Epeses 6:13 - Nupela Testamen long tokples Kandas

¹³ I mo ra mot in emar nama kum ememar na inaim rop anun o God, sur mot in pet lar pasi sur mot in tur dekdek, ra a laulau na bung in nanpat. Ra mot sa waninar pas mot lenra, mot in tur dekdek.

Epeses 6:13 Σταυροειδείς Αναφορές

Luk 21:36

Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.”

Luk 8:13

Ra a kum pitino ra det puku una nubual na watat, det elar nama taro ra det longoro a wasiso, ra det pam ukai i nama gasgas. Ikut kalako wakakorin det, anundet a nurnur ke tur suano i. Ra a kum larlar i wanpat torom det, det puku.

A Pas anun o Pol torom a taro Rom 13:12

I sa labino mirum pas, ma milau mo in waspi. I mo ra dat in lakro ru i mo a kum pinapam tagun a dumirum, ma dat in emar pas nama kum utna na inaim tagun a talapor.

2 Korin 10:4

Uni a kum utna na inaim ra met waim nami, awu sur anun a rakrakon bual, awu. A kum dekdek na utna na inaim anun o God, ma det dekdek sakit sur met in rege a kum dekdek na woro nami anun a ebar.

Epeses 5:16

Una kum du bung rop, ra i langolango sur mot in pam a wakakino, mot in pami, uni a kum bung ri, a kum laulau na bung.

Epeses 5:6

Gong mot madek tar taio sur in toro pas mot nam tu wasiso oros kut. Uni a kum petutna ra, in dat pas a kankan anun o God torom det ra det pitarngat.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

Jems 4:7

Mot in unatino pas mot, ma mot in mur o God. Mot in turbat ru o Satan, sur in nan gusun mot.

1 Pita 4:1

O Karisito i taramo a ngunungut una pinino. I mo ra, mot kai, mot in waninar sur mot in taramo a ngunungut elar nami. Uni osi ra i taramo a ngunungut una pinino, i sa mana gusun a pam a sakino petutna.

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.

Tamtama 6:17

Uni anunder a labino bung na kankan i sa wanpat, ra osi mo in tur lar pas sa numugu tander?”