a taro una tinotok talilis. Iri a kibino ra a taro Juda det ukadik iau. Gunuk ra an ususer utmakai uni, ka det in ukadik iau. Ikut det ukadik iau, uni a ususer a taro sur det in nurnur kut unin nanai kutus anun o Karisito.

Galesia 5:11 Σταυροειδείς Αναφορές

Aposel 16:3

O Pol i nemi sur detul in nan tomo. I ben pasi, ra i tok talilis a pinino, uni a kum te Juda ra kura una kum tamon ra, det tasmani lena o tamano, a te Grik.

Aposel 21:21

Det sa longoro a wasiso un ui lena, u ser ususer a taro Juda rop ra det kis nisan a taro ra awu sur a taro Juda, sur gong det mur a Warkurai anun o Moses. Det longoro i lena, u inanos det sur gong det tok talilis a pinin a kum nutnutun det, ma gong det mur a kum petutna anun a taro Juda.

Aposel 21:28

Ma det kukukuk lena, “A taro Israel, mot in warut met. A musano ri, i ususer a taro rop una rakrakon bual sur det in nget dat, ma a Warkurai anun o Moses, ma a rumu na etabor. Ma i sa ben ruk pasi kai a taro ra awu sur a taro Juda urin una rumu na etabor, ma i sa udur ru a rumu ri anun o God.”

1 Korin 1:18

Uni a wasiso unin nanai kutus, a longlong na wasiso kut torom det ra det wan sur a iniru. Ikut, torom dat ra o God i ulaun dat, a wasiso unin nanai kutus, i a dekdekin o God.

1 Korin 1:23

Ikut met, met warawai kut un o Karisito, i ra di sak wati unin nanai kutus. A warawai ri, a taro Juda det ngeti, ma torom det, i elar nama wat ra det puku taru uni, ma i elar kut nama longlong na wasiso torom a taro ra awu sur a taro Juda.

1 Korin 15:30

Met kai, ra katu katkatutur melet gusun a minat, sur asau ra met pam a pinapam ra met barato a kum mamaut uni, una kum bung rop?

Galesia 2:3

Mir kis tomo nam o Taitus, a te Grik, ikut ka det ungongos pasi sur din tok talilis a pinino, elar nama Warkurai anun a taro Juda.

Galesia 3:1

A taro Galesia, mot a kum longlong! Osi mo ra i sangsagor, ra i ulokolokor a nuknuki mot? A sa inanos talapor tar mot una minat anun o Iesu Karisito unin nanai kutus, i elar nami ra mot ut mot tama i.

Galesia 4:29

O naro ra di ususi una ngas na nolin tagun a rakrakon bual, i ukadik o naro ra di ususi una dekdekin a Tokodos na Nion. I lenkutkai ra torom dat uniri.

Galesia 6:12

A taro ra det ungongos pas mot sur din tok talilis mot, det pami kut uni det nem na ulabo pas det umatan a taro. Det pami lenra uni det ngara. Uni det nuki lena, ra det in warawai una nurnur unin nanai kutus anun o Karisito, din ukadik det.

Galesia 6:17

Turpasi uniri, gong taio in utikidis iau, uni a kum burlain una pining det ukinalongi lena iau anun o Iesu.