Epeses 4:18 - Nupela Testamen long tokples Kandas

¹⁸ Anundet a mananos i dumirum ma det bakbak gusun a nilaun anun o God, uni ka det tasman a lingmulusino, uni a balandet i watat.

Epeses 4:18 Σταυροειδείς Αναφορές

Matiu 13:15

Uni a balan a taro ri i dekdek, ma a taltalngan det i kutkut, ma a matmatan det i pulu. Ra gunuk det in tamtama lele nama matmatan det, ma det in longoro lele nama taltalngan det, ma det in tastasman nama nuknukin det, sako det in tupukus torom iau, ma iau ut, an ulaun pas det.’ Ais 6:9-10

A Wakak na Wasiso un o Iesu Karisito o Mak i tumusi 3:5

O Iesu i nas pukpukus det, in balano i sungun nam det, ikut i maris det, uni a balandet i dekdek doko. I inanos a musano ra a lamano i kong lena, “Kodos a lamam.” I kodosi, ra a lamano i tokodos melet.

Aposel 17:30

Una kum kilalo numugu, o God ke nuknuk una kum petutna anun a taro ra ka det nuk pasi. Ikut uniri, i pitar a warkurai sur a taro rop una rakrakon bual det in nukpukus.

Aposel 3:17

“A kum tistising, a tasmani lena, mot tomo nam anumot a kum mugumugu kai mot pam orosi kut a utna ri un o Iesu, ka mot tasman asau ra mot pami.

A Pas anun o Pol torom a taro Rom 1:28

I kai ri, ka det nuk pasi mo o God, det nuki lena, a etowo un o God i utna oros kut. I mo ra i madek tar det sur in laulau a nuknukin det, ma det pami mukut a kum utna ra ke sot sur din pami.

A Pas anun o Pol torom a taro Rom 11:25

A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God.

A Pas anun o Pol torom a taro Rom 11:7

Asau dat in watungi? A taro Israel det sisio sur tu kisapi ra det in tokodos uni umatan o God, ikut ka det sio pasi. Det kut ra i sa pilok pas det, det sio pasi, ma ara taro kai, awu. I udekdek bat a balandet.

A Pas anun o Pol torom a taro Rom 2:19

Mot nuki lena, mot elar nam ara ra i ben a pulu, ma mot elar nama talapor torom det ra det kis una dumirum.

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

1 Korin 2:8

Katu mugumugu taginin una rakrakon bual i tasman a mananos ri. Ra gunuk det sa tasman tari, ka det in sak wat a Labino tagun a minamar unin nanai kutus.

2 Korin 3:14

Ikut a nuknukin det i tobonot, ma tuk uniri, ra di luk a kum wasiso una mugano kunubus torom det, i elar kut nami ra di pulus bat a nuknukin det nama du malu ra. Katutaio i rakon ru i, uni o Karisito kut, in rakon ru i gusun osi ra tagun o Karisito.

2 Korin 4:4

O Satan, a god taginin una rakrakon bual, i sa upulu pas a nuknukin a taro ra ka det nurnur, sur ka det in tama a talapor ina Wakak na Wasiso ra i upuaso a minamar anun o Karisito, i ra a malalarin o God.

Galesia 4:8

Numugu, ra ka mot tasman o God, mot tene ititula torom a kum god ra awu sur a kum god mulus.

Epeses 2:1

Numugu a niomot i mat, uni mot lakai a warkurai ma mot pam a kum sakino petutna.

Epeses 2:12

Mot in nuk pasi lena, numugu ra mot kis gisen utmakai gusun o Karisito, mot awu sur a taro Israel, ma a kum kunubus ra o God i uliliman taru nami, awu sur anumot. Ma una numot a nilaun nin una rakrakon bual ka mot tasman o God, ma katu wakak na utna ra mot in kis langlang suri nama nurnur.

Kolosi 1:21

Numugu mot kis bakbak gusun o God, ma una nuknuki mot, mot anun a kum ebar, kibino una kum sakino petutna ra mot ser pami.

1 Tesalonaika 4:5

Ma gong mot mur a dekdek na nemnem ina pamuk na petutna, elar nam det ra ka det tasman o God.

Ibru 5:2

A mugumugu na tene etabor torom o God i pet lar pasi sur in papam nama marmaris torom a taro ra ka det mananos ma det wan raro, uni i kai, kalako dekdekino sur in winim pas a sakino.

Ibru 9:7

Ikut ara dino kut una arara kilalo, a mugumugu na tene etabor torom o God, i sot kut, i ser ruk una manru na kukur rumu ra kura urumu. Ken ruk oros, in losi ut a gap, sur in etabor nami torom o God, sur o God in unus ru anun a kum sakino petutna, ma a kum sakino petutna kai anun a taro ra det sa pampam tari ma ka det tasmani.

Jems 4:4

Mot sa wan gusun o God, elar nama ino ra i wan pas gusun anun a musano, ra i nolin tomo nama ara musano bulung. Ka mot tasmani lena, ra mot nem a petutna tagun a rakrakon bual, mot a kum ebar anun o God? Osi ra i pilok pas a rakrakon bual sur der pasano, i a ebar anun o God.

1 Pita 1:14

Mot a kum nutnutun o God, ra mot ser mur anun a wasiso, gong mot mur a kum sakino nemnem ra numugu mot ser pami ra ka mot mananos utmakai.

1 Jon 2:11

Ikut osi ra i nget o tisino, i kis utmakai una dumirum, ma i wanan utmakai una dumirum, ma ke tasmani lena i wanan urai, uni a dumirum i sa upulu pas in matano.