Epeses 2:11 - Nupela Testamen long tokples Kandas

¹¹ Mot in nuk pasi, di usus mot awu sur mot a taro Juda. Ma a taro Juda det ser tok talilis a pinindet, elar nama ukinalong lena det anun o God. A petutna ra det pami nama lamandet. Ma numugu det watung mot lena awu sur mot anun o God, uni ka di tok talilis mot.

Epeses 2:11 Σταυροειδείς Αναφορές

Matiu 20:7

Det balu i lena, ‘Katutaio i ben met sur tu pinapam.’ I watungi tandet lena, ‘Mot kai mot in nan ma mot in papam una nung a kinobot na wain.’

A Pas anun o Pol torom a taro Rom 11:17

A taro Israel det elar namin nanai na oliw mulus, ma mot a taro gisen mot elar namin lomlom nin nanai na oliw. O God i pak ru a ramano kum kano gusun in nanai na oliw mulus. I los pas a ramano kum kano lomlom na oliw, ma i pam a bading tomo namin nanai na oliw mulus. Ra uniri, mot laun tagun a polo ra i wan gusun a wakakor nin nanai na oliw mulus.

A Pas anun o Pol torom a taro Rom 2:26

A taro gisen ka di tok talilis det, ikut, ra det mur asau ra a kum Warkurai anun o God i wasiso uni, o God i tama det elar nami ra di sa tok talilis tar det.

A Pas anun o Pol torom a taro Rom 2:27

Osi ra ka di tok talilis a pinino ma ka di ususeri una kum Warkurai, ikut i muri ut asau ra a kum Warkurai i wasiso uni, anun a nilaun in takun ui, ra di sa tok talilis tar ui, ma u tasman a kum Warkurai, ikut u lakai i.

1 Korin 12:2

Mot tasmani lena, ra ka mot nurnur utmakai, di ben raro pas mot torom a kum torotoro na god ra ka det ser wasiso, ma mot lotu torom det.

1 Korin 6:11

Ara taro tagun mot, numugu mot ser pam a kum ngasino ri. Ikut, una risan a Labino o Iesu Karisito, ma una Nion o God anundat, o God i sa gos talapor pas mot gusun anumot a kum sakino petutna, sur mot anun a taro, ma i sa watung mot lena mot tokodos umatano.

Galesia 2:15

“Di usus dat a kum te Juda, awu sur dat elar nama taro ra awu sur a taro Juda, ra dat ser watung det lena a kum tene sakino.

Galesia 6:12

A taro ra det ungongos pas mot sur din tok talilis mot, det pami kut uni det nem na ulabo pas det umatan a taro. Det pami lenra uni det ngara. Uni det nuki lena, ra det in warawai una nurnur unin nanai kutus anun o Karisito, din ukadik det.

Epeses 2:2

Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat.

Epeses 5:8

Numugu mot kis una dumirum, ikut uniri, mot kis una talapor uni mot tagun a Labino. Mot in laun elar nama kum nutnutun a talapor.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

Kolosi 1:21

Numugu mot kis bakbak gusun o God, ma una nuknuki mot, mot anun a kum ebar, kibino una kum sakino petutna ra mot ser pami.

Kolosi 2:11

Una numot a nilaun un o Karisito, i tok talilis mot, ikut awu sur a ngas na tinotok talilis ra a taro det pami nama lamandet, awu. A tinotok talilis ra o Karisito i pami i lenri, i rakon ru a laulau na nemnem ina pinimot.

Kolosi 2:13

Numugu a niomot i mat, uni mot pam a kum sakino petutna, ma ka di rakon ru a laulau na nemnem ina pinimot. Ikut uniri, o God i sa ulaun pas mot tomo nam o Karisito. I sa unus ru anundat a kum sakino petutna rop.

Kolosi 3:11

Ra lenra, dat rop dat elar mukut: a taro Juda, a taro Grik, det ra di sa tok talilis tar det ma det ra ka di tok talilis det, ma a taro tagun osi na ngas na kabotaro, a kum tene ititula ma det kai ra ka det tene ititula. O Karisito ut i labo sakit, ma i kis un dat rop.