Epeses 5:2 - Nupela Testamen long tokples Kandas

² Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

Epeses 5:2 Σταυροειδείς Αναφορές

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

A Wakak na Wasiso un o Iesu Karisito o Jon i tumusi 13:34

“Uniri a pitar a matok na warkurai torom mot lena, mot in nem etetalai mot. Mot in nem etetalai mot elar nami ra a nem mot.

A Wakak na Wasiso un o Iesu Karisito o Jon i tumusi 6:51

Iau ut a beret ra i laun, ra i wan pirso tagisapat una langit. Osi ra in nangon tagun a beret ri, in laun tukum. A lingmulus, a beret ra an etabor nami, i a pining. A pitari sur a taro una rakrakon bual det in laun nami.”

A Pas anun o Pol torom a taro Rom 15:16

sur an tene pinapam anun o Karisito Iesu torom a taro ra awu sur a taro Juda. A elar nama tene etabor torom o God. A warawai nama Wakak na Wasiso anun o God, sur a taro ra awu sur a taro Juda, det anung a etabor torom o God ra in gas nami. Ma a Tokodos na Nion i sa rus talapor tar det.

A Pas anun o Pol torom a taro Rom 4:25

O God i pitar ru o Iesu, sur in mat una nundat a kum sakino petutna, ma i ukatutur melet pasi gusun a minat, sur dat in tokodos umatan o God.

A Pas anun o Pol torom a taro Rom 8:3

A kum Warkurai anun o Moses ken pet lar pasi sur in turbat a sakino, uni a sakino nemnem ina pinindat, kalako dekdekino sur in mur a kum Warkurai. Ikut o God i pet lar pasi. I tulu ru o Nutunu urin upiso ma i wanpat a mulusino elar nam dat, a taro na pam sakino. I mat ma i sa ulaun pas dat gusun anundat a sakino. A warkurai na minabalu una kum sakino petutna anundat, o God i ubek tari una pinin o Iesu, ma i urop a dekdekin a sakino petutna.

A Pas anun o Pol torom a taro Rom 8:37

Awu, dat in pas pisopiso a kum utna ri, kibino un o Karisito ra i maris doko dat.

1 Korin 16:14

Mot in pam a kum utna rop nama marmaris.

1 Korin 5:7

Mot in rakon ru a is ra i sa turai, sur mot in elar nama matok na palawa ra kalako is uni. A lingmulus ut, kalako is un mot. Uni di sa pitar tar o Karisito sur anundat a etabor torom o God, elar nama sipsip ra di etabor nami una labino bung na lotu na Wanlakai.

2 Korin 2:14

Ikut a watung wakak torom o God, uni o Karisito i mugu met elar nama king ra i win. O God i tulu sarara met, sur met in wasiso puaso un o Karisito, sur a taro una kum tamon rop det in tasmani. A tastasman ra, i elar nama utna i sangnain wakak.

2 Korin 2:15

Met elar nama utna ra a misino i sangnain wakak, ra o Karisito i etabor nami torom o God. Ma a sangnainino i wan torom det ra o God i ulaun pas det, ma torom det kai, ra det wan sur a iniru.

2 Korin 8:9

Uni mot tasman a marmaris anun anundat a Labino o Iesu Karisito. I ut i tadaru sakit nama susut na utna, ikut i wan gusun anun a wakak na kinkinis sapat netes una langit, uni i maris mot, ma i kis na sibo nin una rakrakon bual, sur mot, mot in tadaru nama wakak na nilaun.

Galesia 1:4

O Iesu i ubek ru anun a nilaun una anundat a kum sakino petutna, sur in ulaun dat gusun a kum sakino petutna ra a taro det pami una kum kilalo ri. I elar nama nemnem anun anundat a God a Tamandat.

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

Epeses 1:4

Numugu utmakai ra o God ke ukisi utmakai a rakrakon bual, i sa pilok tar dat, sur dat anun a taro, ma katu etakun in los dat umatano, uni dat kis un o Karisito.

Epeses 3:17

sur o Karisito in kis una balamot, ra mot nurnur uni. Ra a wararing sur anumot a marmaris in tur dekdek elar namin nanai ra a wakakorino i rarau.

Epeses 3:19

A wararing sur mot in tasman a marmaris anun o Karisito, ra i labo taun a mananos anun a taro, sur mot in bukus nama kudulano nilaun anun o God.

Epeses 4:15

Ikut, dat in watung a lingmulus na wasiso tomo nama marmaris. Ra dat in pami lenra, dat in lubung una kum utna rop sur dat in elar nam o Karisito, i ra in lorindat.

Epeses 4:2

Mot in unatino pas mot, ma mot in kis na malmal. Mot in ese a wowowon na magiramot, ma mot in maris etetalai mot, ma gong mot balano sungun ra a ramano taro tagun mot det raro un lako kum utna.

Epeses 5:15

Mot in tamtamabat wakak anumot a ngas na nilaun ra mot laun nami, ma gong mot laun elar nama kum longlong, mot in laun elar nama taro na mananos.

Epeses 5:25

Mot kai, a kum nolin na musano, mot in ser nem anumot a kum ino, elar nam o Karisito i maris a taro na lotu, ra i pitar tar anun a nilaun sur det,

Pilipai 4:18

A sa los pas a kum utna rop ra mot tula i. I labo sakit, ma i labo taun anung a sibo. Ka sibo mo sur tu utna, uni a kum utna ra mot tula i, a sa los pasi tan o Epaproditus. I elar nama etabor torom o God, ra i sangnain wakak, ra o God i gas nami, ma i tokodos toromi.

Kolosi 3:14

Netes una kum petutna rop ri, i wakak sur mot in emar nama marmaris torom mot etetalai. A marmaris i dat tomo dat rop, sur dat in takai kut.

1 Tesalonaika 4:9

Ka metul in tumtumus melet mo torom mot una numot a marmaris torom a kum tistisi mot, uni, o God i sa ususer tar mot sur mot in nem etetalai mot.

1 Timoti 2:6

i ra i pitar tar anun a nilaun sur in kul langolango pas a taro rop. Una du bung ra o God i sa kubus tari, o Iesu i ulingmulus a nemnem anun o God lena i nem na ulaun a taro rop.

1 Timoti 4:12

Gong u madek tar taio sur in tama pisopiso ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Ibru 8:3

A kum mugumugu na tene etabor rop torom o God, o God i ubek tar det sur det in pitar tar a kum etabor ma det in tun a kum wewegua sur a etabor toromi. Lenkutkai ra, o Iesu anundat a mugumugu na tene etabor in etabor nam tu utna sur in pam sot pas anun a pinapam na etabor torom o God.

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.

Ibru 9:23

Din pam soti ut sur din gos talapor a rumu na sel ma a kum utna kura uni, nama gapin a kum wewegua, uni det a malalarin a kum utna kusapat una langit. Ikut a kum utna kusapat una langit, din gos talapor det nama etabor ra i wakak sakit taun a kum etabor taginin upiso.

Ibru 9:26

Ra gunuk o Karisito in pitar tari ut sur i a etabor torom o God una kum kilalo rop, in iru a susut na dino, turpasi ut una turturkibin ina rakrakon bual. Ikut una kum ururop na bung i wanpat ara dino kut. I pitar tari ut sur i a etabor torom o God sur in kamar ru a kum sakino petutna, ma ken pam meleti mo.

1 Pita 4:8

Iri a utna ra i labo sakit taun a kum utna rop, mot in nem etetalai mot nama lingmulus, uni a marmaris i pulus bat a susut na sakino petutna.

1 Jon 3:16

Dat in tasman a marmaris mulus lenri: O Iesu Karisito i pitar anun a nilaun ma i mat sur dat. I wakak sur dat kai, dat in pitar anundat a nilaun ma dat in mat sur a kum tistisin dat.

1 Jon 3:23

A warkurai anun o God i lenri: Dat in nurnur una risan o Nutunu, o Iesu Karisito, ma dat in nem etetalai dat, elar nam anun a warkurai torom dat.

Tamtama 1:5

ma tan o Iesu Karisito, i a lingmulus na tene wasiso talapor un o God, ma a mugano tandet ra det in laun melet gusun a minat, ma a mugumugu anun a kum king una rakrakon bual. I maris dat, ma i ulangolango pas dat gusun anundat a kum sakino petutna nama gapino,

Tamtama 5:9

Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.