Aposel 5:5 - Nupela Testamen long tokples Kandas

⁵ O Ananias i longoro a wasiso ri, i puku pirso ra i mat. Ra det rop ra det longoro a wasiso uni det ngara doko.

Aposel 5:5 Σταυροειδείς Αναφορές

Aposel 13:11

Uniutri a warkurai anun a Labino in rakon ui, in matam in pulu suano pasi, ma kon tama a talapor ina suan.” Uniutra a gawul ma a dumirum i wanpat toromi, ma i paraso tuptupukus sur taio ra in pam pas a lamano sur in beni.

Aposel 2:43

A kum aposel det pam a susut na utna na ukisin, ma a susut na ukinalong kai, ra a taro rop det urur un o God.

Aposel 5:13

A taro gisen det ngara sur det in kis tomo nam det, ikut ka det watung laulau det, det urur un det.

1 Korin 4:21

Asau ra mot nemi? An nanpat torom mot namin kadas, o nama marmaris ma a wowowon na petutna?

2 Korin 13:10

Iri a kibino ra a tumus a kum utna ri torom mot ra ka wanpat utmakai. Ra an nanpat, kan wasiso nama dekdek na wasiso torom mot, ma kan kuro mot nama warkurai ra a Labino i sa pitar tari tang. I pitar tari tang sur an udekdek mot nami, awu sur an ban laulau mot nami.

2 Korin 13:2

Una nung a manru na inawan pat torom mot, a sa utumarong tar mot una numot a kum sakino petutna. Ma uniri ra a kis gisen, an inanos melet mot ut una utna ri: Numur, ra an nanpat tiro, an wasiso dekdek torom det ra kabaut det nukpukus gusun anundet a kum sakino tagun numugu, ma osi kai ra i pam a sakino.

2 Korin 7:11

Tama i, a tupunuk ri tan o God i pam pat a susut na wakak na utna un mot: A labino nemnem i kis unin balamot sur mot in langolango gusun a sakino. Ma mot nem doko i sur mot in ukodos pas mot sur gong tu etakun in los mot. Mot kankan torom o naro ra i pam a sakino, ma mot ngara. Mot nem doko i sur dat in emarom melet, mot dekdek pas mot, ma mot nemi sur mot in ukodos a utna ra i raro. A lingmulus, anumot a petutna i ese i lena, mot tokodos una utna ri.

Tamtama 11:13

Una du bung ut ra, a labino guri i wanpat. Ma ara kukur tagun ara noino dino tagun a labino tamon ra i terege. A wonom mawit na arip na taro det mat, ma det ra det laun sikot det ngara doko, ma det watung ulabo pas o God ra i kis sapat una langit.

Tamtama 11:5

Ra taio i nemi sur in ban laulau der, a sungun in nanpat tagun a wander ma in tun ru anunder a kum ebar. Ra taio i nem na ban laulau der in iru lenra.