Epeses 4:3 - Nupela Testamen long tokples Kandas

³ Mot in dekdek sur mot in takai kut una kinkinis ra a Tokodos na Nion i sa pitar tari tamot, uni i kubus tomo mot nama malmal.

Epeses 4:3 Σταυροειδείς Αναφορές

A Wakak na Wasiso un o Iesu Karisito o Mak i tumusi 3:24

Ra tu gapman det melet ut det in waim etalai, a gapman ra in tur dekdek pepetlai?

A Wakak na Wasiso un o Iesu Karisito o Jon i tumusi 13:34

“Uniri a pitar a matok na warkurai torom mot lena, mot in nem etetalai mot. Mot in nem etetalai mot elar nami ra a nem mot.

1 Korin 1:10

A kum tistising, a saring mot nama risan anundat a Labino o Iesu Karisito, sur mot rop mot in tur tomo, ma gong mot taptapagol. Ma in takai kut a nuknuki mot, ma anumot a nemnem kai.

2 Korin 13:11

Anung a ururop na wasiso mo ri: A kum tistising, mot in gas! Mot in ukodos mot, mot in mur anung a wasiso, in takai kut a nuknuki mot, ma mot in kis na malmal etetalai. Ra a God na marmaris ma a malmal in kis tomo nam mot.

Epeses 4:13

Det in pami lenra tuk ra dat in takai kut una nurnur, ma dat rop dat in tasman wakak a Nutun o God, ma dat in nanpat a kum dekdek na tene nurnur. Dat in lubung tuk dat in bukus nama kudulano nilaun anun o Karisito.

Epeses 4:4

Dat ara pinin o Karisito, ma ara Tokodos na Nion kut i kis un dat rop. Ma o God i kabo pas dat sur dat in takai kut una kinkinis langlang nama nurnur sur a kum wakak na utna ra in udan dat nami.

1 Tesalonaika 5:13

Mot in ese a labino urur ma a marmaris torom det, kibino una nundet a pinapam. Ma mot in kis na malmal etetalai.

Ibru 12:14

Mot in dekdek sur mot in kis na malmal tomo nama taro rop, ma mot in madek o God sur in gos talapor anumot a nilaun. Ra o God ke gos talapor a nilaun anun taio, ken tama a Labino.