Aposel 7:38 - Nupela Testamen long tokples Kandas

³⁸ O Moses i kis tomo nama kum tumtubun dat tagun numugu, a taro Israel, una nubual kalako taro uni. Ra a ensel i wasiso toromi una Tangai Sainai. O Moses i los pas a wasiso na nilaun, ma i tumus ukai tari sur anundat uniri.

Aposel 7:38 Σταυροειδείς Αναφορές

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

A Wakak na Wasiso un o Iesu Karisito o Jon i tumusi 6:63

A Nion, i ra i pitar a nilaun. A dekdekin a pinin a musano, katu utna i gas uni. A kum wasiso ra a watungi tamot, i a nion ma i pitar a nilaun.

Aposel 7:30

“Ra i sa wat na noino kilalo uni tiro iai, ara ensel i wanpat toromi epotor una kunabor unin nanai, una nubual kalako taro uni, milau a Tangai Sainai.

Aposel 7:35

“Numugu a taro Israel det ban lulu ru o Moses nama wasiso lenri, ‘Osi ra i ubek tar ui sur un mugumugu ma un tene warkurai anumet?’ Ikut, i ut ra, o God i tulu ru i sur in mugumugu ma in ulangolango pas a taro. I tulu ru i nama wasiso anun a ensel ra i wanpat toromi unin nanai ra i kunabor.

Aposel 7:53

Mot ra mot sa los ukai a Warkurai anun o God, ra a kum ensel det pitar tari torom mot, ikut ka mot muri.”

A Pas anun o Pol torom a taro Rom 3:2

Ra taio a te Juda i wakak doko toromi. A mugano utna ut, o God i sa ubek tar anun a wasiso una laman a taro Juda.

A Pas anun o Pol torom a taro Rom 9:4

Det a taro Israel, ra o God i ras pas det sur det a kum nutnutunu. I ese anun a minamar tandet, i pam a kum kunubus tomo nam det, i pitar tar a kum Warkurai tandet, i ese tar det una kisapi na lotu mulus, ma i uliliman tar det.

Galesia 3:19

Sur asau ra o God i pitar a kum Warkurai? I pitari sur a taro det in tama lele anundet a kum sakino petutna. Di mur a kum Warkurai tuk a nutun o Abaram i wanpat, i ra o God i uliliman taru nami, o Karisito. Ra o God i pitar a kum Warkurai, i tulu ru a kum ensel nami torom o Moses, i ra i tur epotor tan a taro ma o God, sur o Moses in pitari torom det.

Ibru 2:2

A kum wasiso ra numugu a kum ensel det wasiso talapor nami i tur sikot. Ra taio ke muri o i pitarngat kut, din pitar tar a warkurai na minabalu toromi, ra i elar nam anun a pitarngat.

Ibru 4:12

Uni a wasiso anun o God i laun ma i papam. I wangon doko taun in totok na inaim ra aru paporino der wangon. I ruk ra i totok tuk una nubual ra a niondat ma a balandat der etorom iai, ma tuk una nubual ra a kum sur det tugus tomo iai. Ma i kuro a kum nuknuk ma a kum nemnem nin ubalandat.

Ibru 5:12

Mot sa nurnur suano mot, ra uniri i sot mo sur mot a kum tene ususer. Ikut, mot sibo utmakai sur taio in ususer mot melet una kum mugano ususer una wasiso anun o God. Ka mot nan lar pas a dekdek na utna, mot sus kut.

1 Pita 4:11

Ra taio i los a etabor sur in tene warawai, i wakak sur in warawai ut elar nama wasiso anun o God. Ra taio i los a etabor sur in tene warut, i wakak ra in warut nama dekdek ra o God i pitar tari tano, sur a taro det in watung ulabo pas o God una kum utna rop, kibino un o Iesu Karisito. Anunu kut a minamar ma a dekdek, ken rop ma ken rop. Amen.