Epeses 4:10 - Nupela Testamen long tokples Kandas

¹⁰ O naro ra i wan pirso, i ut ra i wan tito usapat sakit gusun a bakut, sur in ubukus a kum utna rop sapat netes ma nin upiso.

Epeses 4:10 Σταυροειδείς Αναφορές

Matiu 24:34

A inanos mot nama lingmulus, a kum utna rop ri in nanpat ra a taro tagun uniri det laun utmakai.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

A Wakak na Wasiso un o Iesu Karisito o Jon i tumusi 1:16

I bukus nama marmaris, ma gusun anun a labino marmaris i udan dat nama susut na wakak na utna ra i wanan pat torom dat.

A Wakak na Wasiso un o Iesu Karisito o Jon i tumusi 19:24

A kum tene inaim det wasiso etetalai torom det lena, “Gong dat rarosi, dat in pilai laki sur osi na pasandat in losi.” Det pami lenra sur din pam sot pas a wasiso na Buk Tabu. I watungi lena, “Det isuaro anung a kum malu un det, ma det pilai laki suri.” Sng 22:18 Iri a kum utna ra a kum tene inaim det pami.

A Wakak na Wasiso un o Iesu Karisito o Jon i tumusi 19:28

O Iesu i tasmani lena i sa pam rop ru tar a kum pinapam, ra i watungi lena, “A muruk.” I watungi lenri sur in pam sot pas a wasiso ra di sa tumus tari una Buk Tabu.

A Wakak na Wasiso un o Iesu Karisito o Jon i tumusi 19:36

Di pam a kum utna ri sur din pam sot pas a wasiso ra di sa tumus tari una Buk Tabu lena, “Ka din sak pakpak tu surino.” Sng 34:20

Aposel 1:11

Ma der watungi lena, “Mot a kum te Galili, sur asau ra mot tur ma mot tatado usapat una bakut? O Iesu mo sapat, i ra o God i sa ben pasi gusun mot usapat una langit, in nanpat melet urin, elar ut nami ra mot tama ru i, ra i wan usapat netes.”

Aposel 1:9

Ra i sa rop anun a wasiso, o God i ben toto pasi usapat una langit. Ra det tamtama utmakai, a bakut i pulus bat pasi gusun anundet a tamtama.

Aposel 2:33

Di ulabo pasi ma di ukis tari una sot na laman o God, ma o God o Tamano i pitar a Tokodos na Nion toromi, elar nami ra i uliliman tari nami. Ra uniri o Iesu i sa pitar pirso a utna ri, ra mot tama i, ma mot longoro i.

Aposel 3:18

Ikut una kum utna ri mot pami, o God i pam sot pas a kum utna ra i sa watung mugu tari nama wasiso anun a kum poropet rop, lena anun a Karisito in mat.

2 Korin 12:2

A tasman ara musano, a te Karisito, numugu tan a noino ma wat na kilalo, o God i ben pasi usapat una mantul na langit. Ka tasmani ra i los tito pasi, tomo nama pinino, o a niono kut. O God kut i tasmani.

Epeses 3:19

A wararing sur mot in tasman a marmaris anun o Karisito, ra i labo taun a mananos anun a taro, sur mot in bukus nama kudulano nilaun anun o God.

Kolosi 1:19

Uni o God i gas sur anun a kudulano nilaun rop in bukus un o Nutunu.

Kolosi 2:9

Uni o Karisito i wanpat a mulusino, ma a nilaun rop anun o God i bukus uni.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

Ibru 4:14

Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God.

Ibru 7:26

O Iesu i a mugumugu na tene etabor, ra i sot sur in warut dat. Uni i tasur umatan o God, ma ka din takun lar pasi un tu sakino petutna, ma katu dur umatan o God. O God i ulabo gisen pasi sapat netes una langit, gusun a sakino taro.

Ibru 8:1

Iri a labino utna ra met sa wasiso pas uni: Anundat a mugumugu na tene etabor torom o God i sa kis una papor sot na laman a kiskis anun o God, a labino King sakit sapat netes una langit.