Epeses 1:8 - Nupela Testamen long tokples Kandas

⁸ ma i ser tabor liklik dat nami, tomo nama mananos rop ma a wakak na nuknuk.

Epeses 1:8 Σταυροειδείς Αναφορές

Matiu 11:19

A Nutun a Musano i wanpat, i wangon ma i inum, ra det watungi uni lena, ‘Tama i, a musano ri a tene inangon ma a tene ininum, a pasan a kum tene los takis ma a kum tene sakino.’ Ikut a kum pinapam anun o God i upuaso i lena, anun a mananos i a mananos mulus.”

A Pas anun o Pol torom a taro Rom 11:33

Nandet! I labo sakit a kum wakak na ululeng anun o God, anun a wakak na nuknuk ma anun a mananos. A warkurai anun o God i labo sakit, kataio in palos lar pasi. Katutaio i tasman anun a kum kisapi.

A Pas anun o Pol torom a taro Rom 5:15

Ikut a etabor anun o God ke elar nama sakino petutna anun o Adam. Uni a susut na taro det mat una sakino petutna anun ara musano kut. Ikut, i lingmulus sakit, a marmaris anun o God i bukus ma i pulpulas, ma un ara musano kut, o Iesu Karisito, ma una nun a marmaris, i pitar oros tari kut a etabor torom a susut na taro.

1 Korin 2:7

A mananos ri met wasiso nami, i a mananos anun o God, a wasiso na pidik, ra numugu i kis eno. Una nun a mananos, i waninar tar a kisapi sur in pitar a minamar torom dat. I sa waninar tari numugu utmakai ra ke ukisi utmakai a rakrakon bual.

Epeses 1:11

A kum utna rop ra o God i ser pami, i pami elar ut nam anun a nemnem ma a nuknukino. Numugu utmakai i pilok pas met a taro Juda, sur met tagun o Karisito, elar ut nam anun a nemnem.

Epeses 1:7

O Karisito i mat, ra a gapino i kul langolango pas dat, ma o God i unus ru anundat a kum sakino petutna. A marmaris ra, anun o God i labo sakit,

Epeses 1:9

O God i ese dat una kum utna ra numugu i kis eno, ma in pami un o Karisito. Una kum utna ra, i muri ut anun a nemnem, ma i gas nami.

Epeses 3:10

Ikut uniri, i pami lenri torom a taro na lotu, sur in upuaso anun a labino mananos torom a kum nion, det ra det mugumugu ma det ra det utur ukai a warkurai una langit.

Kolosi 2:3

A mananos rop, ma a wakak na ninunuk rop, det elar nama kum wakak na ululeng, ra det kis eno un o Karisito.

A Pas anun o Jud 1:25

I ara sot kut anundat a God, ra i ulaun pas dat una minatin o Iesu Karisito anundat a Labino. Anunu ut a minamar, a kinkinis na king, a dekdek ma a warkurai, tagun numnumugu utmakai, uniri, ma ken rop. Amen.

Tamtama 5:12

Det kelekele namin labino walngandet lenri, “I tokodos sakit sur a Barman na Sipsip ra di sa um doko tari in utur ukai a dekdek, a labino ululeng, a mananos ma a dekdek sur in warkurai. Ma i tokodos sakit sur din ru i, din ulabo pasi ma din watung ulabo pasi!”