Epeses 2:9 - Nupela Testamen long tokples Kandas

⁹ Awu sur i ulaun pas mot kibino una kum wakak na pinapam ra mot pami, sako taio in warango pasi ut nami.

Epeses 2:9 Σταυροειδείς Αναφορές

A Pas anun o Pol torom a taro Rom 11:6

O God i sa pilok pas det una nun a marmaris ut, awu sur una kum pinapam ra det pami. Gunuk ra o God in pilok pas det kibino una kum pinapam ra det pami, awu sur a marmaris ra.

A Pas anun o Pol torom a taro Rom 3:20

I mo ra, katutaio in tokodos umatan o God, uni i mur a kum Warkurai. A kum Warkurai i ser ese dat kut una nundat a kum sakino petutna.

A Pas anun o Pol torom a taro Rom 4:2

Gunuk ra o God i watung o Abaram lena i tokodos, kibino una kum wakak na pinapam ra i pami, i topasi ra o Abaram in ulabo pasi ut uni. Ikut awu, ken ulabo lar pasi umatan o God.

A Pas anun o Pol torom a taro Rom 9:11

Ra ka di usus der utmakai, o God i watungi torom o Rebeka lena, “A mugano in papam torom a murmur.” Stat 25:23 I watung a wasiso ri, ra aru nat ka der pami utmakai tu wakakino o tu sakino. O God i pami lenra, sur anun a pipilok in elar ut nam anun a nemnem. O God, i ra i ser kabo pas a taro, i pilok pas det ra i nem det, awu sur un tu pinapam ra det sa pam tari.

A Pas anun o Pol torom a taro Rom 9:16

I mo ra a pipilok anun o God, awu sur i kibino una nemnem anun taio, o un tu pinapam ra taio i pami. Anun a pipilok i kibino ut una nun a marmaris.

2 Timoti 1:9

I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat.