Aposel 6:3 - Nupela Testamen long tokples Kandas

³ A kum tistisi met, mot in pilok pas lako wonom mawit na wakak na musano tagun mot, det ra det mananos ma det bukus nama Tokodos na Nion, sur met in pitar tar a pinapam na etabor ri torom det.

Aposel 6:3 Σταυροειδείς Αναφορές

Matiu 23:8

“Ikut, gong di watung mot a kum tene ususer, uni ara Tene Ususer sot kut anumot. Ma mot, mot nisnisino.

A Wakak na Wasiso un o Iesu Karisito o Jon i tumusi 21:23

A wasiso i wanpat epotor tan det ra det nisnisino una nurnur, lena a nat na ususer ri ken mat. Ikut o Iesu ke watungi lena ken mat, awu, i watungi kut lena, “Ra a nemi sur in laun tuk an milet, awu sur a utna anumi.”

Aposel 1:15

Un ara bung epotor tan a kum bung ra, a kum tene nurnur det kis tomo. Det elar nam ara mar ma ru noino det. O Pita i tur ma i watungi lena,

Aposel 1:21

I mo ra i wakak ra dat in pilok pas tu musano, sur i kai in tene wasiso talapor tomo nam dat, un o Iesu lena i katutur melet gusun a minat. I wakak ra a musano ra, taio ut tagun dat ra dat ser kis tomo nam o Iesu, turpasi ra o Jon i baptais, tuk una bung ra di ben pas o Iesu gusun dat usapat una langit.”

Aposel 10:22

Detul balu i lena, “O Konelias, a mugumugu anun ara mar na taro na inaim i tulu ru metul. O Konelias i ara tene tokodos ma a tene urur un o God, ma a taro Juda rop det ru i. A ensel anun o God i inanos tari lena, in itula pas ui utong una nun a rumu, sur in longoro anum tu wasiso.”

Aposel 15:23

Ra det tumus tar a pas sur det in losi. A pas ra i watungi lenri: Met a kum aposel ma a kum mugumugu, met a kum tistisi mot, met tumtumus torom mot a kum tene nurnur tagun a taro ra awu sur a taro Juda ra mot kis tong o Antiok, ma una ru papor Siria ma o Silisia: A marmaris torom mot.

Aposel 16:2

Det ra det tar tistisino una nurnur tong o Listra ma o Aikoniam, det watungi un o Timoti lena i a wakak na musano.

Aposel 2:4

Det rop det bukus nama Tokodos na Nion, ma det turpas a wasiso nama kum wur ngas na wasiso ra a Tokodos na Nion i pitar tari torom det.

Aposel 22:12

“Ara musano, a risano o Ananias, i ara lingmulus na tene lotu ra i ser mur a kum Warkurai anun o Moses, ma a taro Juda rop ra det kis tiro iai, det ser ru i. I wanpat torom iau,

Aposel 28:14

Tiro iai met pastorom pas a kum tistisi mot una nurnur, ra det saring met sur met in kis pas lako wonom mawit na bung nisandet. Numur met wan mo utong o Rom.

Aposel 6:2

Ra a noino ma aru aposel det kabo tomo pas a taro na ususer rop, ma det watungi tandet lena, “Ke tokodos sur met in balon mukut una etabor nama utna na inangon, ma ka met in pam a pinapam na warawai nama wasiso anun o God.

Aposel 6:5

Det rop det gas una wasiso ri. Ra det pilok pas o Stiwen, a musano ra i bukus nama nurnur ma a Tokodos na Nion. Ra det pilok pasi kai o Pilip, o Prokorus, o Nikano, o Timon, o Pamenas, ma o Nikolas, a musano tagitong o Antiok, ra awu sur a te Juda, ikut i ruk una lotu Juda.

Aposel 6:6

Ra det ben pas det torom a kum aposel. Ma det ubek a kum lamandet sapat netes un det, ma det wararing.

Aposel 9:30

Det ra det tar tistisino una nurnur, det longoro i. Ra det beni utong o Sisaria, ra numur det tulu ru i utong o Tasus.

1 Korin 12:8

A Tokodos na Nion i tabor ara nama mananos sur in wasiso nami, ma a Nion ut ra, i tabor ara kai nama wakak na nuknuk sur in wasiso nami.

1 Korin 16:3

Mot in pilok pas lako taro ra mot nurnur un det sur det in los anumot a etabor. Ma ra an nanpat tiro, an pitar tar a kum pas na wasiso talapor torom det sur det in losi tomo nam anumot a etabor, ma an tulu ru det nami usapat o Jerusalem.

Epeses 5:18

Gong mot sipak nama wain, uni in ban laulau anumot a nilaun. Ikut, mot in bukus nama Tokodos na Nion.

1 Timoti 5:10

ra a taro rop det tasman anun a kum wakak na pinapam lenri: i ugu wakak a kum nat, i ser gas pas a taro una nun a rumu, i ser gos ru a kubus gusun a kikin a taro anun o God, i ser warut a taro ra a kum mamaut i los det, ma i pitar tar anun a nilaun sur a kum wakak na pinapam rop.

Jems 1:17

A kum wakak na etabor rop, ra det tokodos sakit, det wan pirso tagisapat una langit. Det wanpat tan o Tita, i ra i ukis in matanas, a kalang ma a kum nangnang. Ikut o Tita ke ser keles, ma ke pukpukus anun a ngasino elar namin matanas, ra in sisio pas una waspi ma una mirum awu.

3 Jon 1:12

A taro rop det watungi un o Dimitrius lena, i ara wakak na musano. A magirano ra i mur a lingmulusino i ese i kai lena i ara wakak na musano. Met kai met wasiso talapor uni, ma u tasmani lena, anumet a kum wasiso i lingmulus.