Epeses 1:7 - Nupela Testamen long tokples Kandas

⁷ O Karisito i mat, ra a gapino i kul langolango pas dat, ma o God i unus ru anundat a kum sakino petutna. A marmaris ra, anun o God i labo sakit,

Epeses 1:7 Σταυροειδείς Αναφορές

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

Matiu 26:28

Iri a gaping, a kunubus ra i dat tomo tar a taro nam o God. A gaping ri, i tilingis sur in unus ru a kum sakino petutna anun a susut na taro.

Matiu 6:12

Un unus ru anumet a kum sakino petutna, elar nam met dumano ru anundet a kum sakino petutna torom met.

A Wakak na Wasiso un o Iesu Karisito o Mak i tumusi 14:24

Ra i watungi tandet lena, “Iri a gaping, a kunubus ra i dat tomo tar a taro nam o God. A gaping ri, i tilingis sur a susut na taro.

Luk 1:77

sur din utalapor anun a taro lena o God in ulaun pas det, una nun a pinapam ra in unus ru anundet a kum sakino petutna,

Luk 24:47

ma din warawai una risano torom a taro tagun a kum gapman rop, turpasi sapat o Jerusalem. Din warawai torom det lena, det in nukpukus ma o God in unus ru anundet a kum sakino petutna.

A Wakak na Wasiso un o Iesu Karisito o Jon i tumusi 20:23

Ra mot in dumano ru a kum sakino petutna anun taio, o God kai in unus ru i gusuni. Ra ka mot in dumano ru tu sakino petutna anun taio, o God kai ken unus ru i.”

Aposel 10:43

Ma a kum poropet rop det wasiso puaso un o Iesu, lena osi ra i nurnur uni, din unus ru anun a kum sakino petutna nama risano.”

Aposel 2:38

O Pita i balu det lena, “Mot rop taktakai mot in nukpukus, ma din baptaiso mot nama risan o Iesu Karisito, sur din unus ru anumot a kum sakino petutna, ra din tabor mot nama Tokodos na Nion.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 3:19

Mot in nukpukus, ma mot in nan torom o God, sur in unus ru anumot a kum sakino petutna,

A Pas anun o Pol torom a taro Rom 2:4

I sa ese anun a wakak na petutna ra i bukus torom mot, ma ke warkurai lakit mot una numot a kum sakino petutna, ma a pinino ke ngoro lakit nam mot. Pepetlai, mot nuk penpen kut una nun a kum wakak na petutna ra? Pepetlai, ka mot tasmani lena, i maris mot lenri sur mot in nukpukus?

A Pas anun o Pol torom a taro Rom 3:24

Ikut, una marmaris anun o God, o God i watung det lena det tokodos. I pami lenra elar nama etabor oros kut, uni o Karisito Iesu i kul langolango pas det.

A Pas anun o Pol torom a taro Rom 3:25

O God i pitar ru o Iesu, sur in mat ma a gapino in unus ru a kum sakino petutna anun a taro rop ra det nurnur uni. Ma a gapino in urop ru a kankan anun o God gusun det. I pami lenri, sur in ese anun a tokodos na petutna. Uni numugu i madek ru i kut a sakino petutna anun a taro, ma ke warkurai det uni, kibino una balano molmol anunu torom det.

A Pas anun o Pol torom a taro Rom 9:23

I pami lenra sur in ese anun a labino minamar torom det ra det kis utuntudu ina nun a marmaris. Det ra i waninar tar det numugu utmakai sur det in kis tomo nami una nun a minamar. Ma uniri det kis langlang suri.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

2 Korin 8:9

Uni mot tasman a marmaris anun anundat a Labino o Iesu Karisito. I ut i tadaru sakit nama susut na utna, ikut i wan gusun anun a wakak na kinkinis sapat netes una langit, uni i maris mot, ma i kis na sibo nin una rakrakon bual, sur mot, mot in tadaru nama wakak na nilaun.

Epeses 1:14

A Tokodos na Nion i a mugano etabor, sur in ulingmulus anun a liliman lena, numur una bung ra o God in ulangolango pas anun a taro, dat in rakon a kum utna ra o God i sa uliliman taru uni. I mo ra, dat in watung ulabo pas o God kibino una nun a minamar!

Epeses 1:18

A wararing lena in utalapor a matan a kum niomot, sur mot in tasman a utna ra dat kis langlang nama nurnur suri, ra o God i kabo pas dat sur dat in rakon pasi. A utna ra dat a taro anun o God, dat in rakon pasi, i labo sakit ma i bukus nama minamar.

Epeses 1:6

Ra dat in watung ulabo pas o God una nun a wakak na marmaris ra i tabor oros tar dat nami, una Nutunu ra i maris doko i.

Epeses 1:8

ma i ser tabor liklik dat nami, tomo nama mananos rop ma a wakak na nuknuk.

Epeses 2:4

Ikut, o God i bukus nama marmaris! I ulaun pas dat uni i maris doko dat.

Epeses 2:7

O God i pami lenra, sur in ese anun a marmaris torom dat un o Karisito Iesu, sur anun a labino marmaris sakit in nanpat talapor torom a kum taun taro numur.

Epeses 3:16

Ma o God anun a ululeng i bukus nama minamar. Ra a wararing sur in tabor mot nama Niono, sur in udekdek a niomot,

Epeses 3:8

Ma iau, a natino sakit tandet rop a taro anun o God. Ikut i maris iau, ra i pitar tar a pinapam ri tang, sur an warawai torom det ra awu sur a taro Juda una kum utna anun o Karisito ra i labo sakit, ma ken elar sur taio in tasman rop pasi.

Pilipai 4:19

A God anungi in pam sot a kum utna rop ra mot sibo suri, tagun anun a kum wakak na ululeng ra anundati, kibino un o Karisito Iesu.

Kolosi 1:14

i ra i sa kul langolango pas dat, ma i sa unus ru anundat a kum sakino petutna.

Kolosi 1:27

O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.

Kolosi 2:13

Numugu a niomot i mat, uni mot pam a kum sakino petutna, ma ka di rakon ru a laulau na nemnem ina pinimot. Ikut uniri, o God i sa ulaun pas mot tomo nam o Karisito. I sa unus ru anundat a kum sakino petutna rop.

Kolosi 2:2

A pami lenra, sur in uragot anundet a nilaun, ma det in kis na marmaris tomo, sur det in bukus nama labino mananos, sur det in tasman a utna anun o God, ra numugu i kis eno, i ra o Karisito ut.

1 Timoti 2:6

i ra i pitar tar anun a nilaun sur in kul langolango pas a taro rop. Una du bung ra o God i sa kubus tari, o Iesu i ulingmulus a nemnem anun o God lena i nem na ulaun a taro rop.

Taitus 2:14

I pitar tar anun a nilaun sur dat, sur in kul langolango pas dat gusun anundat a kum sakino petutna rop, ma in gos talapor pas dat, sur dat anun a taro mulus ut, ra dat nem doko i sur dat in pam a kum wakak na pinapam.

Taitus 3:6

O God i tabor dat nama Tokodos na Nion, ra i lingis orosi kut sapat netes un dat, kibino una pinapam anun o Iesu Karisito, anundat a Tene Ulaun.

Ibru 9:22

A lingmulus, a Warkurai anun o Moses i watungi lena, milau a kum utna rop, din gos talapori nama gap. Ra a gap ken tilingis, o God ken unus ru a kum sakino petutna.

1 Pita 2:24

O Karisito ut i los pas anundat a kum sakino petutna una pinino ra i mat unin nanai kutus, sur dat in mat gusun a sakino petutna, ma dat in laun sur a tokodos na petutna. Ma una kum iniru una pinino, i ulangolango pas mot.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

1 Jon 2:12

A tumtumus torom mot a kum nutnutung liklik, uni di sa unus ru anumot a kum sakino petutna una minatin o Karisito.

1 Jon 2:2

I ut i mat sur in kul langolango pas dat gusun anundat a kum sakino petutna, ma in urop ru a kankan anun o God gusun dat. Ma ke mat sur dat kut, i mat sur a taro rop una rakrakon bual.

1 Jon 4:10

A marmaris i lenri: O God ut i maris mugu dat. Awu sur dat, dat maris mugu o God, awu. O God i maris dat, ra i pitar ru o Nutunu sur in mat ra in ulangolango pas dat gusun anundat a kum sakino petutna ma in urop ru a kankan anun o God gusun dat.

Tamtama 14:4

Det ri, katu dur un det, uni ka det inep tomo nama wardain. Det ser mur a Barman na Sipsip una kum nubual ra i ser wan iai. O God i kul langolango pas det taginin epotor tan a taro una rakrakon bual, sur det in elar nama mugano wino ra di ser tabor o God ma a Barman na Sipsip nami.

Tamtama 5:9

Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.