Epeses 1:9 - Nupela Testamen long tokples Kandas

⁹ O God i ese dat una kum utna ra numugu i kis eno, ma in pami un o Karisito. Una kum utna ra, i muri ut anun a nemnem, ma i gas nami.

Epeses 1:9 Σταυροειδείς Αναφορές

Matiu 13:11

Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.

Luk 12:32

“A nat na kunur na sipsip, gong mot ngara, uni a Tamamot i sa gas sur in pitar tar a matanitu torom mot.

Luk 2:14

“Dat in watung ulabo pas o God sapat netes sakit, ma a malmal una rakrakon bual rop torom det ra o God i gas sur det.”

Aposel 13:48

A taro ra awu sur a taro Juda det longoro a wasiso ri, ra det gas doko, ma det watung ulabo pas a wasiso anun a Labino. Ma det rop ra di sa pilok pas det sur a nilaun tukum, det nurnur.

Aposel 2:23

Di pitar tar o Iesu torom mot, elar nami ra o God i sa tasman mugu tari, una nuknukino. Ra mot tomo nama kum sakino taro, mot sak wati unin nanai kutus.

Aposel 4:28

Ra det pami lenra, det pam sot pas a kum utna ra numugu u sa waninar tari una dekdekim ma una num a nemnem sur in nanpat.

A Pas anun o Pol torom a taro Rom 11:25

A kum tistising, a nemi sur mot in mananos una utna ra numugu i kis eno, sur gong mot ulabo pas mot. I lenri: Ara taro Israel, in dekdek a balandet, tuk ra a niluluk ina taro gisen ra det nurnur in elar nama nuknukin o God.

A Pas anun o Pol torom a taro Rom 8:28

Ra dat tasmani lena, a kum utna rop ra i wanpat, o God i papam nami, sur a wakakino in nanpat torom det, ra det nem o God, ma i sa kabo pas det elar nama nuknukino.

1 Korin 1:21

Uni, una mananos anun o God, i pami sur a taro una rakrakon bual ka det in pet lari sur det in tasman o God una mananos anundeti ut. A wasiso ra met warawai nami, a taro det nuki lena a longlong na wasiso, ikut, una wasiso ra, o God i gas sur in ulaun det ra det nurnur.

Galesia 1:12

Ka losi tan a taro, ma katu musano kai i ususer iau nami. O Iesu Karisito ut i upuaso tari tang.

Galesia 1:15

Ikut, o God i sa pilok tar iau, ra ka di usus iau utmakai, ma una nun a marmaris, i kabo pas iau. Ma i nemi

Galesia 1:16

sur in upuaso o Iesu a Nutunu torom iau, sur an warawai nami torom a taro ra awu sur a taro Juda. Katu musano i ususer iau uni.

Epeses 1:11

A kum utna rop ra o God i ser pami, i pami elar ut nam anun a nemnem ma a nuknukino. Numugu utmakai i pilok pas met a taro Juda, sur met tagun o Karisito, elar ut nam anun a nemnem.

Epeses 1:8

ma i ser tabor liklik dat nami, tomo nama mananos rop ma a wakak na nuknuk.

Epeses 3:11

Tagun narap utmakai o God i tasmani una nuknukino lena in pami lenra. Ra uniri, i sa pam sot pasi un o Karisito Iesu anundat a Labino.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

2 Timoti 1:9

I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat.