Epeses 5:3 - Nupela Testamen long tokples Kandas

³ Gong tu pamuk na petutna i kis epotor tamot, gong tu dur na petutna, ma gong kai mot nemnem sur a susut na ululeng. Uni a kum petutna ri ke tokodos sur a tokodos na taro anun o God det in pami.

Epeses 5:3 Σταυροειδείς Αναφορές

Matiu 15:19

Iri a kum utna ra i ser wanpat tagun a nuknukino: a kum sakino nuknuk, a petutna ra di um doko a taro, a petutna ra di pam a sakino nam tu ino anun taio o nam tu musano anun taio, a kum petutna na pamuk, a wolong, a etakun torotoro, ma a petutna ra di mang laulau ara.

Luk 12:15

Ra i watungi tandet, “Mot in nuk pasi, ma mot in tumarong mot gusun a nemnem sur a susut na ululeng, uni a nilaun anun taio ken kibino pas tagun anun a susut na ululeng.”

Luk 16:14

A kum Parisi det longoro a kum wasiso ri, ra det urongon laulau kut un o Iesu, uni det nem doko a mani.

Aposel 15:20

Dat in tumtumus torom det, ma dat in inanos det lena, det in mur a kum warkurai kut lenri: Gong det wan tu utna ra di sa etabor taru nami torom a kum torotoro na god, uni a ngas na lotu lenri i udur a utna na inangon. Gong det pam a kum petutna na pamuk. Gong det wan tu utna ra ka di gos wakak a gap gusuni, ma tu wewegua ra di pos doko i kut ra a gap kura utmakai uni.

Aposel 20:33

Ka nuknuk laulau sur tu mani anun taio, o tin namalu anun taio.

A Pas anun o Pol torom a taro Rom 1:29

Det bukus nama kum wur ngas na sakino petutna rop ri: Det pam a sakino torom a taro, det nemnem sur a susut na ululeng, ma det nem na ban laulau a taro. Det bukus nama nuknuk laulau sur a utna anun taio, det um doko a taro, det engaras, det torotoro, ma det nget a taro. Det wasiso eno,

A Pas anun o Pol torom a taro Rom 16:2

A saring mot sur mot in gas pasi una risan a Labino, lar a kum tene nurnur det ser pami. Ma mot in waruti nam lako utna ra in sibo suri, uni i sa warut tar iau, ma a susut na taro kai.

A Pas anun o Pol torom a taro Rom 6:13

Gong melet mo mot pitar tar tu du pinimot sur in elar nama utna na pinapam sur a pam sakino. Mot in pitar tar mot torom o God, uni mot sa laun melet gusun a minat. Ma mot in pitar tar a kum du pinimot rop torom o God, sur in elar nama kum utna na pinapam sur a tokodos na pinapam.

1 Korin 10:8

Gong dat pam a kum petutna na pamuk, elar nama ramano taro tagun det, det pami. Ra, un ara bung kut, aru noino ma tulu arip na taro tagun det, det mat.

1 Korin 5:1

A longoro i lena a pamuk na petutna kura i kis epotor tamot. Ara tagun mot i pam a sakino tomo nama ino anun o tamano. A taro ra ka det nurnur, ka det ser pam a sakino petutna lenra.

1 Korin 6:13

Sako taio in watungi kai lenri, “A utna na inangon sur a balandat, ma a balandat sur a utna na inangon.” Ikut o God in kamar rop ru der. A pinindat awu sur tagun a kum pamuk na petutna, awu, sur a Labino ut, ma a Labino sur a pinindat.

1 Korin 6:18

Mot in nan gisen gusun a kum pamuk na petutna. A kum sakino petutna gisen ra taio i pami, ka det kis una pinino. Ikut, ra taio in pam a kum pamuk na petutna, i pam a sakino una pinino ut.

2 Korin 12:21

A ngara, sako ra an nanpat tiro, anung a God in unatino pas iau umatamot. Ma an tupunuk una susut tagun mot, ra det pam sakino tagun numugu utmakai ma ka det nukpukus gusun anundet a kum dur na petutna, a kum pamuk na petutna ma a kum nemnem sur a sakino petutna ra det ser muri.

Epeses 5:12

Uni a utna na maimai sakit, ra dat in wasiso una kum petutna ra a kum tene pitarngat det ser pam eno i.

Epeses 5:5

Mot in tasman a utna ri: Det ra det pam a pamuk na petutna, o a kum dur na petutna, o det nem doko a susut na ululeng, ka det in rakon a matanitu anun o Karisito ma anun o God. Uni det ra det nem doko a susut na ululeng, det a kum tene lotu torom a kum torotoro na god, uni a kum ululeng anundet a god.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

1 Tesalonaika 4:3

O God i nemi sur anumot a nilaun gong i dur umatano, ra mot in nan gisen gusun a kum pamuk na petutna.

1 Tesalonaika 4:7

Uni, o God ke kabo pas dat sur a dur na petutna, i kabo pas dat sur dat in mur a tokodos na nilaun.

1 Timoti 2:10

A wardain ra det watungi lena det ser lotu torom o God, det in emar nama kum wakak na pinapam.

1 Timoti 3:3

Ma gong i tene ininum, gong i tene inaim, in tene malmal, ma gong i tene wasiso na kankan, ma gong i nem doko a mani.

1 Timoti 6:10

Uni a nemnem sur a mani, i a kimkibin a wur matano sakino petutna. Ma a ramano taro ra det ngara suri, det sa wan gisen gusun a nurnur, ma det ban laulau anundet a nilaun nama susut na mamaut.

2 Timoti 3:2

A taro det in nuk pas det ut, ma det in nemnem sur a mani, ma det in warango pas det, ma det in ulabo pas det ut, ma det in emang, ma det in pitarngat torom a kum tamtaman det ma a kum nanan det, ma ka det in lason sur det in watung wakak torom o God ma torom a taro kai, ma det dur umatan o God.

Taitus 1:11

Un turbat anundet a kum wasiso, uni det ser ban laulau a nurnur anun a susut na kamkabo tamano nama kum etowo, ra ke wakak sur din ususer det nami. Det ser ususer det kut lenri sur det in toro pas a mani gusun det.

Taitus 1:7

I wakak ra a mugumugu na lotu, i a ngas na musano ra katu etakun kura uni, uni i ut a tene tamtamabat una kum pinapam anun o God. Gong i ulabo pasi, gong i ser kankan lakit, gong i tene ininum, gong i tene inaim, ma gong i nemnem sur a susut na mani.

Taitus 2:3

Lenkutkai ra, un ususer a kum wardain ra a kum mugano tam, sur det in lason una kisapi na urur una nundet a nilaun, gong det emang, gong det tene ininum, ikut det in ususer a taro nama sau ra i wakak.

Ibru 12:16

Mot in tumarong, sur gong taio i pam a pamuk na petutna, ma gong taio i rosumur gusun o God, elar nam o Iso. Ra i milau sur o Iso in los a susut na ululeng tan o tamano, uni i a mugano nutunu, o Iso i siuru ru a kum ululeng ra, sur ara pelet na utna kut.

1 Pita 5:2

Mot in tamtamabat a kum sipsip anun o God, ra di pitar tari torom mot sur mot in tamtamabat det. Gong mot papam, uni a taro det ungongos tar mot uni, mot in papam, uni mot ut mot nemi, elar nama nemnem anun o God. Mot in papam, uni mot ut mot nem doko i, ma gong mot papam kut nama nemnem sur a mani.

2 Pita 2:10

Ma a Labino in warkurai dekdek det ra det mur a kum dur na nemnem ina pinindet, ma ka det nem na kis utuntudu in anun a warkurai. A kum torotoro na tene ususer ra, ka det ngara, ma det ulabo pas det ut. Ka det ngara ra det watung laulau a kum ukukis ra kusapat una langit.

2 Pita 2:14

A kum bung rop, a matandet i tamtama kut sur tu ino anun taio o tu musano kai anun tu ino, sur det in pam a sakino tomo nami. Ka det mana gusun anundet a kum sakino petutna. Det ulam raro a taro ra ka det tur dekdek. Det lason doko una nemnem sur a susut na ululeng. Ikut, anundet a iniru i sa waninar.

2 Pita 2:3

Una nundet a labino nemnem sur a mani, det in usobor pas mot nama kum torotoro na wasiso, sur det in los anumot a mani. Ikut tagitiro numugu utmakai, o God i sa waninar tar anundet a warkurai na minabalu, ra milau mukut in nanpat un det.

Tamtama 2:14

Ikut a takun mot una kum utna ri: Ara taro ra kura det epotor tamot, det sa mur a etowo anun o Balam, i ra i ususer o Balak sur in usobor a taro Israel ma det pam a sakino petutna, ra det wan a utna na inangon di etabor nami torom a kum torotoro na god, ma det pam a kum petutna na pamuk.

Tamtama 2:21

A sa pitar tar a du bung tano sur in nukpukus uni gusun anun a kum pamuk na petutna, ikut ke nemi.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.

Tamtama 9:21

Ma ka det nukpukus kai gusun a um doko a taro, a sangsagor, a kum pamuk na petutna ma a wolong.