Epeses 3:4 - Nupela Testamen long tokples Kandas

⁴ Ra mot in luki, mot in tasman asau ra a sa talapor uni, una utna un o Karisito, ra numugu i kis eno.

Epeses 3:4 Σταυροειδείς Αναφορές

Matiu 13:11

Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.

Luk 8:10

Ma i watungi tandet lena, “O God i sa pitar tar a mananos tamot, sur mot in talapor una kum wasiso na pidik una nun a matanitu. Ikut torom a taro gisen a ususer det nama kum wasiso elelar, sur ‘det in tamtama ma det in tamtama, ikut ka det in tama lele i, det in longoro ma det in longoro, ikut ka det in tasmani.’ Ais 6:9

A Pas anun o Pol torom a taro Rom 11:25

A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God.

A Pas anun o Pol torom a taro Rom 16:25

O God i pet lar pasi sur in utur dekdek mot una nurnur, elar nam anun a Wakak na Wasiso ra a ser warawai nami, a Wakak na Wasiso un o Iesu Karisito. Tagitiro numugu utmakai, a Wakak na Wasiso ra i kis eno.

1 Korin 13:2

Ra an utur ukai a etabor sur an wasiso na poropet, ma ra an tasman a kum utna na pidik rop ma a kum mananos rop, ma ra an utur ukai a nurnur sur an ukarai a kum tangai nami, ikut ra ka lason una marmaris, iau a utna oros kut.

1 Korin 4:1

I wakak sur mot in nuknuk un met lar met, a kum tultul anun o Karisito, ra a kum wasiso anun o God ra numugu i kis eno, o God i sa pitar tari torom met sur met in upuaso i torom a taro.

2 Korin 11:6

Surko mot nuki lena, ka ususer pas sur a tene warawai, ikut a tasmani ut a utna ra a warawai nami. Mot ut, mot talapor uni, uni una kum utna rop met pami torom mot, met upuaso a mananos rop ri.

Epeses 1:9

O God i ese dat una kum utna ra numugu i kis eno, ma in pami un o Karisito. Una kum utna ra, i muri ut anun a nemnem, ma i gas nami.

Epeses 3:3

Ma o God i utalapor iau una utna ra numugu i kis eno. Ma una pas ri a sa tumtumus lilik pas uni.

Epeses 3:9

O God, i ra i ukis a kum utna rop, i pitar tar a pinapam tang, sur an utalapor a taro rop una nuknukino ra numugu i kis eno.

Epeses 5:32

A wasiso ri ra i kis eno, a labino kukuraino. I wasiso un o Karisito ma a taro na lotu.

Epeses 6:19

Mot in wararing kai un iau, sur o God in pitar tar a kum wasiso tang sur an watungi, ma gong a ngara ra an upuaso a utna ra numugu i kis eno ma uniri a Wakak na Wasiso i upuaso i.

Kolosi 1:26

A wasiso ri, i a utna ra i kis eno, tagun numugu utmakai gusun a kum taun taro tagun numugu. Ikut uniri, i sa puaso torom a taro anun o God.

Kolosi 2:2

A pami lenra, sur in uragot anundet a nilaun, ma det in kis na marmaris tomo, sur det in bukus nama labino mananos, sur det in tasman a utna anun o God, ra numugu i kis eno, i ra o Karisito ut.

Kolosi 4:3

Mot in wararing kai un met, sur o God in papos saro a kisapi, sur met in upuaso a wasiso un o Karisito, ra numugu i kis eno. A kis una karabus, uni a wasiso nama kum wasiso ri.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

1 Timoti 3:9

Det in utur ukai a nurnur mulus ma a tokodos na ninunuk.