Epeses 2:8 - Nupela Testamen long tokples Kandas

⁸ O God i maris mot ra i ulaun pas mot ra mot nurnur. Awu sur mot ut mot kibino uni, a etabor kut anun o God torom mot.

Epeses 2:8 Σταυροειδείς Αναφορές

Matiu 16:17

Ra o Iesu i watungi tano lena, “Saimon, a nutun o Jon, u sa dan, uni kataio i inanos ui nama wasiso ra. O Tita ut ra i kis sapat una langit i unuk tar ui nami.

Matiu 20:9

A kum tene pinapam ra di ben pas det una limo na pakano bung det wanpat, ra di tokom det taktakai nama ikul tagun ara bung na pinapam.

A Wakak na Wasiso un o Iesu Karisito o Mak i tumusi 16:16

Osi ra i nurnur ma di baptaiso i, din ulauni. Ikut i ra ke nurnur, din pitar a dekdek na warkurai na minabalu toromi.

Luk 7:50

O Iesu i watungi tan a ino ra lena, “Una num a nurnur ut, di sa ulaun pas ui. Un nan nama malmal.”

A Wakak na Wasiso un o Iesu Karisito o Jon i tumusi 3:36

Osi ra i nurnur una Nutun o God, i sa utur ukai a nilaun tukum. Ikut, osi ra i rosumur gusun o Nutunu, ken utur ukai a nilaun, uni a kankan anun o God kura uni.”

A Wakak na Wasiso un o Iesu Karisito o Jon i tumusi 4:10

Ikut o Iesu i balu i lena, “Ra u tasman a etabor anun o God, ma u tasman osi kai ra i saring ui sur lako danim, un saringi, ma in tabor ui nama danim na nilaun.”

A Wakak na Wasiso un o Iesu Karisito o Jon i tumusi 5:24

“A inanos mot nama lingmulus, osi ra i longoro anung a kum wasiso ma i nurnur un o naro ra i tulu ru iau urin, i sa utur ukai a nilaun tukum, ma ken iru una warkurai. I sa wan gusun a minat sur a nilaun tukum.

A Wakak na Wasiso un o Iesu Karisito o Jon i tumusi 6:35

O Iesu i balu det lena, “Iau ut a beret na nilaun. Osi ra in nan torom iau ken murak, ma osi ra in nurnur un iau ken muruk melet mo.

A Wakak na Wasiso un o Iesu Karisito o Jon i tumusi 6:37

Det rop ra o Tita i pitar tar det tang, det in nan torom iau, ma osi ra in nan torom iau kan lu ru i.

A Wakak na Wasiso un o Iesu Karisito o Jon i tumusi 6:40

Una nemnem anun o Tita, det rop ra det tamtama torom o Nutunu ma det nurnur uni, det in laun tukum, ma iau an ukatutur pas det gusun a minat una bung na warkurai.”

A Wakak na Wasiso un o Iesu Karisito o Jon i tumusi 6:44

O Tita i tulu ru iau urin. Kataio in pet lar pasi sur in nan torom iau, ra o Tita ken ben tari torom iau. Ra o Tita in ben tari torom iau, iau ut an ukatutur pasi gusun a minat una bung na warkurai.

A Wakak na Wasiso un o Iesu Karisito o Jon i tumusi 6:65

Ma i watungi kai lena, “Iri i a kibino ra a watungi tamot lena, kataio in nan torom iau ra o Tita ken pitar a dekdek tano, sur in mur iau.”

Aposel 13:39

Ikut, det rop ra det nurnur un o Iesu, din watung det a kum tene tokodos.

Aposel 14:27

Ra der wanpat, der kabo tomo pas a taro na lotu, ma der inanos det una kum utna rop ra der pam sot pasi nama dekdekin o God. Der inanos det kai lena, o God i sa papos tar a kisapi na nurnur torom a taro ra awu sur a taro Juda.

Aposel 15:11

Dat nurnur lena, din ulaun dat i kibino una marmaris anun anundat a Labino o Iesu, lenkutkai ra torom det.”

Aposel 16:14

Ara ino tagun det ra det longoro met, a risano o Lidia, a ino tagitong o Taiataira, a tene siuru pepol na malu ma a tene lotu torom o God. Ra a Labino i pukus pas anun a nilaun sur in mur a kum wasiso ra o Pol i watungi.

Aposel 16:31

Ra der balu i lena, “Un nurnur una Labino o Iesu, ra o God in ulaun ui tomo nam det ra det kis una num a rumu.”

A Pas anun o Pol torom a taro Rom 10:14

Ikut, ra ka det nurnur un a Labino, det in wararing pepetlai toromi? Ra ka det longoro tar tu wasiso uni, det in nurnur pepetlai uni? Ra kataio i inanos det, det in longoro i pepetlai?

A Pas anun o Pol torom a taro Rom 10:17

I mo ra dat nurnur, uni dat longoro a Wakak na Wasiso. A wasiso ra det longoro i, a wasiso ut anun o Karisito.

A Pas anun o Pol torom a taro Rom 4:16

I mo ra a utna ra o God i uliliman tari, in pitari torom det ra det nurnur. O God i pami lenra, sur in elar nama etabor na marmaris, ma in nan ut torom a kabotaro rop anun o Abaram. Awu sur torom a taro Juda kut ra di pitar tar a kum Warkurai tandet. Awu! Torom det utkai ra det nurnur elar nam o Abaram, i ra a tamandat rop.

A Pas anun o Pol torom a taro Rom 4:5

Ikut o God ken watung taio lena i tokodos uni i pam tar a pinapam. In watungi lena, i tokodos uni i nurnur. Uni i nurnur un o God ra i ser watung a kum tene sakino lena det tokodos.

A Pas anun o Pol torom a taro Rom 9:16

I mo ra a pipilok anun o God, awu sur i kibino una nemnem anun taio, o un tu pinapam ra taio i pami. Anun a pipilok i kibino ut una nun a marmaris.

Galesia 3:14

O Karisito i kul langolango pas dat, sur o God in watung udan a kum kamkabo taro rop, elar nami ra i watung udan o Abaram, ma sur in pitar a Tokodos na Nion torom dat, ra dat nurnur un o Karisito Iesu, elar ut nama nun a liliman.

Galesia 3:22

Ikut a Buk Tabu i watung puaso i lena, a taro rop una rakrakon bual, anundet a sakino petutna i ukarabus det. Lenra, det kut ra det nurnur un o Iesu Karisito det in los pas a etabor ra o God i liliman taru nami.

Epeses 1:19

Ma mot in tasmani lena a dekdekin o God ra i warut dat, a kum tene nurnur, i labo sakit. Ka din pet lar pasi sur din elaro i nam tu utna. A dekdekino ra, i elar nama dekdek ra o God i papam nami ra

Epeses 2:10

Dat a sap na laman o God. Dat tagun o Karisito Iesu, ma o God i ukis dat sur dat in pam a kum wakak na pinapam, ra o God i sa waninar tari sur dat in pami.

Epeses 2:5

Ra dat mat una nundat a kum sakino petutna, i ulaun pas dat tomo nam o Karisito. O God i sa ulaun pas mot, kibino kut una nun a marmaris.

Pilipai 1:29

Uni o God i udan mot. Awu sur i udan mot nama numot a nurnur kut un o Karisito, awu, i udan mot nama mamaut kai, ra mot taramo i uni mot tagun o Karisito.

Kolosi 2:12

Ra di baptaiso mot, di por mot tomo nam o Karisito. Ma mot katutur melet tomo nami, uni mot nurnur una dekdekin o God, i ra i ukatutur melet pas o Karisito gusun a minat.

2 Tesalonaika 1:9

Det in taramo a warkurai na minabalu ra ken rop, i a iniru tukum, ma det in kis gisen gusun a Labino ma a minamarin a dekdekino.

Ibru 6:4

Katutaio in ben pukus lar pas a taro sur det in nukpukus torom o God ra det sa wan gisen gusuni. Det sa tasman tar a talapor anun o God, det sa wan tama tar a etabor tagisapat una langit, det sa los pas a Tokodos na Nion,

1 Pita 1:5

Ra i tamtamabat mot nama dekdekino, uni mot nurnur uni. In tamtamabat mot tuk una ururop na bung ra in ulaun mot. Ma anun a pinapam na ulaun a taro, i sa waninar tari sur in upuaso i.