Aposel 9:34 - Nupela Testamen long tokples Kandas

³⁴ Ra o Pita i watungi tano lena, “Ainias, o Iesu Karisito i sa ulangolango pas ui. Un katutur, ma un pul pas a bam.” Ra uniutra i katutur.

Aposel 9:34 Σταυροειδείς Αναφορές

Matiu 8:3

O Iesu i kodos a lamano, ma i pam a pinino, ra i watungi tano lena, “A nemi ut, un langolango.” Uniutra a lepra i rop gusuni.

Matiu 9:6

A wasiso ra an watungi, an watungi sur mot in tasmani lena, o God i pitar a warkurai torom a Nutun a Musano, sur in unus ru a kum sakino petutna nin upiso.” Ra i watungi torom a musano a pinino i mat lena, “Un katutur, un los anum a lu, ra un nan sur anum a rumu.”

A Wakak na Wasiso un o Iesu Karisito o Jon i tumusi 2:11

Iri a mugano ukinalong ra o Iesu i pami. I pami tong o Kana una papor Galili. A ukinalong ra, i ese puaso anun a minamar, ma anun a kum nat na ususer det nurnur uni.

Aposel 16:18

A susut na bung i pami lenra. Ra a pinin o Pol i sa ngoro nami, i tupukus, ra i watungi tan a laulau na nion lena, “Una risan o Iesu Karisito, a watungi tam, un pirso gusun a ino ri.” Uniutra a laulau na nion i pirso gusuni.

Aposel 3:12

O Pita i tama det, ra i watungi tandet lena, “Mot a taro Israel, ilai ra mot kisin una utna ri, ra mot tama dekdek mir? Pepetlai, mot nuki lena mir ulangolango pas a musano ri nama dekdeki mir ut? Awu! Mot nuki lena mir ulangolango pasi uni mir tokodos umatan o God? Awu!

Aposel 3:16

Una nurnur una risan o Iesu, di ulangolango pas a musano ri, ra mot tama i ma mot tasmani. A nurnur una risan o Iesu i ulangolango pas a musano ri umatamot rop.

Aposel 3:6

Ra o Pita i watungi lena, “Iau katu mani, ikut uniri an tabor ui nama utna ra anung. Una risan o Iesu Karisito, a te Nasaret, un tur ma un nan!”

Aposel 4:10

Mot ma a taro Juda rop, mot in tasmani lena, a musano ri ra i tur numugu tamot, di ulangolango pasi nama risan o Iesu Karisito a te Nasaret, i ra mot sak wat tari unin nanai kutus, ma o God i ukatutur melet pasi gusun a minat.

Aposel 9:33

Tiro iai, i barato pas ara musano, a risano o Ainias, a pinino i mat, ma i inep kut una bano, elar nama tiwal na kilalo.

Aposel 9:35

Numur, det rop ra det kis una ru tamon, o Lida ma o Saron, det tama a musano ra, ma det nukpukus torom a Labino.